AOUT

Mémoire des Princes de Navarre et de Condé et autres seigneurs et gentilhommes envoie au S' de Biron pour faire entendre au Roy pour la rançon du S' Dacier qui est de 10000 escus, et Teslargîssenient de la Fons prisonnier a Langres, que les provisions de l'Evesché que le bastard de Lansac a obtenu contre celles du bastard de Bourbon soient nulles , que le Moine de Bnssi rende le chasteau de la Fanche appartenant au marquis de Rinet son frere^ que les garnisons d^Orleans et autres villes soient licentiées , puisquon a la Paix, que puisque le Parlement de Tolose ne veut verifHer labolition de ceux de Pamiers que sa Majesté donne des lettres patentes adressantes a un Maistre desReq^ pour les mettre en exécution, que le Roy face executter larticle porté dans TEdict que tous comroandans es villes et chasteaux qui appartiennent a ceux de la Religion ayent a en sortir car celluy de Tanlay na voulu obéir sur la lettre du Roy, prient le S' de Biron descrire au mareschal d'Amville de mettre hors de prison le Baron et Chevallier de Paulin et aussi descrire a sa Majesté que quands ils auront reconduits les troupes estrangeres sur les frontières du Royaume quil leur soit envoie un Seigneur pour les accompagner jusq. a la Rochelle ou ils doivent aller retrouver la Reyne de Navarre.

iMoiRE de ce que Messieurs les Princes de Navarre et de Condé et les Seigneurs et gentilzhommes qui les accompagnent ont requis Monsieur de Biron voulloir faire entendre au Roy de leur part pour y estre par sa Majesté pourveu selon sa bonne volonté et intention.

Premièrement fere entendre a sa cUte Majesté comme ayans mes dits sieurs princes entendu que Ion avoit mis a rançon le sieur Dacier a dix mil escus pour la recon g naissance des services notables quil avoit faicts a cesle cause, mes dits sieurs princes et les dits seigneurs assislans près deux estimèrent quil estoit bien raisonnable le rellever de ceste charge quil eut recours de payer sa dite rançon et résolurent de la payer pour le ravoir comme il luy Teront entendre. Toutefois le dit sieur Dacier ayant promis a sa Majesté de ne bouger et ne retourner au service de ceste cause est a cesle occasion demeuré obligé a ses maistres de la dite somme de 1 000 escus de laquelle il plaira a sa Majesté le faire tenir quicle et deschargé ensemble messieurs les duc Duzez et de Chaunes ses respondans, pleiger et cautions, puisque ce a esté par son commendement quil est demeuré et quil en reste aujourdhuy chargé.

Supplier sa Majesté de la part de mes dicts Sieurs princes commander que ung nommé Lafons détenu es prisons de Langres qui fut pris allant en Allemaigne par leur commandement soit eslargy et mis a plaine et entière liberté et a ceste fin ordonner leur en estre expedyers au gouverneur et lieutenant gênerai de sa Majesté en Cliampaigne, au gouverneur et commandant audict Lnngres, juges et officiers du Roy audict lieu, et advertir sa Majesié quinze jours après de ce qui y aura esté par eulx faict.

Aultre ce que monsieur le prince de Navarre escript puren:ent au Roy et a la Hoyne du faict de la surprinse faicte par le bastard de Lansac en la provision de levesché de Commenge appartenant au bastard de

Bourbon , mon dict sieur le prince requiert mon dict sieur de Biron remonstrer a leur Majestez le peu de fondement quil y a es demandes et prétentions que faict le dict bastard de Lansac au dict evesché, daultant que par les deux moyens quil met en avant il ny a apparence quil y puisse aucune chose prétendre. Car en premier lieu pour estre venu ledict bastard de Bourbon trouver mon dict sieur le prince de Navarre lordre purement faict par sa Majesté y pourveoy . Aussi ne si arreste beaucoup le dict bastard de Lansac aius au second moyen qui luy semble bien estre plus fort et ferme que le précèdent. Asscavoir par le trespas de feu Dom Pedro qui en estoit titulaire, chose qui ne peult audict bastard de Bourbon prejudicier, dautant que^ comme leurs Majestez se souviennent vaccant le dict Evesché par le trespas du feu cardinal Cara(&, le feu Roy de Navarre lobtint de sa Majesté en faveur et par recongnoissance de ses services pour et au nom du dict bastard de Bourbon. Mais, dautant quil nestoye encorre en aage pour le tenir, fut nommé au Pappe le dict Dom Pedro, lequel se voulant aucunnement prevalloir de la dicte provision se voulut immiscer en la jouyssance des fruictz et rendemens du dict Evesché. Ce qui luy fut denyé et comme se souvient très bien la' Royne fut declairé au dict Dom Pedro quil estoye seuUement gardien du dict evesché en actendant que le dict bastard eust acquis aage suffisent pour le reraectre entre ses mains comme lintention du Roy estoyt. Tellement que par le trespas du dict Dom Pedro ne peult icelluy bastard de Lansac ny autre prétendre aucun droict au dict evesché, atendu

mesmement la confirmation que sa Majesté en a faicte

iB LETTRES INÉDITES

au dict bastard après le trespas du dict Dom Pedro. Sasseurant bien mon dict sieur le prince que leurs Majestez en ung faict si clair et notoire auront tousr jours du dict bastard de Bourbon pour autant recommandé que le requiert son bon droict et la maison dont il est sorty sans permectre que ung bastard de Lansac puisse contendre de parité avec celluy de Bourbon. *

Pour ce quil y a long temps que le Moyne de Bussy sest emparé du chasteau de la Fanche appartenant au sieur marquis de Rinet son frère duquel lieu, quelques arrestz du conseil privé quaye peu obtenir le dict sieur marquis pour len faire sortir et vuyder es mandemens du gouverneur et lieutenant au pais de Cliampaigne pour y mener le canon, il ne luy a este possible de le faire, lequel crainct que le dict Moyne voulzist encore continuer mainctenant, mes dicts sieurs les princes requièrent le dict sieur de Biron vouloir de leur part supplier sa Majesté escripre a monsieur le mareschal de Cossé pour commander de par sa Majesté au dict Moyne de Bussy vuyder et sortir du dict chasteau de la Fauche et en resfuz y mener le canon, faire batterie et tout autre acte de guerre pour ce nécessaire pour réintégrer le dict sieur marquis au dict chasteau .

Mes dicts sieurs les princes bien recrandz et memoratifz que les premières et principalles occasions de desfiances et interruptions de la paix nagueres faicte a Long Jumeau ce furent les grandes garnisons qui furent soudain mises dedans Orléans et les oultrageux et vioUens depportemeus de ceulx des dictes garnisons envers ceulx de la relligion de la dicte ville, pour

ce quils craignent que continuant les dictes garnisons tant en icelle ville que autres du royaume bu auparavant les troubles il ny en souloit avoir cela peust apporter quelques desfiances dont pourroit en suivre aucune altération du repos quils désirent estre par tout mainctenu, ils en ont bien voulu faire souvenir sa Majesté et la supplier très humblement quen y pourvoyant il luy plaise poyser et bien considérer ce que dessus.

Pour ce que ceulx de la relligion de la ville de Pasmiers nont peu joyr de labolition a eulx par sa Majesté accordé auparavant les seconds troubles a raison de ladresse qui fut faicte de lexpedition a la court de parlement deTolose qui sesonttousjours desmons- Irez leurs ennemis cappitaulx, mesdicts sieurs princes supplient très humblement sa Majesté vouloir commander lettres patentes leur estre expedyers suyvant lecdit et les précédentes lettres de déclaration par eulx comme dict est obtenus, et adresser au premier maistre des requestes de son hostel pour les mectre a expédition. Et ce pendant et en actendant la dicte depesche requièrent que sa dicte Majesté escripve a monsieur le mareschal de Dampville pour faire suyvant le dict ecdit remectre et réintégrer tous ceulx de la relligion du dict lieu de Pasmier en leurs maisons, biens et estats .

Encore que par lecdit il aye pieu a sa Majesté ordonner que toutes les forces et garnisons qui sont ou seront es maisons, places, villes et chasteaulx appartenant a ses subjectz, de quelque relligion quils soient, en vuyderont incontinant après la publication de lecdit pour en laisser la libre et entière jouyssance a ceulx

ÎO LETTRKS INfiDITKS

a qui ils appartiennent, toulesfois voyans le resfuz que celluy qui commande a Tantay a faict dobeyr aux . lettres closes et particullieres de sa Majesté pour deslo> I ger du dict Tanlay, se remeclanl a ce qui lui en seroit ordonné par le sieur de Barbezleulx quil dict lavoir mis au dict lieu, mesdicis sieurs princes, prevoyans les , mesmes difficultez que pourront faire lesdîcls gou- j verneurs et commandans ausdicts cliasleaux, maisons J et places fortes de ceuJs de la dicte relligion, mesmement ceul\ qui sont es chasteauU et maisons appartenant a Monsieur le prince de Condé et a Cliastilloii, ' supplient très humblement vouloir sur ce imposer son auctorité et tellement y pourveoirque cessant toutes ] telles difficultez qui son de très pernicieuse conséquence et fort dommaigables a ses subjectz, son intention porter que le dict ecdit soit entièrement sutvys sans longueur, delaiance ny remise quelconque.

Mesdicts sieurs princes prient le dict sieur de Giron supplier très humblement sa Majesié de leur part vouloir escripre a monsieur le marescbal de Dampviile pour leur faire, suyvant lecdit,eslargir et délivrer hors de prison les baron et chevalier de Paulin qui sont prisonniers, cestassavoirle dict baron entre les mains du marescbal de la Foy de Mirepoix qui est en la i cité de Carcassonne et le chevalier de Paulin es maitis i du cappitaine Clayrac au palais d'Avignon.

Désirent aussi mesdicts sieurs princes que le dict sieurde Biron supplie très humblement sa Majesté leur : envoyer quelque notable seigneur pour leur faire compaignye jusques a la Rochelle ou ils sen retourneront trouver la Royne de Navarre après avoir conduict

DE HENRY IV. îl

leurs estrangei^s sur la frontière ainsi quils leur ont promis.

Faict a Risse le xxiv* jour dAoust ian mil cinq cens soixante dix

Henry.

Henrt de Bouebon.

(Port. Godefroy, 257.)