MAI. — AU PAPE

res Sainct Père, Comme je doibts à la bonté de vostre Saincteté et aux faveurs que j'en ay receues la meilleure et plus saine partie des félicitez desquelles je jouis de présent par la grâce de Dieu, je désire luy debvoir celle qui doibt servir d'affermissement à toutes les autres, tant pour le bien de mon Estât que pour la consolation de ma personne; c'est pourquoy j'escripts de présent à mon Ambassadeur qu'il supplie Vostre Saincteté de m'assister de son auctorité et bienveillance en l'occasion qu'il luy exposera de ma part, me promettant que toutes choses me seront heureuses et favorables qui me arriveront par l'entremise de Vostre Saincteté; laquelle en ce faisant comblera d'obligations envers sa béatitude un Prince et toute une nation quilionnoreront éternellement son nom et sa mémoire, et affectionneront tout ce qu'Elle aimera, ainsy que représentera plus particulièrement à Vostre Saincteté mondict Ambassadeur, je la supplie d adjouster foy comme elle feroit à son. . .