AOUT. — AU ROI DE FRANCE
Le prince de Navarre prie le Roy de vouloir conserver levesché de Cominge a son frère Bastard , nestant vaccant par la mort de d'Albret, lequel le pretendoit le Bastard de Lansac, le dit Dom Petro nen ayant esté que le gardien nommé au Pape accause du bas aage de son dit frère Bastard.
ONSEiGNEUR', je croy que votre Majesté se souviendra comme par la mort du feu Cardinal CarafTa, il vous pleut en faveur du feu Roy de Navan*e mon père accorder levesché de Commenge a mon frère Bastard et nommer au pappe pour gardien, jusques a ce que mondict frère feust en aage, Dom Pedro d'Albret, du vivant duquel mondict frère, en vertu de vos patentes a jouy du revenu comme depuis son deces il a faict suivant la confirmation du sus dict don quil pleut a vostre Majesté luy en faire en faveur de la Royne ma mère et moy, par la mort du dict Dom Pedro , et jusques a ces troubles que le
Bastard de Lansac, saichant mon dict frère estre près de moy, priiict ce prétexte pour commancer a briguer cest evesché. Toutesfois voiant que ce moyen ne luy scauroit estre vallable, il auroit changé daction et donne faulx a entendre a votre Majesté le dict evesché estre vacquant par la mort du dict Dom Pedro, de qui ne peult , veu quil ny a eu jamais aulcun droict que de garde. Et par ces moyens le dict bastard de Lansac se jacte avoir obtenu certaines provisions dont il se veult ayder pour priver mon dict frère du juste droict quil y a. Qui me faict vous supplier très humblement, aiant souvenance des services du feu Roy mon père en considération desquels le dict evesché fut donné, quil vous plaise declairer que mon dict frère continue, suivant vos lettres de provision et confirmation, la jouyssance du dict evesché, en cassant etanullant celles qua obtenus de vous le dict bastard de Lansac soûls faulx donné a entendre, et luy en faire nouveau don an tant que besoing seroit en ma faveur. Et ce faisant vous luy donneray le moyen de vous faire comme il désire très humble service. Et moy je meltray ce bien au nombre des aultres que jay receus de votre Majesté pour vous en recongnoistre par service lobligation que je vous en doibts daussi bon cuer, Monseigneur, que je supplie Dieu vous donner en santé très heureuse et longue vie.
De Risse ce xxiin* daougst 1 570.
Votre très humble et très obéissant subject et serviteur
Henry,
(Port. Godefroy, 257. Selon M. Berger de Xivrey, qui donne une lettre datée du lendemain de celle-ci, ce Risse ou Rissay devoit être un
des trois Riceys qui se toachent aujourd'hui et forment un des chefslieux de canton du département de i*Aube.
Le frère hastard, qui fait l'objet de cette lettre, étoit Charles de fiourbon, fils naturel d'Antoine de Bourbon et de Louise de La Berandière ; il mourut en 1616, à l'abbaye de Marmoùtiers.)
