AOUT. — AU PAPE CLÉMENT VIII

(Sur l'exécution du mareschal de Biron.)

res Sainct Pere, Bien que j'aye vescu toute ma vie dans les armes et que je porte impatiemment les ressentimens des offenses qui me sont faictes, d'un cœur de Prince, tel que Dieu m'a faict naistre; toutesfois il m'a doué d'un esprit de Paix et de Justice accompagné de quelque jugement et prudence, pour en desernant l'ombre d'avec le corps, la vérité du mensonge et les choses bonnes des mauvaises, eslire les plus justes, utiles et honestes pour régir et gouverner les peuples qu'il a soubmis a ma puissance. Je révère aussi grandement la personne de Votre Saincteté, et ay bien esprouvé son amour

paternel, sa bonté, son equanimité, dont je ne serai jamais mecognoissant. Elle seule nous a aussi procuré et après Dieu donné la paix de laquelle nous jouissons ; mais, Très Sainct Pere, si nous voulons qu'elle dure, il faut que chacun se contienne dans ses limites sans empiéter sur l'autruy, rechercher par moyens illicites de s'accroistre et advantager, au dommage de ses voisins, ni favoriser l'incontinence et inquiétude de ceux qui ne peuvent vivre en repos. Si cela se fait, par qui et comment il se faict, Vostre Saincteté le sçait, toute la Chrestienté le cognoist et plusieurs le sentent ; Vostre Béatitude en est très marie, et faict ce quelle peut pour y remédier; mais ses peines, ses prières, ni ses vœux ne produisent en tous lieux mesmes fruicts ni mesmes effectz. C'est à telle playe qu'il faut porteries mains et pourvoir, si Ton veut que la paix dure, car à la longue la patience des plus modérez tourneroit en impatience et fureur. Très Sainct Pere, je i'eviteray tant que je pourray, comme j'ai faict jusques à présent, non pour la crainte du péril que ma personne peut courre, j'y suis trop accoustumé, et chacun en aura sa part, mais pour vivre en Roy Très Chrestien, bien faire au public, contenter Vostre Saincteté et me satisfaire à moi mesme. Je remetz le reste au bon plaisir de Dieu, à la providence de Vostre Saincteté, et à ce que vous fera entendre plus amplement de ma part le Sr de 1 1 602.

(Fonds Dupuy, 533, f° 4 51. R° )

i . Sans aucun doute le sieur de Bethune , car à la même époque (9 août) le Roy terniinoit ainsi une lettre au Pape : « nostre plus grand contentement est d'estre tousjours tenu de Vostre Saincteté pour le premier et le plus affectionné fils de l'Eglise, ainsy que nous avons commandé au Sr de Bethune de luy faire plus amplement entendre. »

1602, n AOUT. — AUX ESCHEVINS ET HABIT AN S DE SAINT-QUENTIN.

hers et bien amés. Ayant fait reveoir le reglemant que nous avons naguère fait sur les différends advenus entre vous et ceux de la garnison de ma ville de Saint-Quentin, nous avons admis de les reformer en la forme que nous vous le renvoyons, lequel nous voulons estre observé par les gens de guerre qui y sont en garnison en nostre ville comme nous voulons aussi que vous faites de vostre part, et de ce ne faites faulte, car tel est nostre plaisir.

Donné à Montceaux le 27 aoust 1602,

Henry.

(* Archives municipales de Saint-Quentin ; original. M. Berger de Xivrey mentionne cette lettre comme ayant été datée de Montreuil ; nous croyons que la date de Monceaux est plus exacte, car lui-même en donne une du 28 août datée de ce lieu.)

LETTRES 1 IN EDITES

4603, 20 FÉVRIER. — A NOSTRE AMÉ ET FEAL CONSEIL- LER DE NOSTRE GRAND CONSEIL Me CHARLES HUE, SIEUR DECOURSON, COMMISSAIRE PAR NOUS DÉPUTÉ A L'EXECUTION DE NOSTRE EDICT DU MOIS DE DÉ- CEMBRE MCXCIX POUR LA VENTE ET REVENTE A FACULTÉ DU RACHAPT PERPETUEL DE NOSTRE DO- MAINE DE NORMANDIE.

1§ ous vous mandons, ordonnons et enjoignons par ces présentes que procédant à l'exécution de nostre esdict, vous ayez à vous conformer et régler suyvant l'arrest cy attaché sous le contrescel de nostre Chancelier ce aujourd'huy donné par nous estant en nostre conseil d'Estat et aultre arrest donné en nostre Conseil le xxii6 décembre mil six centz ung et aux clauses et reserves portées par iceulx, les faisant exécuter et entretenir par tous que besoin sera selon leur forme et teneur, nonobstant quelconques edictz, chartres, lettres, règlement, arrestz, restriuctions et modiffications à ce contraires, oppositions et appellations, clameurs de haro, prises à partie, pour lesquelles sans préjudice d'icelles ne voulons estre par vous différer ne sursir, dont de tout ce qui deppendra de la d. exécution d'edict. Nous avons, conformément à iceluy, retenu et réservé, retenons et reservons à nous et à nostre Con-

DK HENRY IV. 4H

seil toute court, jurisdiction et coignoissance, et icelle interdict et défendu, interdisons et défendons à nostre court et parlement de Rouen et tous aultres de nos juges de la province de Normandie, et aux parties de faire poursuitte ailleurs qu'en nostre d. Conseil à peyne de nullité et cassation de procédure. Mandons, en oultre, à noz Baillifz, leurs Lieutenans, Substitutz de nostre procureur gênerai ez nostre d. province et chacun d'eulx faire lire et publier les d. arrestz ez leurs sièges les jours de plaidz tenans, eticeulx obeyr, entendre et defferer au d . commissaire en tout ce qui sera et deppendra de l'exécution de nostre d. Edict, pour laquelle seront par le premier de nos huissiers ou sergens sur ce requis faictz tous exploictz, signiffications et contraintes nécessaires sans pour ce demander placet visa ne parcatia, et à ce faire vous donnons, et à noz d. Baillifz et aultres que besoin sera, pouvoir, authorité, commission, et mandement spécial. Car tel est nostre plaisir. Donné à Paris le vingt6 jour de febvrier l'an de grâce mil six centz trois et de nostre règne le quatorzième.

Henry.

FORGET

(Bibliothèque Mazarine, Ms. 1549, f. 291 verso.)

1603, 12 AVRIL. — A MONSIEUR DE BLACONS, GOUVER- NEUR DE LA VILLE ET CHASTE AU D'ORANGE.

onsf de Blacons, Ce porteur m'a rendu vos lettres du cinquième de ce mois et m'a informé bien amplement de Testât de la ville et chasteau d'Orange, outre ce que j'en ai apris par vos dictes lettres et par le mémoire qui les accompagnoyent; vous vous estes en tout bien et prudemment conduit, et avés très bien fait d'arrester les choses de Testât qu'elles estoyent sans permettre qu'il y ayt esté changé ou innové, comme je ne désire pas que vous faciez à Tadvenir ; partant faictes ainsi que vous avez acoustumé et vous serez assisté et protégé de mon authorité autant que vous le debvés estre en obéissant à mes commandemens. Qui sera tout ce que j'auray à respondre sur vosdictes lettres, priant Dieu, Monsr de Blacons, qu'il vous ayt en s-aincte et digne garde. A Vitry le xne d'apvril 1603.

Henry.

De Neufville.

(Bibl. impériale, Missions étrangères, Tome 175, au commencement du dernier quart du volume.)

CXGVI

1603, 12 AVRIL. — A MONSIEUR DE GOUVERNET, CAPI- TAINE DE CINQUANTE HOMMES D'ARMES, GOUVERNEUR DE LA VILLE ET CHASTEAU DE MONTELLIM AR .

omr de Gouvernet, Ce porteur m'a rendu vos $> lettres des premier et quatriesme de ce ^ mois ; et pour response je vous diray que je n'ai jamais creu que vous ayés favorisé le passage du duc de Bouillon quant il s'est présenté en vos quartiers, car je cognois vostre affection et inclination à mon service telle que vous vous garderés bien de faire chose qui me peusse persuader le contrère et m'estre désagréable. Partant demeurés en repos de ce costé là et ne vous mettés en peine de me venir trouver pour vous purger de ce soupçon, car j'ai opinion de vous que l'on doibt avoir d'un bon et affectionné serviteur. Vous avés très bien fait d'avoir pourveu avec le Sr de Blacons à la seureté d'Orange de la façon que je l'ay apris par vos lettres et par ce dict porteur et seroy bien aise que les choses demeurent en cest estât, sans que ledit Sr de Blacons permette qu'il y soit rien innové. Au demeurant vous sçaurés de ce dit porteur le lieu ou il m'a trouvé, et comme après avoir pourveu à la seureté de la frontière d'où je viens, je m'achemine présentement du costé de Paris

en inlantion de m'y rendre bien tost. Priant Dieu, Monsr de Gouvernet, qu'il vous aye en sa saincte et digne garde. Escript à Vitry le xiie jour d'apvril 1603.

Henry .

De Neufville.

(Bibl. impériale. Missions étrangères, vol. 472, au commencement du dernier quart du volume.)

4 603, 26 AVRIL. — ÂU MÊME.

| ons' de Gouvernet, Peu de jours auparavant S) que j'eusse resseu la vostre du xviir9 par ce ^ porteur, en estoit arrivé icy ung aultre depesché de mon cousin le prince d'Orange pour se plaindre de la continuation de la mauvaise proceddure en son endroict du Sr de Blacons, mesmes du meurtre qui a esté faict du Sr d'Aramon lequel il conte bien diversement de ce que vous l'escrivez, et bien que ce ait esté ung mauvais accident et de fort mauvais exemple, toutesfois il semble que le principal faict ne consiste pas en cela, c'est de scavoir sy l'on peult justement denier à ung prince souverain qui est particulièrement comprins au traicté de la paix, la disposition de son bien et des charges de son Estât ; ce que vous sçavez que je ne puis justement faire sans con-

' (.revenir ausdictz traictez, ce qui n'est point raisonnable de faire ny aussy peu de rompre la paix pour si peu d'aventaige ; il est encores moings honneste de praticquer cela en leur endroict, ayant de tout temps tenu particulière amitié avec toutte ceste Maison, de souffrir aussy que ceux des Esglises s'en entremestent ; vous pouvez bien panser que je ne le permettray pas, et que je recongnois trop quelle en seroit la conséquence ; ainsy le Sr de Blacons ayant deu prévoir et considérer tous ces evenemens ça esté mal proceddé à luy que de venir à ceste extremitté dont il me deplaist grandement, car je l'ayme comme j'ai aymé son pere, et l'avois pour ceste occasion conservé et maintenu dans ceste charge , comme j'eusse peu faire encores, s'il se feust laissé conduire, mais en estant venus aux termes où il est je tiens quasi la chose irrémédiable, et me suis treuvé empesché de respondre aux demandes et supplications que m'a faict faire ledict prince d'Orange, tant elles sont justes et raisonnables et enfin je n'ay peu y tenir autre moyen que de luy accorder que la raison estoit de son costé, mais que je me promettois que la mémoire qu'il avoit des services desdictz Srs de Blacons, pere, et fils et la satisfaction que ledict fils luy feroit de sa faulte pourroit encores rendre ceste affaire capable d'accommodement comme je le priois en entendre ; ce que j'ay faict pour gangner ung peu de temps et donner loisir audict Sr de Blacons de chercher de se raccommoder avec luy car il fault qu'il face par tous les moiens qu'il luy sera possible, car sy sela ne peult estre et que vous n'ayez d'autres meilleures raisons pour luy opposer que celles que j'ay veues jusques icy,

je ne voy pas qu'il y ayt lieu de s'excuser de le restituer en son bien, luy en laisser la disposition sans offanser ma foi et ma réputation, ce que je ne veux pas faire ; vous scavez comme aux choses possibles et raison nables je vous ay toujours fermement soutenu et tous les vostres et faict conoistre la bonne affection que je vous porte, comme je feray toujours en ce qui dépendra de ma seulle grâce ou qui sera fondé en raison ; mais en ce qui est du bien d'autruy et qui ne se peut faire qu'avec interestz, ce sera de vostre prudence de vous accommoder à la raison comme je vous prie de faire, estant tout ce que je vous puis dire sur ce subject. Priant Dieu, Monsr de Gouvernet, vous avoir en sa saincte garde. Escrit à Fontainebleau ce xxvie avril 1 603.

Henry.

FORGET

(Bibl. impériale, Missions étrangères, Tome 175, dernier quart du volume.)

CXGVIII