JUILLET. —AUX MESMES

Ess", Je viens présentement de recevoir voslre depesche, et pour ne retenir plus longuement ^ vostre courrier qui m'est venu trouver jusques en ce lieu, ma responce en sera plus courte et sera seullement pour vous dire que je demeure tousjours ferme en ma première resolution de ne rien changer de la charge que je vous ay donnée sur les propositions qui ont ja esté faictes , mais sur les nouvelles qui y ont esté depuis adjoutées, me les faisant entendre, je vous feray aussy tost sur ce sçavoir ma volonté. Cependant je trouve bon la prolongation de la trefve pour encores huict jours, dont je vous envoyé présentement l'ordonnance, pour en advertir les garnisons qui sont proches de vous ; encores que de ma part je ne laisseray de la faire publier aux lieux de ce gouvernement ou il est nécessaire. Quant aux passeports qui vous ont esté demandez pour envoyer en quelques provinces, je reserve a les accorder jusques a ce que j'aye veu quelles seront ces nouvelles demandes, car elles pourroient estre telles qu'elles romproient tout le traicté, et ce faisant lesdits passeports ne se debvroient

plus accorder ; mais aussy sy elles ont de l'apparence

je les accorderay volun tiers et les vous envoyeray aussy tost, et quelles qu'elles soient je n'entends poinct pour cela que vous rompiez le traicté ny que vous partiez pour me venir trouver que vous n'aiez premièrement de mes nouvelles. Je n'en ay point d'icy d'autres a vous donner, sinon que la ville et chasteau de Pesmes, après avoir faict ceste après disnée un peu de myne de se delTendre, ont cappitulé pour se rendre demain à mydy. Sur ce je prie Dieu, Mess", vous avoir en sa saincte garde. Escriptà Auxonnc ce xx*' juillet 1595.

Henry.

Fokgkt.

(Port. Godefroy, 262.)

ir>9r;, m aotjst. —aux mesmes.

Fss'*, Jereceu hier les lettres que, vous, Mons"" de Villeroy, avez escrittes auS*^ deBeaulieu, par lesquelles j'ay veu le peu de satisfaction que me donne le duc de Mayenne contre les promesses que les siens m'avoient faictes , mais je les tiens pour telles que j'ay tousjours congneu celles des Ligueurs, et trouve fort bon que vous vous soyez de- ]>artiz et retirez a Mascon. Lignerac etBevillierssonta

sept lieues d'icy qui m'ont envoyé de l'escorte pour me trouver, ce que je fay tout présentement et vous asseure qu'après avoir bien parlé à eulx, je les renvoieray comme vous vous en estes retournez, car je n'ay pas délibéré de rien changer au pouvoir que je vous avois donné. Quant à mes nouvelles j'ay tiré de Bezançon trente mil escuz, de Arboys et encores de quelques autres petites places. Je partz demain pour m'en aller à Poligny dont j'espère tirer encore quelque commodité, de façon que mon voyage n'aura pas esté si inutille que je ne tire près de troys moys pour mes Suysses. Je n'yray poinct pour ce coup à Salins, non pour la craincte de la garnison , encores qu'il y ayt mil Suysses dedans, et moings pour la bonté de la place, car elle ne vault rien du tout ; mais pour le seul respect des Ambassadeurs de Suysse qui sont a deux lieues de la , il y a desja troys jours, et me pressent fort de les oyr et cesser ce pendant tout acte d'hostilité; demain passé vous sçaurez plus souvent et plus commodément de mes nouveUes, d'aultant que les chemins ne seront plus si traversez et dangereux qu'ils ont esté depuis huict ou dix jours que nul ne pouvoyt passer sans courir grande fortune, plus des paysans que des gens de guerre. Priant sur ce Nostre Seigneur vous avoir. Mess", en sa saincte garde. Escript au camp de Montigny le xi* jour d'aoust 1 595.

Depuis ma lettre j'ay advisé qu'il vault mieux que vous veniez à Pont de Vau et de là à Louan pour ce que au mesme temps que vous y armerez je seray a Lyon , et Saulnier qui ne sera que a quatre lieues de moy ; et je ne me puis plus passer de vous, Mons*^ de

16(fc LETTRES INÉDITES

Villeroy, pour mes despesches estrangeres, mesmes

pour le traicté avecq les députez des Cantous qui me

pressent.

Henry.

Bvxà,

(Port. Godefroy, 262.)