MAY. — A LA COURT DE NORMANDIE
oz amez et feaulx, Apres avoir fait meurement délibéré tant sur vostre arrest du xve de ce mois que sur ce que nous a rapporté le Sr de Courson, conseiller en nostre grand conseil, nous vous avons faict despecher nos lettres et déclarations de finalle jussion, bien qu'il n'en fut besoing pour ce que nous vous avons assez faict entendre nostre volonté tant par noz lettres patentes et closes que par led. Sr de Courson que nous vous avons envoyé exprès avec lettres et créance, et nous avons bien voulu faire tracer ceste cy pour vous dire combien nous sommes mal satisfaitz de tant diverses remises dont vous usez à la vérification de nostre edict pour la vente et revente de nostre domaine, bien que vous aiez plusieurs fois entendu nostre intention et que plus vous insistez à différer lad. vérification plus nous nous banderons pour le vouloir puisque c'est chose qui importe à nostre service et à donner contentement à ung prince estranger qui nous a très bien assistez pendant la dernière guerre civille de ce royaulme et dont l'amitié nous est chère et recommandée. Partant, nous voulons et vous mandons que vous ayez à procéder au plustost à la vérification de nostre edict suivant
nosd. lettres et déclarations de jussion. Sy en ceste fois vous n'y avez égard, nous serons contrainctz dy procéder par les voies qui se praticquent contre les refractaires à nos commandements mesmes par interdiction et suspension de vos charges. A quoy toutesfois nous n'avons voulu prendre resolution juzques à ce que nous scachions de quelle sorte vous vous serez conduictz en l'exécution de nostre volonté pour le regard de lad. vente et revente de nostre domaine, ayant commandé au président Courvauldon, en l'absence du premier président de vostre compagnie, avecq le rapport de nostre d. edict vous faire entendre de rechef nostre intention tant de fois réitérée et par nos d. lettres et par le Sr de Courson. Adjoustez donc austant de foy et créance à ce qu'ilz vous diront de nostre part comme à nous mesmes. Donné à Fontainebleau le xxvne jour de May 1 601 .
Henry .
De Neufville.
(Bibl. Maz., Ms. 1549, fol. 149.)
1601, 27 MAY. — A NOS AMEZ ET FEAULX CONSEIL- LERS NOZ ADVOCATZ ET PROCUREURS EN NOSTRE COURT DE PARLEMENT DE ROUAN.
^| oz amez et feaulx. Nous vous envoyons noz lettres et déclarations de finalle jussion suivant lesquelles nous voùs enjoignons poursuivre et requérir la veriffication de nostre edict pour la vente et revente de notre domaine et de cesser et faire cesser toutes choses jusques à ce que la d. veriffication soit faicte. Nous escrivons aussi à ceulx de nostre court de parlement et leur mandons qu'ils aient à procéder incontinant sans delay à la d. veriffication et qu'à faulte de ce faire nous serons contrainctz de nous faire obéir soit par suspension et interdiction de l'exercice de leurs charges ou par aultre voye ainsi que l'on a accoustumé de faire en pareilles occasions, croyans toutesfois qu'ils ne nous donneront subjectny vous aussy d'en venir là. Faictes doncques que, comme vous avez esté jusques à presant les principaulx instrumens de ces remises par vos conclusions contraires aux parolles que vous nous avezfaict donner et parle refus de faire exécuter l'arrest de nostre court du xvne Aoust dernier pour le recouvrement des estatz de nostre d. domaine des personnes y mentionnées, nous recevions aussi les effectz et les parolles tant en la pour-
DE HEJNRY IV. 361
suite et la d. vérification qu'au recouvrement de ces estatz suivant les arrestz, pour estre iceuîx par vous mis ez mains du Sr de Courson, conseiller en nostre grand conseil, suivant ce que vous avons mandé par noz lettres patentes du 11e de ce mois. Donné à Fontainebleau, le xxviie jour de May 1601 .
Henry.
De Neufville.
(Bib. Maz., Ms. 1549, fol. 151.)
