COMMENCEMENT DE JUILLET

Mémoire baillé par le Roy estant au camp devant Laon, aux S" de Bassompierre et président Jeannin, estans près de Sa Majesté de la part du duc de Mayenne.

^^^ E Roy ayant le principal interest a la paix et repos de son Roiaume nul ne peut par raison doubter qu'il ne la désire plus que tout aultre et que reconnoissant l'obstacle que y apporte la séparation de ceux de ses subjectz qui portent les armes contre son service, il n'embrasse très volontiers les moiens de leur reconciliation avecq luy, non seullement en oubliant les choses passées mais en les gratidiant d'honneurs et bien faictz selon leurs qualitez dont les exemples qu'il a donnez de ceste sienne bonne intention doivent assez servir d'asseurance à ceux qui ne l'ont encores esprouvée en eux mesmes. Toutesfois il n'a laissé outre ce d'en faire plusieurs particulières semonces et démonstrations de la mesme volonté à Mons^ le Duc de Mayenne, pour l'inciter à entendre et venir à une bonne paix; n'ayant Sa Majesté, pour la grande affection qu'elle a de voir cesser les desordres que la guerre aporte au dommage de l'église et religion catholique et à la ruyne de l'Estat,

faict difficulté de se demestre de son auctorité jusques là que de le rechercher de ce à quoy le debvoir oblige les subjectz envers leurs Princes, mesmes encores depuis le siège qu'Elle à mis devant cette ville de Laon, estans venues deux lettres dudict S' Duc qu'il escrivoit au président Janin qui estoit dans ladicte ville pour le faire sortir, Elle les hiy fit tenir sur ce qu'on luy auroit faict entendre qu'il le mandoit pour l'emploier à traicter de la paix ; et voiant que ledict Président ne vouUoit sortir et que neanmoings les ennemis de Sa Majesté faisoient cependant courir le bruict que c'estoit Elle qui ne vouUoit la paix, faschée et offensée de ceste calomnie et pour faire connoislre le contraire Elle auroit prié le S' de Bassompierre qui estoit icy de la part de Monsieur le duc de Lorraine, chef de la Maison, de vouloir aller trouver ledict S' de Maienne pour de nouveau Tasseurer de la part de Sa Majesté du désir qu'Elle a de veoir la paix en son Royaume et luy dire que s'il s'y vouloit résoudre Elle luy feroit du bien, de l'honneur et luy tesmoigneroit toute amitié, qui estoit la plus grande seureté qu'il pouvoit désirer; mais que avant toutes choses Elle entendoit qu'il fust d'acord de trois poinctz : l'ung qu'Elle ne le recevroit à traicter comme chef du party ; le second qu'il ne se mesleroyt de traicter du faict de la relligion ; troisiesme qu'il ne se joindroit le Roy d'Espagne aveq luy au traicté ; que s'il vouloit entrer en traîcté avec ces conditions et envoler les articles signez de sa main de ce qu'il pretendoit tant pour luy que pour autres de sa Maison et adherans. Elle les verroit en son Conseil et sy Elle y trou voit fondement pour en espérer une bonne conclusion Elle n'accorderoit pas

13(i LETTRES INÉDITES

seuUement une trefve de huict jours pour le faict de Laon , mais deux mois de trefve pour achever le Iraictë; sur quoy luy ayant esté demandé par ledict Sieur de Bassompierre ce qu'il pouroil dire audict Sieur de Mayenne que Sa Majesté vouidroit Taire louchanl ladicte ville de Laon, Elle luy respondil qu'Elle pretendoit ta prendre et neanmoings que s'il ne tenoit qu' quictei- le siège, <|u'oii ne s'acordast du gênerai plui lost elle accorderoit de le lever si Elle voyoit asseurance de faire la paix ; qui est en substance la charge que Sa Majesté donna audict S' de Bassompierre après le relour, auquel Elle auroit ordonné aucuns des priucipaux de son Conseil estans près d'Elle pour l'ouir et conférer aveq luy ; ledict président Janin et autres qui se sont trouvez issy delà part dudict de Mayenne, sur ce qu'il en auroit raporté; mais au lieu d'entendre d'eux en ceste conférence quelque resolution et de voir quelques articles pour commencer d'estre eo, traiclé et aux moyens d'abréger les maulx de la guerre, l'on n'auroit après autre chose de son intention, si ce n'est que presuposant qu'ils irouveroienl le faict de Laon encores en son entier et que Sa Majesté deust lever le siège sur la démonstration qu'il feroit de vouloir iraicter de la paix, il leur auroit seuUement donné pouvoir d'accepter les deux mois pour cest effect et prometre, (l'accord ne succédant) de remettre Laon entre' les mains de Sa Majesté qui estoit au lieu de respondre el satisfaire au principal de la charge que ledict S' de Bassompierre avoit de Sa Majesté prendre seiJlement ce qui n'avoit esté dicl qu'en conséquence d'icelluy, n'ayant entendu donner le dit terme que au cas qu'Elle verroit fondement d'eu espérer queh^ue bon succedz

pour le bien et repos du royaume : car Elle a trop aperceu par le passé qu'on n'a fait que se prévaloir à son préjudice de toutes apparences et propositions d'entrer en traictë, mesmes à retenir les villes et autres subjets de Sa Majesté qui avoient volonté de la reconnoistre, les tenant en oppinion qu'il se feroit bien tost ung accord gênerai sans qu'il se soit veu jusques à présent que pratiques et négociations aveq les estrangers et tous autres efTectz contraires ; toutesfois s'estans les susdiz laisse entendre à la dicte conférence, que s'il plaisoit à Sa Majesté accorder terme jusques au premier septembre et ses passeportz pour envoler vers ceux que ledict S^de Mayenne doit advertir pour intervenir audict traité, il ne faudroict de faire trouver ses deputtez dans ledict temps en tel lieu qu'Elle ordonneroyt, aveq pouvoirs et charges suffisantes pour venir à quelque bonne conclusion, Sadicte Majesté ne voullant rien obmettre pour les y convier et pour procurer l'assoupissement de ceste guerre, a accordé ledict ' terme jusques au premier jour de septembre, à la charge des trois poinctz cy dessus déclarez ; ne vouUant pour le regard du premier admettre aucun pour compagnon en son Royaume auquel Dieu l'a constitué seul, comme aussy ayant pieu à sa bonté divine l'inspirer à embrasser la religion catholique , apostolique et romaine et reconnoistre que l'église catholique est la vraye église aveq ferme volonté et resolution d'y vivre et mourir, la conserver et protéger de tout son pouvoir mesmes exposer sa vie et son sang pour cest effet. Sa Majesté ne veult que autre de son Royaume s'atribue ou prétende aucune part en la protection d'icelle, ne laissera toutesfois, sy quelque chose luy est dict et proposée

de la part dudict S' Duc pour le bien et conservaliou d'icelle religion cattioUque de l'ouir et recevoir de très bon cœur par forme d'advîs comme d'un prince son subjet, et embrassera tousjours fort volontiers lea moyens qui !uy seront présentez et ouverts par ses serviteurs catboliques pour aider à la maintenir et augmenter; et pour le troisiesrae si le Roy d'Espagne a intention de faire la paix avecq Sa Majesté il n'est raisonnable qu'Elle soulFre que ce soit par le moyen de ses subjectz ny conjoinctement avec eulx pour ne le rendre prolecteur de ce qu'Elle leur pouroit accorder et qu'ils doivent reconnoistre d'Elle seuUe, comme aussy en attendre l'observation de sa foy et parolle, et neanmoiugs soubz ses condition Elle a dès à présent commandé expédier les passeports qui leur seront nécessaires pour l'effet susdict, ne pouvant encores cboïsir le lieu ou se fera l'assemblée, pour n'estre certaine en quel endroit Elle se poura lors trouver, mais se tenant les deppultez prez ledîct S' duc de Maienne, Elle les fera advertirbuict jours avant la lin dudict terme; et à ce que son intention sur le tout puisse estre mieux conceue el représentée audict S' duc de Maienne et autres qu'il en voudra advertir qu'elle ne pouroit estre estant proférée de boucbe à acsdiz ministres, Elle a advisé de la leur bailler par escript, asseurant de recbef que pour le bien de la paix, et pour l'affection qu'Elle a d'en voir bientost jouir son pauvre peuple et tout le Royaume , Elle s'eslargira envers ledict S' Duc sur ses pareils et autres qui y seront comprins aveq luy en gratilTicationsetbienfaiz, outre mesmes ce que

portera l'advisde son conseil. Faict

Depuis sur ce qui a esté encores par eulx remonstré

que le terme seroit trop bref pour les plus esloignez , Sa Majesté Ta prolongée jusqu'au dixiesme jour dudict mois de septembre.

(Dupuy, no 88, Ù> 212, r©.)

1894, 9 JUILLET. — AUX ÉCBEVlNS ET HABITANS