FORGET

(Le recneil Colbert (t. 410, p. 166 et 170), auquel nous emprnntoni cette lettre et TaTant- dernière , rapporte eu ces termes la réception

que le roi fit au représentant du Saint-Siège : c Le jeudi 18* jour de juillet 1596, le Roy, estant à Monceaux , ad^erty que Mons' le cardinal de Florence légat du St Siège apostolique approclioit de Paris, print la poste et arriva le mcsme jour en ceste d. Tille accompagné de mess'* les ducs de Montpensier , de Mayenne , de Nemonn , grand esc', des seigneurs de Brissac , Roquelaure, de BeauTais, Nangis, de Suze et autres seigneurs. Et le lendemain 19* du d. mois sur les huict heures du matin , Sa Majesté accompagnée desd. seigneurs jusques au nombre de trente , partit exprès de ceste yille pour aller trouver le d. s' Légat a Montlhery ou il estoit lors; de quoy ayant eu adyîs le d. S' Légat, se tint a la porte et entrée de son logis pour recevoir Sa Majesté. Ou estant arrivé après plusieurs reyerences et remerciemens de la peine qu'il avoit pieu a sa d. Majesté de prendre en ce Yoyage, iceluy s' Légat a commancé a s'excuzer de Tlionneur que sa d. Majesté luy faisoit , que ce n'estoit a luy a qui cet honneur estoit dcub , et que c'estoit le St Siège qui l'a délégué qui le recepvoit, remerciant bien humblement sa d. Majesté de Thonneur et bonne volonté qu'il porte au d. St Siège, dont toute la clirestienté s'esjouira , desniontrant une si grande joye et afTection en prononçant ces d. paroles qu'il sembloit les larmes luy vouloir tomber des yeux.

Ce faict sont entrez en une snlle estant au d. logis ou ils ont tenu plusieurs propos, Sa Majesté parlant François, ses propos étoient translatez en langue italienne et prononcez au d. si* Lrgat par M'Forget» s* de Fresnes, secrétaire d'Estat. Et le d. s' Légat parlant en langue italienne ses propos n'estoient point translatez a sa d. Majesté, qui entend fort bien la langue italienne, mais ne s*arreste à la prononcer , et feurent ensemble environ une heure avec démonstration de tant de joye , allégresses et applaudissemens qu*il n'est possible de la pouvoir exprimer. >)

XCYI

4596, 25 JXHLLET. — A NOSTRE CHER ET BIEN AMÉ LE MAIRE DE NOSTRE VILLE DE RENNES.

HER et bien amé. Des que le temps qu'il a pieu a Dieu nous appeler a la succession de ce royaulme, auquel pour la pluspart nous avons esté contrainctz d'entrer par conqueste, nous avons trouvé un tel desordre en toutes noz provinces qui depuis a l'occasion des guerres civilles et estrangeres y a esté continué a la fouUe et oppression de noz bons subjectz, que la mort nous seroit moins dure qu'il n^est de voir et souffrir plus longuement les misères dont ce royaume est accablé. Ce que Nous recognoissons procéder prîncipallement du tenement des champs des gens de guerre qui ne peuvent estre disciplinez sans paye, ny servir sans entretenement; a quoy ne nous ayant esté jusques a présents possible de pourvoir, Nous souffrons en nostre ame une douleur extrême. Dun costé il ne Nous est loisible d'habandonner la conservation de nostre estât, d'autre part Nous ne pouvons qu'avec un sanglant et incroyable regret ouyr les justes plaintes de nostre pauvre peuple, sans y apporter le remède convenable en la charge et dignité en laquelle il a pieu à Dieu nous eslever. Implorant sa grâce en toute humilité, Nous avons pris con-

seil de convocquer présentement une assemblée d'aucuns de noz subiectzdont la fidélité, suffisance, probité et aflection au bien de cest estât a esté expérimentée et cogneue par leurs bonnes et louables actions, entre lesquelz Nous avons estimé vous debuoir choisir pour l'asseurance que nous avons de vostre fidélité, et pour la cognoissance que vous avez des afiaires de nostre paix de Bretaigne et speciallement de nostre ville de Rennes. Mais vous prions, incontinants la présente receue vous disposer à venir en nostre ville de Compiègne pour vous trouver le dernier jour du mois d'Aoust prochain et vous informer auparavant fort exactement de Testât de nostre dicte ville, prendre l'advis de noz bons serviteurs et subiectz de ce à quoy il est besoin de pourvoir pour y establir ung bon et assuré repos, et aussi de ce dont nous pouvons estre secouruz, afin que nous ayons moyen d'empescher les desordres qui se voyent maintenant en ce royaume et de résister par la force aux forces et mauvais des^eings de noz ennemis. Pour à quoy parvenir il ny a chose que nous n'entreprenions et à laquelle nous ne nous résolvions. Grâces a Dieu, ce Royaume est plain de vaillans hommes, d'un bon nombre de chefs de guerre, Nous demeurant ce seul pensement de pourvoira leur entretenement qu'il fault mettre peine de trouver en noz finances, retranchant tout ce qui est de volontaire et dont l'on se peult passer pour estre employé à ce qui est plus nécessaire, en quoy Nous desirons estre aussi assistez de vostre sage et prudent conseil et par mesme moyen faudra adviser où se pourra recouvrer ailleurs ce qui ne se trouverra en noz finances, voulans espérer que tous noz bons subiectz qui cognoistront

par effects nostre ferme resolution de faire despenser et employer tout le secours qui nous sera faict et ce qui sera advisé de prendre en noz finances à la conservation de Testât et non ailleurs , suivant la resolution qui en sera prise en ladicte assemblée , se disposeront volontiers à nous accommoder pour un temps de quelque petite partie de leurs moyens pour sauver le surplus avec leur patrie de la conservation de laquelle dépend celle de leurs honneurs , de leur vye, de leurs femmes et enfans. Ce que Nous eussions volontiers faict représenter en une plaine Assemblée d'Estatz généraulx de ce Royaume, si les armes et effortz de noz ennemys permettoyent que Ton peust différer plus longuement de pourvoir et remédier au mal qui nous presse si violamment, ce que différant à un autre temps, Nous vous dirons que nostre intention est, attendant la tenue desdictz {Istatz , de faire cesser tous ces desordres au mieux et le plustost que se pourra et qn*en la convocation qu'avons présentement ordonnée soient faictz les mesmes reiglemens et reformations, en ce qui concerne principalement la police militaire. Tordre et distribution de noz finances, que si l'affaire estoit traictée en plaine assemblée d'Estastz generaulx, voulans espérer, moyennant la grâce de Dieu, en laquelle Nous avons tousiours mis nostre fiance, que se présentant devant Nous l'armée EspagnoUe, elle en reportera le mesme iraiclement qu'elle a faict cy devant quand elle s'est voulu resouldre au combat ; Nous avons esté, l'espace de sept mois , au siège de La Fère que l'ennemy a mieux aymé laisser perdre à sa veue que de s'obliger au combat. Nous contribuerons franchement , pour mettre fin à cesle

guerre, nostre peine, tous noz moiens, nostre sang et nostre propre vie dont, quand il s'est agi de conserver TEstat, Nous ne fusmes jamais cbiches, Nous promectans la mesme affection et loyalle assistance de nostre noblesse que nous avons souvent esprouvée es occasions qui se sont présentées. Estans nos forces occupées audict siège de la Fere, par je ne scay quel malheur, nostre ennemy s'est advantagé de deux villes frontières, ne s'estant trouvées si bien munies et fortiffiées comme il cust esté besoing, ayant esté la fortiffication des places de nostre province de Picardie par trop négligée durant la longue paix dont elle a jouy. Âquoy aussi depuis nostre advenement à la Couronne Nous n'avons peu pourvoir pour avoir esté occupez ailleurs lorsque la plupart dudict pays ne nous avoit recogneuz. Ces evenemens ne peuvent estonner les cœurs généreux de nostre noblesse , estans ces pertes advenues contre toute raison humaine et non par valleur qui se puisse remarquer en noz ennemis. 11 fault maintenant que nous reveillons tous en noz coeurs Tantienne vertu françoise, que nostre noblesse se résolve avec nous de ne despouiller jamais les armes que nous n'ayons eu la raison de noz ennemis. Ce qui semble n'estre point difficille, si avec la valleur de la noblesse l'ecclésiastique ayde TEstat en ce qui est de sa vaccation et de sesmoyens et si nous sommes assistez de noz bonnes villes et plais pays selon les moyens que chacun en aura qui seront trop mieux employez au payement d'une armée qui s'opposera courageusement a celle de l'Espagnol, que si, par ce deffault l'ennemy, ne trouvant point de forces en la campagne qui résistassent aux siennes, s'en faisoit le maistre, ravageoit le

plat pays, et sacageoit les villes, comme bon luy sembleroit. Succédant à ceste couronne, ainsy que chacun scaît, Nous y avons trouvé une extrême pauvreté. On ne peult dire que nous ayons jamais oonsenty ny que nostre naturel soit d'approuver que les revenuz du Royaume soient mal mesnagez et employez en deppences superflues et volontaires. Nous desirons la reformation au faict de noz finances autant qu'ayt jamais faict prince qui ayt porté ceste Couronne. Et en tout ce qui escherra et serons conseillez, Nous commencerons volontiers la Reformation par nous mesmes jugeant que l'ordre et bon mesnage dont il sera usé fera que Ton pourra satisfaire aux despences nécessaires pour la conservation de T Estât, et nous donnera moyen de soullager noz pauvres subiectz , contribuables à la taille d'une partie des levées qui se font sur eulx. Ce que nous desirons de tout nostre cœur et ne vivrons jamais contens qne cestuy nostre désir n'ayt esté tesmoigné par les eflectz. Et au cas que par empeschement ou maladie, vous ne puissiez venir audict Cornpiegne, Nous voulons que le premier Eschevin de nostre dicte ville de Rennes si achemine à vostre deffault. Donné le vingt cinq"' jour de juillet mil cinq

cens quatre vingtz seize.

De Nbuttillk.

4596, 8 SEPTEMBRE. — A NOZ CHERS ET BIEN AMEZ LES MANANS ET HABITANS DE NOSTRE VILLE DE RENNES.

HERs et bien amez, afin que nostre province de Bretaigne ne demeurast sans la conduicte de quelque personne de qualité et mérite qui en eust autant de soing que nous en afTectionnons le repos et la conservation, et de nos bons subiectz et serviteurs qui sont en icelle, au mesme temps que nous fusmes advertiz du decedz de nostre cousin le Maresclial d'Aumont, Nous fismes eslection de nostre cousin le Comte de Brissac Mar'* de France, en la prudence duquel Nous avons telle confiance que nous croyons fermement ne pouvoir commettre l'importance de ceste charge à aucun autre qui plus dignement s'acquitte du debvoir dicelle que luy. Il sy achemine présentement selon le commandement bien exprès qu'il en a de nous, ayant encores adjousté à sa charge celle qu avoit en la mesme province le S' de S* Luc qui sen est demis pour estre occuppé en autres de non moindre importance. Mais comme noz commandemens et volontez dépendent entièrement du soing que nous attendons de luy pour les faire exécuter, où le besoing le requerra, aussy est-il nécessaire que vous

les faisant entendre vous y obéissiez comme à toutes autres qu'il vous prescrira et ordonnera pour le bien de nostre service et qui dépendent de Tune et l'autre charge avec la submission et le mesme respect que vous estoit tenu de defferer à Nous mesmes. A quoy vous ne ferez faulte, car tel est nostre plaisir. Donné à Montcaulx le liuictiesme jour de septembre

mil \* iiij" seize.

Henry.

Potier.

(* Archives monicipales de Rennes. Ces archives contiennent aussi une lettre du i 6 octobre, datée de Rouen , qui est une convocation pour les États de Rretagne assignés à Guingamp au 2<' décembre prochain ; elle est textuellement , sauf le nom de la ville et la date du mois, identique à ceUedu25août i595.)