DÉCEMBRE. — DÉCLARATION

ous Henry, par la grâce de Dieu, Roy de Navarre, premier prince du sang et protecteur des églises reformées de France, et nous députez des dictes églises, seigneurs, gentilhommes y appartenant et aultres souhs signés, sachant et ayant cognel] par expérience et tesmoignage constant combien l'union et concorde est nécessaire pour la conservation des dictes églises reformées et de Testât de ce royaulme qui ne pouroit longuement subsister sans une bonne harmonie et correspondance telle quelle a esté pardevant jurée en l'assemblée de Montauban tenu par authorilé et permission du Roy le septiesme de septembre mil vc* quatre vingtz quatre, désirant remédier et obvier aux inconvénients qui pourroient advenir par une division et desunion que les ennemis de la dicte religion reformée et de cest estât taschent de semer contre nous en confirmant la dicte union cy devant jurée en tant que besoing est et que la rupture des edictz de paciflications et troubles despuis suscités en ce royaulme et Testât des temps présent le peuvent requérir, protestons et jurons devant Dieu de demeurer inséparablement unis en la religion comprinse en la confession de foy auctorisée par la disci-

pline ecclésiastique des dictes églises et aussy en tout ce qui deppendra de la légitime association, ayde, support et assistance mutuelle des uns envers les autres selon la nécessité, afin de nous pouvoir plus aisément maintenir contre les efforts et violances des ennemis de Dieu eslevés contre Taulhoritédu Roy et convaincre la France et avancer unanimement le règne de nostre Seigneur Jesus-Christ. A cest fin, Nous Henry, parla grâce de Dieu, Roy de Navarre, premier prince du sang et protecteur des églises reformées, recognoissant nostre vocation légitime tant par le tesmoignage intérieur de TEsprit de Dieu que par l'unanime consentement et eslection des dictes églises et par la loy naturelle de ce Royaulme, a la deffance et protection de la dicte religion vrayment reformée et conservation de ce dict Estât, protestons devant Dieu, duquel avons esprouvé Tassistance en tant de manières et lequel aussy nous supplions nous vouloir fortifier de plus en plus par son Esprit ez une tant sainte poursuite, que nous deffendrons, maintiendrons et avancerons la vraye religion et les susdictes églises reformées de cedict royaulme de nostre cœur et pouvoir, et comme jusques icy nous ny avons espargné nostre aulkorité, nos moiens ne nostre propre vie, aussy avons estimé a grand gain d'exposer le tout pour son service, aussy sommes nous résolus, moyenant la grâce de Dieu, de persister jusques au dernier soupir, en oultre que nous employerons tout ce qui sera nostre ou en nous pour le restablissement de cest Estât et restauration des bonnes loi\ , bien et conservation des bons subjectz de ce Royaulme et au contraire nous nous opposerons de tout nostre pouvoir a ceulx qui

soubz quelque prétexte que ce soit les vouldroient envahir et troubler, en somme nous nous porterons envers les dictes églises reformées comme nous avons toujours tasché de faire en bon protecteur et vrayement reconnaissant le mérite de ceste charge, désirant nous conduire en icelle par Fadvis du conseil des églises qu'avons désiré résider près nostre personne, lequel nous prions Dieu vouloir bénir a sa gloire. Et nous députez des dictes églises et seigneurs et gentilshommes et autres representans en ceste assemblée , tout le corps des dictes églises, recognoissant pareillement la vocation divine, Tellection divine, et la qualité divine du dict seigneur Roy de Navarre au throsne et con. firme par plusieurs notables bénédictions a la defTance des dictes églises reformées et de cest Estât, nous soubmettons au nom que dessus a la protection et conduite légitime de sa Majesté et promettons de ne nous en despartir a jamais moiennant la grâce et bonne volonté de Dieu, ainsi au contraire luy obéir, servir et subvenir de nos vies, biens et moiens en une tant juste et nécessaire défense sans y rien espargner. Et pareillement encore de l'assister et secourir de tous nos pouvoirs contre tous ceux qui vouldroient le troubler en la jouissance des dictz droictz, authorités et qualités que Dieu, la nature et la loy donnent en ce Royaulme comme premier prince du sang, attendu que les empeschemens qui lui pourroient estre donnés ne sont que en haine de ladicte religion reformée, dont nous prenons tous Dieu à tesmoing et le prions d'en faire la grâce, le tout par protestation expresse de ne nous despartir de la naturelle subjection que nous devons au Roy nostre souverain seigneur auquel nous

jurons et protestons devant Dieu vouloir rendre toute

obéissance et fidellité deue, l'empire souverain de

Dieu demeurant en son entier. Faict en rassemblée

generalle des Eglises reformées de France tenue a la

Rochelle au mois de Décembre Fan mil cinq cens

quatre vingt huict«

Hknb Y .

(Bibl. Maznrîne, n° 2379. Ordonnances de Henry IV comme roi de NayarrCy p. 26. Quoique cette curieuse pièce n'ait pas sa place indiquée dans ce recueil, on ne nous reprochera pas de Vy avoir admise. Elle prouve une fois de plus que ceux qui ne reconnoissent pas le chef que Dieu a établi lui-même à la tôte de la chrétienneté sont fatalement amenés à en élire un à leur guise, et à confier trop humblement leurs intérêts spirituels à une main séculière, partant parfaitement incompétente à les diriger.)

15S8, i5 DÉCEMBRE. — A KOSTRE AMÉ ET FÉAL œNS' TRÉSORIER ET RECEPVEUR GENERAL DES DENIERS DE L'EXTRAORDINAIRE DE LA GUERRE ESTABLY PRES NOTRE PERSONNE M« SIMON BELLENGIE.

DUS VOUS mandons et ordonnons que des deniers de vostre charge vous payez, baillez et délivrez doresnavaiit par chacun an a commencer de ce premier jour de janvier prochain au S' des Rousieres ^ la somme de dix neuf cens trente

1 . Pierre Durcot , seigneur de la Roussière , des Chaunes et de Saint- Denis de la CheyassCy en bas Poitou.

cinq escuSy que nous avons ordonné tant pour la despense ordinaire de la maison de nos cousins et cousines que pour les gaiges de leurs serviteurs , domestiques et officiers dénommez au présent estât rapportant lequel avec quittances dudict S' des Roussieres seront suffisantes. Tout ce qui payé^ baillé et délivré luy aura esté a ceste occasion sera passé et alloué en la despense de voz comptes par les S" auditeurs d'iceux que nous prions ainsy le faire sans difficulté. Donné a la Rochelle le xv* jour de décembre mil cinq

cens quatre vingtz huict.

Heuiiy.

Arthuys.

(Bibl. Mazarine, d* 2379. Ordonnances de Henry IV, roi de Navarre, p. 30 y Teno.)

1589, 28 JANVIER. — A NOSTRE CHER ET BIEN AMÉ M« GOUSSARD, RECEVEUR DES DENIERS DE LA CHAM- BRE PAR NOUS COMMIS ET ESTABLY EN LA VILLE DE PONS*.

ous VOUS mandons et ordonnons que des deniers de vostre charge et commission, vous payez, baillez et délivrez comptant doresnavant par chacun moys, a commencer du premier de janvier, aux partyes mentionées au présent estât la

i . Petite ville de Saintonge.

somme de quatre mil deux cens quarante, deux escus

deux tiers a quoy monte leur solde et appointemens

selon qu'il est spécifié par icelluy, rapportant par vous

lequel avec ces présentes, ou le vidimus dernièrement

collationné et les rooles de la monstée signé et vérifié

par les commissaires et contrôleurs par nous a ce dep*

puttez comme ils auront esté payez a la banque , la-

dicte somme de iiii" ii*^ xlu* ii**, ou ce qui payé et

baillé aura par vous estes sera passé et alloué en la

despeche de voz comptes par les auditeurs d*iceulx

ausquels mandons ainsy le faire sans difficulté. Donné

a Niort le xxviii*' jour de janvier mil cinq cens quatre

vingtz neuf

Henry.

Berzian.

(Bibl. Mazarine, n*> 2379. Ordonnances de Henry IV comme roi de Navarre, p. 37, yerso. Le même recueil (p. 43} renferme une lettre de la même date adressée au receveur de Beau'voir'Sur-mer, à TefTet de délivrer comptant au gouverneur de cette ville la somme de sept cens quatre vingtz troyes escus six sols huict deniers.)

i589, 2 AOUST. — AU SIEUR DE BOURNAZEL, CHEVALIER DE MON ORDRE, CAPPITAINE DE CINQUANTES HOMMES D'ARMES DE MON ORDONNANCE, SENESCHAL ET GOU- VERNEUR DE MON PAYS DE ROUERGUES.

Le Roy Henry IV au S' de Bournazel , seneschal et gouverneur de Bourgogne , par laquelle il luy donne advis de Passassinat d'Henrj III par un jacobin, et du dessein de toute l'armée et bons François de venger sa mort , ensemble , comme il a ettc recogneu par toute Tarmée, que le serment luy a esté preste, qu'il a promis de maintenir la Religion catholique et les ecclésiastiques dans leurs biens et fonctions, dont il envera déclaration plus ample, se promet qu'il contribuera à la vengence de son prédécesseur et au maintien de l'Estat, à quoy il l'exhorte.

oNsiEUR de Bournazel , Vous avez toujours monstre tant d'affection envers le feu Roy mon seigneur, que je m'asseure que vous serez de ceulx qui sentiront plus griefvement le malheur advenu de sa mort, et d'autant plus quant vous scaurez de quelle façon elle a esté advancée par la meschanceté des ennemys de cest Estât qui ont rendu le meurtre de leur Roy d'autant plus remarquable d'impiété, qu'ilz l'ont faict commectre par ung jacobin , abusans de la pureté de conscience qui doibt animer davantage tous les bons et vrays Francoys à

poursuivre la justice et pugnition de ceste cruauU plus que barbare contre les malheureux conspirateurs d'icelle , comme moy et tous les bons servîleui dudict Seigneur qui sont en ceste armée , avons résolu d'y emploier tout ce qui sera en nostre puissance , m'ayans les Princes , Marechaulx de France et autres officiers de la Cour, ensemble tous les Seigneurs et autres de la Noblesse, qui sont icy, presl le serment de fidélité et promis toute assistance et service, tant en cela que en la conduicte des affaires de ce roiaidme , comme je leur ay pareillement promis de m'y gouverner par le bon et prudent conseil des Princes de mon sang et aiiltres Princes et Seigneurs qui ayraent le bien de cet Eslat et ne rien innover en la religion catliolique , apostolique romaine, ains la conserver de tout mou pouvoir, semble les ecclésiastiques en leurs biens, functions et dignité/, ainsi que j'en feray en brief publier une plus ample déclaration; attendant laquelle je vous ay bien voulu faire entendre mon mtention par la présente, et vous prier comme je fais vouloir continuer la mesme fidélité et bonne volonté envers moy que vous avez toujours tesmoignée au service du Roy, mondicl Seigneur, et par un bon moïen disposer à un semblable devoir ceulx qui sont soubz vostre cbarge, tant de la Noblesse que aultres , et asseurant qu'ilz recevront de moy le plus favorable traictement qui sera possible. Pour vostre regard vous verrez aussy que je recougnaistray les bons services que vous avez cy devant faictz et que vous me ferez cy après , par toutes les gratifications que je pourray. Priant Dieu, Monsieur de Bournazel, vous

1 et 1

■ieo^^J

avoir en sa saincte garde . Escrit au camp de Saint-

Cloud le II* jour d'aoust 1 589-

Heurt.

Revol»

(Port. Godefroy, n» 262, l'« pièce, original.)

1589, 4 AOUT. — SERMENT DU ROI DE MAINTENIR EN SON ROYAUME LA RELIGION CATHOLIQUE , APOSTO- LIQUE ET RO>LiYNE, SUIVI DE LA RECONNOISSANCE DES PRINCES DU SANG.

Nous

ROMETToi^s et jurons en foy et parolle de Roy par ces présentes signées de nostre main à tous nos bons et fidelles subjetez de maintenir et conserver nostre Royaume, la Religion catholicque, apostolique et romayne en son entier sans y rien innover ny changer aucune chose en la police et exercice d'ycelle ou aux personnes et biens des ecclésiastiques, provision et œconomie d'yceulx, à personnes capables et catholicques selon qu'il a esté cy devant accoustumé et que suivant la déclaration présente par nousfaicte avant nostre advenement à ceste Couronne nous sommes tous près, ne desirons rien davantage que d'estre instruict par un bon, légitime et libre Concilie gênerai ou national pour ensuivre et observer ce qui sera conclud et arresté qu'à ces fins nous ferons

convoquer et assembler dans six mois ou plus tost si faire se peult, cependant qu'il ne s'exercera aucune exercice d'aultre religion que de la dicte catholicquei apostolicque qu'ailleurs qu*ès villes et lieux de nostre dit royaume ou elle se fait à présent, suivant les articles accordez au mois d'avril dernier d'entre le feu Roy Henry 3 de bonne mémoire nostre très honoré seigneur et frère, jusques à ce que aultrement en eust esté advisé et arresté par une paix generalle en nostre Royaume ou par les Étatz généraux d'icelle qui sont par nous pareillement convocquez et assamblés dans ledict temps de six mois ; nous promettons en outre que les villes, places et forteresses qui seront prinses sur nos rebelles et reduictes par forces non aultrement en nostre obéissance ny seront nommez par nous aux gouvernemens et charges d'icelle que nos bons subjets catholicques et non autres, sauf et réservé à celles qui par les susdicts articles furent réservées par ledit feu sieur Roy à ceux de la Relligion Reformée en chacun baillage et seneschaussée aux conditions y contenues; nous promettons que à tous offices de gouvernement venans à vacquer ailleurs que dans les villes, places qui sont au pouvoir de ceux de ladicte Relligion Reformée, il sera par nous durant le mesme temps de six mois pourveu de personnes catholicques suffisantes et capables qui nous sont fîdelles subjetz, d'aultant que nous promettons conserver garder et maintenir les princes de ce pays, officiers de la Couronne^ seigneurs, gentilhommes et tous autres nos bons et obeissans subjetz indifféremment en leurs biens , charges et dignitez, estatz, offices, privilleges, prééminences, prérogatives, droictz et debvoirs ac-

coustumez, pareillement de recognoistre et pratiquer en tout ce que nous pourrons les bons et fidelles serviteurs dudit feu sieur Roy ; fuiablement d'exposer, sy besoing est, nostre vie et moiens avec Tassistance de tous nos bons et fidelles serviteurs pour faire justice exemplaire de Tenorme mérite et meschante félonie des deloiaux commise en la personne dudit feu sieur Roy. Faict au camp de Sainct Cloud le quatriesme aoust 1 589. Ainsy signé : Henrt ; et plus bas : Ruzé.

Nous, Princes du sang et autres, Ducz, Pairs et oficiers de la Couronne de France, Seigneurs, gentilhommes et autres soubsignez, attendant une assemblée des Princes, Ducs, Pairs et Officiers de la Couronne et autres Seigneurs qui estoyent fidelles serviteurs et subjetez du feu Roy Henry 3® de ce nom, que Dieu absolve, lors de son decedz, recognoissons pour nostre Roy et Prince naturel selon les Loix fondamentales de ce Royaume Henry 4* de ce nom, roy de France et de Navarre, et luy promettons tout service et obéissance, sur le serment et promesse que nous a faict cy decus escript et austres conditions que dans deux mois Sa Majesté fera interpeller et assembler les Princes, Ducz, Pairs et officiers de ladicte couronne et autres seigneurs qui estoient fidelles serviteurs dudict defunct Roy lors de son decedz pour tous assemblez prendre plus ample déclaration et resolution sur les affaires de ce Royaume, attendant les décisions des Concilies et Estatz Généraux ainsy qu'il est porté par la promesse de Sadicte Majesté, laquelle nous avons aussy agréable

que nous l'en supplions bien liutublement que de nostre part soyent déléguez quelques notables personnages vers nostre saînct Père le Pape pour luy représenter particulièrement les raisons qui nous ont meu de faire ceste promesse et sur ce impelrer de luy ce que nous congnoissons estre aussy nécessaire pour le bien de la Cbrestienté, iitillité et service de Sa Majesté que conservation de cest Estât et Couronne en leur entier. Nous supplyons aussy humblement Sa Majesté, siitvaDt ce qu'il nous a ofTerl et promis volontairement comme cbef de la justice et Père commun de nous tous ses subjectz intéressez en leur dommage , de faire justice exemplaire de l'énorme meschanceté, felonnie, desloyaulé el assassinat commis en la personne dudict feu Roy Henry nostre bon Roy dernier deceddé, que Dieu absolve ; promettons à Sadicte Majesté toute assistance et le très humble service qu'il nous sera possible de nos vies et de nos biens pour en faire pourchasser et exterminer les rebelles et ennemis qui veulent usurper cest Estât. Faiclau camp Sainct Cloud le quatriesme aoust M V IHI" IX. Ainsy signé : Francoys de Bourbon; Henry d'Orléans; Francoys de Luxembourg; Loys de Rohan, Biron, d'Aumont, d'Inteville, Charles Martel, François Martel, de Ren l y, vicomte d'Auchi,d'Angesnnes,C.d'Angesnnes la Curce, Francoys du Plessis Clermont, Maliou , Chasteauvieux '■

(Fond» Dupuy (copie}, 317, f^ 93 (verso), i

1 . Dut* le pivmiei 3 août, il promit i à «jue, apoMotique et n

i Heutj- IV fail «cle de roi de France, '.

VD innover au raict de U religioD calholi-*!

Dltre poUToir, e&mplt.jl

1889, DÉCEMBRE. —MÉMOIRE BAILLÉ PAR LE ROY AUX SIEURS DE SCHOMBERG ET DE SANCY, DÉPUTÉS PAR Lin VERS QUELQUES PARTICULIERS POTENTATS DE L'ALLEMAIGNE DE LA NOUVELLE OPINION.

L y a trente ans que FEspagnol myne le Royaulme de France par les guerres civilles, lesquelles il a toujours fomentées et entretenues par les partisans qu'il y a trouvez, sans obmettre aucune sorte d'artifïice, espérant que après avoir osté cet obstacle rien ne luy pourra empescher la monarchie de la chrestienté à laquelle luy et son père ont toujours eu leur principal but, et que les aultres estatz voysins, ausquels la France en son entier a toujours esté un asseuré rampart et reffuge à leur besoing, la France estant dissipée, luy demoureroyent à descouvert et de plus facile invasion et conqueste.

Enfin après nous avoir par la continuation desdictes guerres tellement aflbibly qu'il ne nous restoit

nous en ferons plus particulière et expresse déclaration. > ilctte expresse déclaration est le serment que nous imprimons ici, pour la première fois, ce nous semble, au sujet duquel il mandoit, le 18 août, au président de Gremon ville : c Vous verres la déclaration que j'ay faicte en faveur de mes subjects catholiques, laquelle je seray bien ayse que vous faciès entendre & mou peuple ; et Tasseurés, de ma part , que je feray pour leur contentement et soulaigement/9/r<j que je leur promets. »

plus qu'un umbre de royaume quy consiste en cesie antienne révérence que les Francoys ont de tout temps * portée à leurs Roys, il a estimé qu'il fuilloit encor mettre la main à ce fondement, et ayant trouvé un instrument propre à son desseing en la personne du feu duc de Guise , il luy fist, cinq ans y a,, lever les armes ouvertement contre la propre personne du Roy; lesquelles il ne posa jamais depuis; et après avoir chassé sa Majesté hors la ville capitalle du Royaume, il l'a reduist en telle extrémité en l'assemblée de ses Estatz faicte à Bloys que sy elle n'eust prévenu ledict feu duc de Guise en le faisant mourir, il estoit sur le point de se saisir de la personne de Sa Majesté et de sa couronne, dont le duc de Mayenne et le reste de sa Maison ont tellement poursuivy le desseing que ce que ledict duc de Guise avoit failly a faire a Bloys, cestuycy là faict devant Paris, ayant suborné un détestable moyne de l'ordre des Jacobins, auquel il feist plusieurs veynes promesses pour l'encourager d'entreprendre de tuer le Roy ; et liiy ayant baillé une lettre supposée du premier président qu'il sçavoit estre fidelle serviteur de Sa Majesté, détenu prisonnier à la Bastille pour cet occasion l'envoya le dernier jour de juillet en l'armée du Roy, s'asseurant que la dicte lettre luy donneroit entrée en sa chambre, comme il advint : car luy ayant faict dire qu'il avoit lettres du premier président à luy bailler, le Roy le fîst incontinant entrer; et après, luy ayant présenté les lettres, disant avoir quelque chose de secret à luy dire, il le fit approcher; quant il en fust près, feignant de tirer un billet de sa manche, il en tira un Cousteau, duquel il luy donna dans le ventre, dont il mourut le lendemain au matin,

encor qu'au commencement le coup ne fust pas jugé mortel par les chirurgiens et médecins ; laissant au Roy un extrême regret de sa mort pour la singulière bienveillance qu'il luy monstroit depuis qu'il avoit raproché de sa personne.

Ce détestable attentat doict estre en horreur à tous les Princes de la chrestienté; mais ceux quy sont intéressez en ceste querelle, voyant la vioUence de noz ennemys communs, ont ce me semble, grand subject penser à eulx et considérer que sy le Roy contre lequel il semble qu'ilz sont maintenant aheurtez n'avoit moyen de repoulser leur rage ilz auroient beaucoup d'afFaires à ce conserver en leurs propres Estatz.

Âussy y avez vous sagement preveu par la resolution qu'aviez prise d'assister le Roy, dont Sa Majesté vous remercie affectueusement, s'asseurant bien que cest bonne vollonté que vous portiez à la personne du feu Roy ne diminuera pas en son endroict, et qu'au contraire comme sa cause et sa conservation est encore plus conjoiuctes à la vostre par la profession que faict de l'Evangille, que c'estoit celle du feu Roy, vous adjoustois encore quelque chose au désir que vous avez de veoir la pauvre France en repos soubz son règne ; ne doubtant point que s' estant toujours opposé au mal, comme il faict au hazard de sa vye et de tous ses moyens ; maintenant qu'il a pieu à Dieu l'appeller au gouvernement de cette couronne, il n'est pas pour décerner de ceste bonne volonté et de faillir à l'establissement de ce qu'il a cy devant sy hardyment poursuivy avec tant d'incommoditez et aflfin que vous puissiez comparer un ferme fondement de l'es-

k% LETTRES INÉDITES

peranceque vous pouvez avoir de ses affaires, il m'a.J commandé les vous représenter naifvement sans i rien desguiser.

Les eonemys quy avoyent mis toute leur espérance en la mort du Roy ne faillirent pas des aussy tost qu'elle fust advenue de faire couller diverses personnes en l'armée pour mettre la division, dissuadans les ungs soubz prétexte de recongnoistre, promettant aux aultres beaucoup de grandz avantages pour suivre leur party, sans obmettre aucun arliffice soît de menaces i ou de faux bruictz qui peust servir à dissiper l'armée, , de la(|uelle ilz estoyent pressez de sy près que sans ce misérable accident Paris se rendoit et n'avoit donné ,J que six jours au duc de Mayenne pour pourvoir à ses ^ affaires, dont les troys estoyent desjà expirez, et y avoit , des depputez de vingt deux des meilleures villes du Royaume qui traistoyent avec le feu Roy ; mais il advint entièrement contre leur desseing, car les Princes, Mareschaux de France et grandz de l'armée ne laissèrent pas pour le différend de la Relligioii de recongnoistre le Roy que Dieu avoit appelle par légitime succession au gouvernement de la Couronne, leur prestant le serment de fidellité qu'ilz debvoyent à leur vray et légitime Prince, à la cbarge de ne rien changer de six mois au faict de la Relligion, jusques à ce que par une assemblée des Princes et Eslatz ou par un libre Concilie gênerai ou national il y ayt esté pourveu comme vous avez veu par la déclaration du Roy et le serment desditz Princes, ofliciers de la Couronne.

Bien est vray que quelques particuliers furent persuadez, non de prendre leur party, mais de se retirer .

en leurs maisons, pour atlendre quel seroyt Tacheraynement de ceste guerre.

Le Roy voyant le préjudice que le voisinage de Paris pouvoit apporter à son armée, ayant et perdu l'espérance de rien esmouvoir dans la ville de Paris, que ce nouvel accident avoit intimidé ce qui y restoit de gens de bien et encouragé les meschans, il se résolut esloigner son armée un peu de Paris pour veoir de quel nombre de gens elle pourroit estre diminuée, affîn de pouvoir puis après à ses affaires, selon qu'il verroit estre à faire pour le mieux.

Et voyant le duc de Nemours s'approcher avec les Reistres Suisses et ce qu'il avoit peu ramasser d'aultres forces, et que plusieurs des siens demandoyent congé pour s'aller rafraischir en leurs maisons et en tirer quelques commoditez pour s'entretenir puis après à son service, il se résolut par l'advis de tous les chefz et cappitaines que le plus expédiant seroit de séparer l'armée en troys, dont une partye composée de regimens de Suisses, cinq mil arquebusiers Françoys et mil chevaux demeureroyent près de sa personne pour faire la guerre en Normandye, Anjou et Tourayne, ayant toujours la rivière Loyre à son commandement pour se garentir de combattre mal à propos; l'aultre partie composée d'un régiment de Suisses^ de troys mil arquebusiers Françoys et sept ou huit cens chevaux se retireroyent pour faire la guerre en Picardie, soubz la charge de W le duc de Longueville ; et le reste composée de mesmes forces yroit faire la guerre en Champaigne soubs la charge de I\r le mareschal d'Âumont, en attendant que quelque prompt secours de troys ou quatre mil chevaux que vous luy pouriez envoyer

tiO LETTRES ISF.DJTF.S

d'Alleiiiaigne hiy (loiuiasscul le moyen de se rendit le plus fort en campagne et ramasser ses forces qu'U a, comme dict est, esparces par les provinces, lai pour les faire vivre que pour incommoder l'ennem))! en divers endroictz. Il y a moyen de les serrer plus qui jamais.

Et pour ceste occasion m'a il depesché par deçà vous prier que pour la bonne affection que vous portiez au Roy deffunctluy aviez cy devant faict entendre, au cas que l'ambassade mentionnée en vos lettres arryvasl, ne faudriez vous comporter en sorte que Sa Majesté eusl peu juger combien vous avez à cueur la conservation de son estât et le bien universel de son Royaulme, qu'aussy maintenant luv prestant tout ayde el secours en ce temps, plus qu'il faict mesme profes->B sion que vous de la Relligion pure et reformée, vueiUl liez tenir la main a ce que promptement, veu le danger qu'il y a le long delay, il puisse estre secouru de la moictié des trois cens mil escuz qu'il a demandez, et ce pour paier quatre mit cinq cens ou quatre mïlJ chevaux avec quelque infanterie par ce moyen l'oal pourra aussy entretenir quelque moys ; lesquelles ' trouppes en toutes dilligences l'on aura à envoyer à son secours parceque le desordre est tel en France qu'il ne se reçoit rien des finances ordinaires du Royaume ; mais ce moyen que vous donnerez à Sa Majesté pour entretenir quelque moys ce secours empeschera le desordre que par laulte de payement se meltroit parmy eux, pour faire que le Roy par leur moyen et la bonne poUice qu'au moyen des paiemens sera dans son armée puisse nettoyer une province de laquelle il le puisse puis après contenir; n'estant pas moinglz

dangereux de relarder ce secours pour peu que ce soit que le desnyer entièrement; car vous voyez les grandz efTors que font les ennemys pour jetter de tous costez leurs forces sur les bras du Roy, afiin de l'accabler devant qu'il s'y puisse establir. Le duc deLorayne et le duc de Parme n'y obmette aucune dilligence; et seroit impossible à Sa Majesté, veu que ses ennemys unissent tous leurs moyens et toutes leurs forces contre elle d'y résister, sy ceux quy sont intéressez en mesme cause comme Elle n'y apportent douleur.

Il est à craindre que les villes et plusieurs particuliers qui regardent quy sera le plus fort pour s'y attacher , s'ilz voyent les ennemys tous les jours rafraîchis de nouvelles forces et de que le Roy n'aye de quoy y en opposer d'aultres, estymant ses affaires du tout perdues et pensant à leur conservation, se jettent entre les bras de celluy qui semblera les pouvoir conserver; dont il sera aultant difHcille puis après de les retirer avec de grandes et puissantes armées comme il est maintenant facille avec de légères forces les em* pescher d'y entrer.

Le reste des troys cens mil escuz que Messieurs les Princes ont accordé au Roy, avec ce qui pourra venir d'Angletere, sera réservé pour la grande armée laquelle ne peult estre sy tost preste, comme le Roy a besoing de secours promps, et semble que la saison soit desjà tellement avancée qu'elle n'estoit désormais de guère prouffiter, mais ce secours léger et prompt donnera moyen au Roy de préparer tellement le chemyn à ceste grande armée qu'elle trouvera à ce printemps l'ennemy tout barrasse qu'il n'aura pas de quoy faire grande résistance.

52 LETTRES I!^ EDITES

Le Roy m'a donné de telz el si amples pouvoirs pour donner asseurance de ce qui luj sera preste qu'on ne les sçauroici demander plus amples pour en assigner le remboursement sur les deniers ordinaires du Royaume, ou sur telles villes qu*on voudroit choisir, ou sur son patrymoyne quy est plus grand que celluy que Roy a\t jamais porté à la Couronne de France, et que n'estant point encores ypothecqué aux debtes du Royaume, augmentera de beaucoup les moyens que les Roys ont jusques icy euz de satisfaire à ceux quy les ont assistez. Hz vous supplyent doncques adjuge par ceste affection que vous avez tousjours tesmoignée au bien de la France, et par Finterest particulier que vous avez à sa conservation de ne le point liabandonner à la poursuicte d'une sy juste cause en laquelle il ne peult estre traverse d'aultre prétexte que de celluy de la Relligion, par lequel voz ennemys maintiennent que quy ne faict profession de la leur est incapable de tenir Royaume et Principaulté quelconque.

(Fonds Dnpny, 317, (• 197, r*. Les lettres de la m^me époque de Henri IV au duc de JFertemherg corroborent Tauthenticité de ce mémoire.)

4589, 5 DÉCEMBRE. — A MONSIEUR DE SILLERY, CON SEILLER EN MON CONSEIL D'ESTAT ET MON AMBASSA- DEUR EN SUISSE.

oirs' de Sillery, le cappitaine Sales de Soleurre ayant des affaires qui luy sont de nouveau survenuz au pays, lesquels luy sont d'importance 9 m'a demande congé pour y pouvoir aller donner ordre ; ce que je ne luy ay voulu refuser, affinque sa plus longue absence ne luy portast en cela quelque préjudice. Il m'a aussy remonstré qu'il luy est dub une bonne somme d'argent pour avoir par cy devant faict service en Daulphiné avec une compagnie de gens de sa nation^ sans avoir esté payé durant le temps dudit service ny peu depuis estre dressé de la dicte debte^ et cognoissant que Testât de mes aflaires ne luy permet d'en poursuivre à présent le payement, il m'a supplié la vouloir au moins faire employer en Testât des debtes de la Couronne, avec celles des autres cappitaines de la nation, pour en estre payé avec les interestz, tout ainsv et en la mesme forme et manière qu'il sera faict pour les aultres debtes de semblable nature. A ceste cause, voulant lui faire raison, en cest endroict, je vous ordonne que si après deue veriffication par vous faicte de la qualité et somme de

la debte par luy prétendue, il vous appert qu'elle luy soit bien et légitimement deue, vous ayez à l'employer en Testât des aultres debtes susdictes de semblable nature pour en estre payé avec les interetz à mesure qu'il sera faict fonds pour lesdicts payements, à la mesme raison et en la propre forme et manière que le seront les aultres cappitaines employez audict estât. Sur ce, je prie Dieu, Mons^ de Sillery, qu'il vous ait en sa sainte garde.

Escrit au camp au Mans le v' jour de décembre 1 589.

Henry.

HiVOL.

(Port. Godefroy, n* 262, 4« pièce.)