MAY. — A NOSTRE PROCUREUR DE LA CHAMBRE DES COMPTES A ROUAN

ostre amé et féal, nous ne pouvons que nous n'aions un extresme desplaisir de voir que nostre Chambre se soit avec si peu d'apparents prétexte volontairement bandée à contester, de-

battre et empescher si elle pou voit l'exécution de nostre Edict faict pour la vente et revente de nostre domaine en Normandie au mespris des commandementz sy exprès que nous luy en avons faictz desquelz ilz ont ouvertement et absolument reffusé d'obéir, proposant de vouloir réitérer les resmontrances qui ne peuvent estre autres ne plus fermes et vallables que celles qu'elle nous a faictes par vostre entremise, auxquelles nous voulons qu'elle s'arreste sans espérance de pouvoir estre receuz et en faire d'autres. Ce que nous vous mandons et enjoignons très expressément de repartir à nostre dicte Chambre aussitôt que la présente sera receu et tenir la main à ce que toutes excuses postposeez et cessans ce porteur, l'un de nos valletz de chambre que nous envoions exprès vers elle, nous en rapporte l'entier effect et l'accomplissement et qu'il n'y ait faulte, car tel est nostre plaisir. Donné à Tours le 14 de May 1602.

Henry.

(Bib. Mazarine, Ms. 1549, f. 231 et 232.)

M . Berger de Xivrey n'indique pas ces deux pièces dans sa précieuse Table de plusieurs lettres de Henri IV qui ne lui ont pas paru devoir être imprimées, mais il y signale la lettre suivante, adressée au premier président du parlement de Normandie , comme ayant dû être écrite le 14 mai, par conséquent à Tours :

ce Monsr le président je ne puis avoir à plaisir les remises qu'avez faict de faire publier le règlement faict en mon Conseil pour l'exécution de l'edict de la vente et revente de mon domaine , daultant que le dicl règlement est principallement faict pour cognoistre comment il est possédé, soubz quel tiltre et par quelles personnes , et après avoir esté veu en mon Conseil les procès verbaulx du commissaire député pour l'exécution dudict Edict estre ordonné de la vente et revente des choses qui se trouveront mal possedeez, tenuez, receleez etusurpeez. C'est pourquoy je vous ay voulu faire la présente pour vous dire que vous aiéz , sur tant que desirez me complaire, à faire procéder incontinant et sans delay à ladicte publication, et icelle m'envoier par ce porteur — que je vous

envoie exprès. Ce que me promettant que ferez je prie Dieu , Monsr le président, qu'il vous ait en sa ste garde. Escript a — . »

A cette lettre, tirée du mêmeMs., f° 19, je crois qu'on peut joindre encore la suivante que M. Berger de Xivrey (t. VII, p. 945) date, sans la transcrire, évidemment à tort du jour même de la mort de Henry IV, car on lit sur son verso : Coppie de la missive au premier président de la chambre des comptes du 14 may 1602 :

<r Monsr le président, c'est avec sy peu d'apparente occasion que ma chambre des comptes a prins n'agueres prétexte de refuser l'exécution de mon edictpour la vente et revente de mon domaine etl'arrest de mon conseil sur ce intervenu, que je ne puis que sinon avoir un très grand ressentiment et mesconteiitement. Mais affin que toutes ces longueurs cessent comme elles doibvent aussy puisque mon procureur gênerai bien informé de l'intention de ma dicte Chambre m'a desia faict d'assez amples resmontrances sur ce subject, j'escript à mad. Chambre par — l'un de mes valletz de chambre que je despeche exprès vers elle pour lui mander qu'elle n'espere plus estre admise et receu désormais à faire d'autres resmontrances quelles qu'elles soient que celles de mondict procureur, mais se conformant à mesdictz edict et arrest elle aie suivant tant et sy exprès commandementz que j'en ay faictz à passer oultre lesdictes resmontrances et sans sy arrester ne avoir esgard aulcun , et nous faire par le retour de nostre porteur paroistre en effect l'obéissance et le respect qu'elle doibt à mesdictz commandementz. A quoy vous mettrez peine qu'il soit incontinant satisfait désirant que vous y mouviez la bonne main et que ledict — puisse estre de retour préz de moy dans huict jours après la réception de mes présentes lettres. Priant Dieu — »

Ces lettres, datées de Tours, font partie de la seconde publication de la Société des Bibliophiles de Touraine, constituée dans le but de publier, à l'aide des presses de M. Marne, des ouvrages inédits ou rares, offrant un intérêt historique ou littéraire, et relatifs à la Touraine.

1602, 15 MAY. — A MESS. VYART ET MIRON , CONSEILLERS EN MON CONSEIL ET DEPPUTEZ PAR LA CONFERENCE DES LIMITES DE VERDUNOIS ET LUXEMBOURG .

essieurs Vyart et Myron, jay veu par voz dernières lettres ce que vous avez donné en faveur de ceulx du chapitre de l'Eglise de Verdun, et particulièrement l'asseurance que vous avez donnée au conseiller Just que vous attendriez les depputez de mes frère et niepce les Archiduez pour conférer avec eulx et que vous départiriez volontiers de ce que vous jugeriez par ensemble estre contre la raison; en quoy vous leur avez faict congnoistre que vous ne desiriez rien à l'advantage et faveur de ceulx dudict chapitre que ce que est raisonnable suivant mon intention et les lettres qui je vous avois envoyées pour cest effet. Depuis peu de jour l'ambassadeur desdicts Àrchiducz m'a faict plaincte de vostre dicts jugements tant pour la forme dont vous avez usé que de ce que vous avez faict en conséquence d'icelluy, m'ayant remontré que, la conférence ayant esté accordée de part et d'autre, vous n'avez peu donner jugement sans ouyr les parties qui y ont interest et l'advis de ceulx qui sont depputez de la part desdicts Archiducz pour conférer avec vous; que vous avez faict publier vostre

dict jugement depuis iceluy faict signiffier à ceulx de Danviller, mesmes à quelques particuliers qui sont condamnez à diverses amendes dont l'exécution ne se pourroit faire que les officiers et subjectz desdictz Archiducz ne se missent en debvoir de l'empescher par toutes voyes. Sur quoy j'ay dict audict Ambassadeur que ledict jugement avoit esté donné par les Commissaires que j'ay depputez pour ladicte conférence; lesquelz se sont trouvez au lieu et temps accordez pour faire l'assemblée, auxquelz mesdictz depputez ont attendu ceulx des Archiducz quatre mois entiers avant qu'entrer en aulcunes procédures, lequel temps passé eslans pressez par ceulx dudict chapitre, ilz n'ont peu leur denier justice, ayans commencé à veoir leurs tiltres et informé des entreprinses faictes sur eulx par ceulx de Dampvillier pour préparez ce qui dependoit de l'exécution de votre commission, attendant la venue desdictz depputez des Archiducz desquelz n'ayansaulcun advis six mois après vostre arrivée audict Verdun, vous auriez donné vostredict jugement fundé sur les tittres, droictz et possessions anciennes de ceulx dudict chapitre en faveur desquelz vous n'avez peu reffuser de donner vostre dict jugement; en quoy vous n'avez rien faict qui n'aye esté cy devant pratiqué en pareil cas ; toutesfois qu'ayant esté adverty que lesdictz depputez des Archiducz estoient arrivez depuis peu en Luxembourg pour ladicte conférence, que je vous avois escript de les ouyr et leur faire veoir les tiltres et raisons qui vous avoient meu de donner ledict jugement, vous ayant mandé d'en conférer avec eulx suivant les termes de vostre commission sans faire mention de vostre jugement n'y prendre

aulcLin advantage sur icelluy : qui est ce que vous avez présentement à faire avec les depputez; vous ne ferez rien toutes fois qui puisse rendre ledict jugement nul, si ce n'est qu'ayant conféré ensemblement ce qui est requis pour conserver les droictz de ceulx dudit chapitre et dont ils puissent recevoir contentement. Si en l'exécution de ce que dessus vous trouvez quelque difficulté préjudiciable à mon service vous tiendrez en surceance ladicte conférence comme aussi l'exécution de vostre dict jugement, et vous donnerez advis de ce que vous estimerez estre à faire tant pour mon service que pour la conservation des droictz de ceulx dudict chapitre.

Je loue la responce faicte à mon frère le Duc de Lorraine par ceulx du chapitre de Verdun, et voyant qu'ilz rendent ce qu'ilz doibvent à mon authorité, je ne veulx aussi leur manquer de support et de faveur en la conservation de leurs droictz, désirant que les differendz qu'ilz ont avec mondict frère soient terminez à l'amyable, mais que ce soit par vous que j'ay depputez à cest effect.

En quoy j'auray très agréable que vous apportiez tout ce que dépendra de vous pour le contentement de mondict frère, en conservant les droictz dudict chapitre ; ce que vous pouvez faire entendre à mondit frère auquel j'en escriray, s'il en faict plus grande difficulté. Et sur ce je prieray Dieu qu'il vous ayt, Mess. Vyart et Myron, en sa saincte et digne garde. Escrit au Plessis lez Tours le xve jour de may 1 602.

Henry.

Potier.

( * Fonds Dupuy, N° 62, F0 42 et F. Béthune, Ms. 9136, fol» 33.)