OCTOBRE

iDstruction baillée à M. de Lomenie par le Roi TenvoiaDt

en ÂDgleterre, Tan 1595.

E S' de Lomenve, secrétaire d' Estât de Navarre, estant depesché par le Roy pour aller

trouver la Royne d'Angleterre respondra aux

articles de Tlustruction du S' Roger Willemes comme sensuit.

Sur le premier :

Que pour Tesloignernent de sa Majesté luy fera entendre que le voyage de sadicte Majesté estoit si nécessaire pour la conservation des provinces de Bourgongne, Lyonnoys, et aultres desquelles Elle s'est approchée, que si elle n'y feut allée lesdictes provinces ne se pouvoient conserver , principallement celle de Bourgongne en laquelle Sa Majesté ne lenoyt que troys ou quatre villes; et ou commençoit à entrer l'armée du Connestable de Castille, quand sa Majesté est arri< vée, laquelle par sa prudence et présence a réduit toutes les villes de ladicte province en son obeyssance, et a asseûré les aultres par le moyen des peuples et de

la noblesse qui se sont reduicts a son service, et le bon ordre qu'elle a estably en icelle.

Sur le second :

Fera entendre à la Royne que les faveurs que le Roy a receues d'elle, et l'assistance qu'elle luy a donné en ses afTaires es occasions qui se sont présentées depuis son advenement à ceste Couronne , sont si engravées en son esprit qu'il ne luy reste pour son contantement sinon que d'estre continué aux bonnes grâces de ladicte Dame, et que Dieu luy donne le moyen de se revanclier de tant de bons offices et courtoisies en occasion qui luy donne contantement.

Sur le troixiesme :

Remonstrera à la Royne de la part de Sa Majesté qu'elle recevroit beaucoup de déplaisir si à Toccasion du secours et forces dont ladicte Dame la ci devant assisté ses a(Taires en avoyentreceu aucun préjudice, et son peuple telle incommodité comme il a esté représenté de la part de ladicte Dame, laquelle considérera, s'il luy plaît, que les forces et favorables services dont elle a cy devant assisté Sa Majesté, ayant esté employez contre les Espagnols et leurs adherens, ennemys communs de leurs Royaulmes, ladicte Dame ne peult qu'elle n'ayt particippé au fruict qui est provenu, ayant esté les progrès et desseings desdicts ennemys interrompus par le moyen desdictes forces.

Sur le quatriesme :

Reprenant le contenu de cest article fera remonstrer

DE HENRY IV. 17i

de la part de sa Majesté à ladicte dame Royne que s*est à son grand regret qu'elle n'a peu entièrement nestoyer les provinces les plus proches de son Royaulme; toutesfoys qu'ayant reduict la Normandie à son obeyssance, elle n'esperoit pas moings faire en la Bretaigne, SI après les conquestes et heureux succez qu'eut feu Mons'. le Mareschal D'Aumont Tannée dernière en la basse Bretaigne, ladicte Dame n'eut revocqué ses forces, qui fut cause d'arrester le cours des progrez que prenoyent les affaires de Sa Majesté audict pays ; lesquelles se pourront en peu de temps terminer par un heureux repos, quand il plaira à ladicte dame Boyne envoyer audict pays pareil secours qu'elle a faict cy devant.

Et pour le regard de ce que les ennemys ont gangue sur la frontière de Picardye, sa Majesté se promet, avec Tayde de Dieu et assistance de ses amys, de remettre bien tost en son obeyssance et entreprendre sur le pays des ennemys ; pourveu que ladicte dame Reine veuille envoyer promptement un bon secours à sa Majesté, laquelle elle employera si utilement que le fruict en sera commun à Leurs Majestez; lesquelles par la continuation de leur bonne inteligence et correspondance et par l'union de leurs forces pourront non seullement s'opposer et rompre les desseings de leur ennemy commun , mais entreprendre sur luy si advantageusement que leurs Estats et Royaulmes en demeureront davautaige asseurez, avec contantement de leurs peuples et subjects ; en quoy sa Majesté n'espargnera rien de ce qui sera en sa puissance pour assister ladicte dame Royne en tout ce qui sera pour son contantement et la conservation de tout ce qui est de

sa domination, s'asseurantSa Majesté que ladicte Dame sera tousjours bien ayse que sadicte Majesté conserve tout ce qu'il a pieu a Dieu mettre soubs son obey»sance comme sadicte Majesté se promect de faire.

Et si ladicte Dame parle de Calais comme elle en avoit chargé ledict S' Roger Willemes, ledict S' de Lomenye luy fera congnoistre que Sa Majesté ne se peult persuader qu'il soyt tumbé en son esprit de demander ladicte ville de Calais^ laquelle Sa Majesté n'aura moings de soing de conserver, comme elle sera toujours preste de s'employer en faveur de ladicte dame Royne en ce qui pourra servir à son contantement et à la conservation de ses subjects.

Et encores que leurs antiennes alliances les oblige assez à ceste mutuelle correspondance , neantmoings sa Majesté jugeant que leur inteligence ne peult estre tropt estroittement liée, aussy qu'il seroit besoing par une conférence de lever les umbrages qui peuvent estre intervenus et par mesme moyen adviser à tout ce qui peult servir aux affaires communes desdicts Royaulmes :

Sa dicte Majesté trouve bon que ledict S' de Lomenye propose à ladicte Dame d'envoyer ses depputez en quelque lieu commode ou se trouveront aussy ceulx de Sa Majesté, pour conférer des affaires communes desdicts Royaumes et adviser ce qui est à faire non seuUement pour s'opposer aux desseings de leur ennemy commun, mais pour entreprendfe ce qu'il sera jugé estre à propos pour le bien desdicts royaulmes. Sur quoy ledict S' de Lomenye asseurera ladicte Dame que Sa Majesté sera tousjours disposée pour y apporter tout ce qui deppendra d'elle, et en quoy elle

estimera pouvoir donner conlantement à ladicte Dame.

Et si la Royne a agréable que ladicte assemblée se face, ledict S' de Lomenye sçaura dans quel temps ladicte dame pourra envoyer ses depputez^ et conviendra du lieu de ladicte assemblée avec ladicte Dame , soit à Calais, Abbeville, Dieppe , Sainct Valéry ou le Crotoys. Toutesfoys sa Majesté desireroit que ce feut à Abbeville parcequ'elle en estant proche elle pourra plus commodément faire entendre à ses depputez sa volunté.

Et d'aultant qu'il se passera beaucoup de temps avant que lesdicts depputez s'assemblent et que la resolution soit prinse sur les affaires qui se mettront en avant et que cependant beaucoup d'occasions se peuvent offrir d'employer les forces de sa Majesté , soy t pour la conservation de Cambray ou aultres importantes au bien des affaires de leurs Majestés dont il pourroît reuscir beaucoup de fruict , si sa Majesté estoit assistée des forces de ladicte dame Royne , ledict S' de Lomenye la pryera instament d'envoyer ce qu'il luy plaira de ses forces ; lesquelles sa Majesté employera en ce que ladicte dame jugera estre le plus utile pour le bien de leurs dicts Royaulmes ; et si ladicte Dame est en ceste volunté, ledict S' de Lomenye fera instance à ce que lesdictes forces soy en t envoyées promptement, et donnera incontinent advis à Sa Majesté de la volunté de ladicte Dame.

Faict à Paris le v*" jour d'octobre 1 595,

Henry.

Potier.

(Fonds Dupny (copie), 152, f» iij, !«.]

1595, 30 OCTOBRE. — AIJX ESCHEVmS ET HABITAIïS

DE SAINT-QUEPmW.

HERS et bien amez. Sur la resolution que j'ai prise d'avoir raon armëe à Tentour de Im Fère, ayant entendu que le sieur De la Corbinyere auroit besoin d'estre secouru de quelque bled dont il vous a parlé, je vous prie lui en faire aide de ce qu'il vous demandera et au besoin vous asseurant qu'il vous sera par luy payé ou rendu, l'afTaire que j*ai entreprise vous asseurera de votre repos, je ne vous en ferai aucune recommandation.

Fait au camp de Beauvays le 30 8**'* 1 595.

Heioit.

(* Archives municipales de Saint-Quentin, original.)

i59S, 24 NOVEIVIBRE.

Lettre du Roy à la Cour sur la bénédiction qu'il a receue du Pape, pour en rendre grâces à Dieu. (Extraict des registres de Parlement de samedy ii« décembre i595.)

E jour ont esté présentées et veues par la Cour les lettres closes du Roi, desquelles la teneur ensuict : De par le Roy. Noz amez et feaulx , Depuis qu'il a pieu a Dieu nous inspirer heureusement à la Relligiou Catholique, Appostolique et Romaine , Nous n'avons poinct eu de plus grand désir que de veoir nostre conversion suivie de la bénédiction de nostre très amé sainct Père le Pape, laquelle Nous avons recherchée d'autant plus hardiement que Nous avons veu qu'elle estoit nécessaire pour nostre salut, bien de nostre Estât et la tranquillité des consciences de noz subjetz qui n'estoient encores satisfaictz, et bien que nos ennemys n'aient espargné aucunes inventions ny artifflces pour traverser ce bon œuvre auprès de sa Béatitude, ilz y ont sy peu proffitté que leur injuste poursuitte ne leur a servy que pour manifester davantage leurs ambitieux desseings et faire parroistre à tout le monde que le manteau de pieté duquel ilz ont vouUu couvrir leurs

ne LETTRES INÉDITES

armes n'a esté qu'un masque pour essaier d'envahi et usurper ce Royaume, car sa Sainctet^, sans s'arrester à leurs dictes poursuiltes, INnus a bonnorez de sa dicte bénédiction pour l'enlier repos de nostre âme et la seureté de cet Estât, lequel ayant jusques icy résista ses ennemis, combien en aura il plus de moien tenant qu'il est reconcillié avecq le Sainct Sli Apposlolicque et PortiiTié de l'assistance de nostredi Sainct Père, de laquelle Nous espérons recevoir aul de consoltation et d'ulillilé que les Roys nos predect seurs en ont tiré par le passe. De quoy Nous n'ei sions lardé sy longuement à vous donner advis, sy à nostre retour de Lion, Nous ne fussions accouruz à cette fronliere pour y arrester le progrez de nosdict:!: ennemis, et d'autant que escrivons présentement aux evesques de nostre Rovaulme qu'ilz aient à eo faire remercier Dieu en leurs Eglises, et aux Gouverneurs de noz Provinces et villes parlicullières d'icelles, que le jour que lesditz Evesques ordonneront les dictes processions, iiz aient U faire tirer l'arlillerie, allumer feux de joye et tesmoigner par toultes autres démonstrations combien Nous estimons la bonne grâce de Sa Saincteté, Nous vous en avons bien voullu aussy faire ceste lettre, affin que de vostre part vous contribuez à ceste action de grâce tout ce que vous y pourrez apporter pour la rendre phtscellebre, assistans en corps et en robbes rouges à ladicte procession, et tenant la main que chacun s'acquitte dignement de ce devoir et vous nous ferez service très agreahle. Donné au camp de Tramery près la Père le xxiiu* jour de novembre 1595. Signé ; Henry, et plus bas, De Netil ville.

DE HENRY IV. i77

Icelles veues, la matière mise en délibëration, ladicte Cour a arresté et ordonne que procession generalle sera faicte à laquelle elle assistera en robbes rouges et chapperons ; et à cette fin s'assemblera en la Grand' Chambre du plaidoié demain sept heures du matin; et ira ladicte procession de l'église de Paris à S** Geneviève ; et sur ce qui a esté depuis raporté que le Sieur Cardinal de Gondy supplie la Cour remectre à ung aultre jour ladicte procession à cause que demain comroance l'advant et le service est tel qu'il ne se peult faire ladicte procession , ladicte Cour a arresté que ladicte procession generalle sera faicte mercredy à l'heure susdicte.