JUIN. — A UN CANTON SUISSE

EES chers et bons amys, 11 y a longtemps que nostre amé et féal conseiller en nostre conseil d'Eslat et ambassadeur en Suisse nous a faict entendre le moyen que vous luy avez ouvert d'acquiter avec vostre commodité et plus grande facilité pour nous ce que nous vous pouvons devoir de deniers par vous prestez et dommaiges soufTertz pour le service de ceste nostre Couronne, en quoy nous ne desirons moings que vostre pretension soit accomplye, que vous vous estes toujours montrez officieux et afTectionnez au bien et advancement de noz affaires, dont le temps ny aultre chose n'effacera jamais en nous la souvenance et gratitude de l'obligation que nous vous en avons, ainsy que aux occasions qui se pourront offrir nous vous en donnerons toute la preuve qui pourra dépendre de nous, n'ayant la longueur de vous faire responce du faict particulier susdict procédé d'oubliance ny de faulte de bonne volonté de nostre pari ; mais de la dificulté de pouvoir traicter avec ceulx desquelz l'affaire despend pour avoir le pays esté occuppé par noz ennemys, si ce n'est depuis la réduction nagucres faicte de la ville de Grenoble soulz nostre obéissance ; au moyen de la-

quelle estant l'accez ouvert à ceste négotiation, nous en donnerons charge bien expresse à noz principaulx officiers et serviteurs de la province affin de s'y employer et en poursuivre une resolution à vostre contentement, s'il est possible, pour l'effect de laquelle ne sera rien espargné de ce que raisonnablement nous y pourrons apporter, comme en toutes aultres choses ou nous aurons moyen vous nous trouverez tousjours pretz et disposez à vous gratifier, priant Dieu, très chers et bons amys, vous avoir en sa saincte garde. Escrit à Mante le dernier jour de juing 1 591 .

Henry.

Revol.

(Port. Godefroy, 262, pièce 20'.)