SEPTEMBRE. —A MON COUSIN LE SIEUR D'AUMONT MARÉCHAL DE FRANCE

^^^1 ON cousin, Le S"" de Sillery, mon ambassa- ^Â >) deiir en Suisse, m'a faict entendre que des ^:^^L soixante et dix mil escus de l'emprunct faict audict pays pour lequel ceulx de mon pays de Bourgongne entrent en obligation avec moy, vous faictes instance d'en avoir trente cinq ou quarante mil pour les affaires dudict pays, et que cela estant, on demeureroit de beaucoup court du mois que doivent toucher sur ladicte somme les collonelz et cappitaines en considération desquelz principalement ledict prest a esté faict, comme aussy ilz en ont faict l'ouverture et principale poursuicte par le moyen de leurs parens et amis ; montant ledict mois cinquente mil escus, dont si Ion leur retranchoit quelque chose, cela exciteroit un grand mécontentement au pays, et possible empescheroient ilz la sortye de l'argent. Toutesfois il a voulu sur ce sçavoir ma volonté, me mandant que en les satisfaisant de ladicte somme entière, il ne vous en pourroit estre baillé gueres plus de vingt mil escus, à cause qu'il y a l'année de la rente à rabattre et quelque autre partye que je luy ay ordonné d'employer pour mon service. Vous sçavez, mon cousin, en quel estât sont mes affaires de delà et le besoing que j'ay d'y

conserver mes serviteurs entre lesquelz voulant éviter toute occasion de plaincle et crierie pour ce faict particulier, je mande audit S"^ de Sillery qu'il préfère en cela leur contentement à toute aultre chose; dont je vous ay bien voulu advertir, affîn que sçacliant qu'il a ce commandement de moy, vous preniez en bonne part ce qu'il fera en cest endroict; comme je vous prie aussy rendre tellement cappables ceulx de mondict pays de Bourgongne de la raison que j'ay eu de l'ordonner et de l'interest que eulx mesmes ont à maintenir ladicte nation en bonne intelligence avec moy, qu'ilz y acquiescent volontairement, comme à chose qui avec le gênerai de mon service regarde aussy en particulier le bien et seureté de leur province. Sur ce, je prie Dieu, mon cousin, vous avoir en sa saincte garde. Escrit à Noyon le uif jour de septembre 1 591 .

Henry.

Revol.

(Port, Godefroy, 262, pièce 21^.)

i59l, 4 SEPTEMBRE. — A MONSIEUR L'ABBÉ DE GADUGxN'E.

Pjl ONs' de Gadugne, Ayant entendu que ma .à cousine la Grand Duchesse de Toscane vous a despesché pour aller en Lorraine et autres endroictz pour ses affaires particuliers, et que néant-

moings vous desirez avant que passer oultre avoir un passeport de moy, je le vous ay bien voulu envoyer , le faisant adresser au S' de Sillery, mon ambassadeur en Suisse, pour le vous bailler, si vous estes encores audict pays, comme l'on m'a dict que vous y pourriez attendre ledict passeport, et vous veulx bien aussy asseurer que tout ce qui est de la part de madicte cousine m'est si recommandé que non seulement elle peult attendre toute seureté de mon costé à ceulx qu'elle y employera, mais aussy qu'ilz y recevront toute la faveur et assistance dont ilz auront besoins: de sorte que pour mon regard et de ce qui deppend de moy vous ne devez faire difficulté de passer oultre et aller ou bon vous semblera, soit au dedans ce royaulme ou debors, selon l'ordre et commandement que vous avez de madicte cousine, m'asseurant que comme elle n'y vouldroit rien faire traicter contre mon service, que aussy vous ne le vouldrez entreprendre de vous mesme. Sur ce , je prie Dieu , Mons' de Gadugne, vous avoir en sa saincte garde. Escrit à Noyon, ce nif jour de septembre 1 591 .

Henry.

Rkvol.

(Port. Godefroy, 262, pièce 22e.)

iS9I, 30 SEPTEMBRE.— A MON COUSIN LE CARDINAL DE LENONCOURT.

Lettre du Roy Henri IV au card. de Lenoncouit; luy demande advis sur les poursuittes qui se faisoient contre ceux de La Charité, et sur la translation du siège episcopal d'Auxerre audit lieu de La Charité; le j)rie d"y bien prendre garde; luy donne advis quil va combattre l'armée du Pape, jointe au duc de Lorraine, si elle entre dans son Royaume.

^^^P^ ON cousin, j'ay esté adverty que l'on a comf^M l *"^"^^ depuis peu à faille quelque poursuitte sMMM contre aucuns habilans de ma ville de La Charité, recherclians leurs deportemens et actions es années iiii'^'^et lorsque ceste guerre a commencé, encore que depuis ilz ayent faict le serment de fidellité et faict congnoistre en toutes occasions la volonté qu'ils ont de me servir et aider à la conservation de madicte ville, et parceque telle poursuitte pouroict tirera conséquence, non seullement pour ceulx <jui ont quiclé le parti de la Ligue pour se remettre au droit chemin, que pour les autres qui auroient volonté de (aii^e le semblable à l'advenir, je vous prie arrester par vostre prudence le cours de telles poursuites, car je n'enlendz auculnement que l'on recherche mes subjectz de faultes qu'ilz ont faictes du temps passé, moiennant que du depuis ilz se soient rangez au debvoir qu'ilz me

doibvent. J'ay aussy apiis que aucuns desiroient la translation du siège d'Auxerre en la ville de La Charité, et que mon cousin le duc de Nevers m'a faict entendre qu'il ne pouroit s'accomoder sans qu'il y eust dispute entre mes ofïiciers , estant La Charité du ressort de S' Pierre le Moustier et non de celluy d'Auxerre ; pultre qu'il crainct que telle nouveauté aportant altération et quelque changement en madicte ville de La Charité, laquelle il a par sa prudence et dextérité très bien conservée en mon obéissance et avec peu de frais de gens de guerre, ainsi que vous mesmes , estant sur les lieux, l'avez peu congnoistre et expérimenter en vostre particulier. Je vous prie m'en envoyer voslre advis; et pendant que vous serez de par delà empeschez que en l'un et en l'autre des affaires susdictes il ne se face aulcune poursuitte qui puisse altérer le repos demesdictz subjectz ny prejudicier à mon service, comme je m'asseure que vous ferez. L'armée du Pape est joincte avec le duc de Lorraine, où le duc du Maine est aussy arrivé ; s'ils entrent en mon Roiaulme , je suis résolu de les combattre. Je pars présentement avec partie de mon armée pour aller voir la leur, laquelle est logée à dix lieues de moy. S'ilz me donnent le loisir d'approcher d'eux , j'espère que ce ne sera sans leur faire sentir ma venue, et selon le succès que Dieu m'en donnera, je vous en donneray advis. Sur ce je prie Dieu, mon cousin, qu'il vous ait en sa saincte garde.

D'Attigny, ce dernier septembre 1591 .

Henry.

POTIEB.

(Port. Godefroy, 26'2, pièce 23^)

1592, 26 MARS. — A MONSIEUR DE SILLERY, CONSEIL- LER EN MON CONSEIL DESTAT ET MON AMBASSADEUR EN SUYSSE.

^^^^j5 oxs"" de Sillery, j'ay a respondre à plusieurs

i\l// ^ de vos lettres, ie v satisferav dan s peu de à^i^^ jours plus amplement, vous faisant ce pendant ceste cy legière pour ne vous laisser plus long temps sans sçavoir de mes nouvelles dont je ne doubte que ce que vous aurez entendu de l'apparence qu'il y a eu d'une prochaine bataille entre deux armées qui ont esté si voisines ne vous ayt rendu l'attente de sçavoir l'issue pénible et ennuyeuse; le propre jour que je la tenois plus certaine parla démonstration que feit le duc de Parme de se vouloir advancer, ce que s'il eust faict, il ne se pouvoit plus desmeler sans combatre fut le commencement de sa retraicte qu'il couvrit par quelque trouppe qu'il poulsa avent la nuict pour nous oster la congnoissance de son desseing et qui s'en retourna aussy tost, nous tenant d'aultre costé en jalousie de Gournay, pour ce que en deslogeant il tourna la teste de ce costé là; mais il se contenta de quelque avantage que les assiégez avaient eu en une sortie qu'ilz avoient faicle sur noz gens qui gardoient les trencliées contre le fort, ainsy que vous aurez peu voir par un sommaire discours qui vous en a esté envoyé, ou pour mieulx dire, de s'en servir pour excuse

de ne se bazarder au combat, encores que les assiégez n'avent senty aultre allégement de sa venue, estant toujours demeuré le siège en Testât qu'il estoit et la ville affoiblie d'bommes et de toutes commoditez; comme j'eus congnoissance qu'il faisoit retraicte, je me mis à le poursuivre , le tenant de si près que plusieurs des siens sont demeurez diverses fois pour marque de la baste qu'il avoit de mettre la rivière de Somme entre deux, qui a esté la borne de ma poursuite , pour m'babandonner de trop loing et par trop longtemps mon desseing d'icy, ou peu de jours après qu'il a eu passé ladicte rivière, je suis revenu, pour continuer l'entreprise de cette ville, comme j'y suis résolu, et y seray beaucoup aydé parle nouveau renfort qui m'est venu de deux mil cinq cens bons soldatz des Pays-bas et oultre que j'attends encores de jour en jour de deux mil Anglois. Ledit Duc ne s'est encores eslogné de ladicte rivière faisant semblant de vouloir assaillir Rue pour me mectre en jalousie de son retour; à quoy il pourroit aussy estre convié par le congé que j'ay donné à la pluspart des trouppes qui m'estoient venues au bruict de la bataille ; mais il y en a une bonne partye qui nesont si eslognez qu'ilz ne se retournent aussy tost icy comme il pourra avoir rassemblé ce qui s'est desbandé de son armée depuis qu'il est au delà de la dicte rivière, mesmes de ses propres forces, et presque de tous- les François qui se sont retirez chacun chez soy. C'est Testât ou sont maintenant les affaires de ce costé et ce que vous aurez de moy, attendant ma première depesche, si ce n'est que d'aultant que vous pourriez estre en peine sur les bruictz qu'on pourroit faire courir d'un voyage que

80 LETTRES IIVÉDITES

mon cousin le comte de Soissons est allé faire premièrement pour voir sa mère qui se trouvoit mal et de là plus avant. Je vous diray que depuis trois ou quatre jours est icy un sien M" d'hostel qu'il a envoyé vers moy, pour me dire de sa part que ayant sceu que ma seur devoit estre bien tost à La Rochelle pour venir par deçà, comme je l'y ay mandé, il s'estoit résolu de l'aller recevoir pour l'accompagner, luy semblant que nul ne le doit précéder en ce devoir, et me prioit de l'excuser s'il ne me l'avoit faict scavoir avant que l'entreprendre, dont je vous ay bien voulu advertir affin que vous scacliez que respondre, si l'occasion se présente d'en parler. Sur ce, je prie Dieu , Mons' de Sillery, vous avoir en sa saincte garde.

Escrit au camp le xwi* jour de mars 1 .592.

Revol,

(Port. Godcfroy, !262, pièce 27".)

1592, a JUIîNTt. — A NOZ AMEZ ET FEAULX LES GENS TENANT KOSTRE COURT DE PARLEMENT TRANSFÉRÉE A CAEN.

oz amez et feauîx. Ayant cy devant considéré que pour tenir la mer libre en la coste de Dieppe et pour empesclier les courses et ravages que pouvoient faire les ennen».iz il estoit neces-

saire cly tenir quelques vaisseaux armez, Nous aurions advisé pour lentretenement diceulx faire une imposition sur les denrées qui arrivent par mer pour estre levée tant aud. Dieppe que en nostre ville de Caen. Et sur lasseiuance de ladite levée, et d'y prendre ledit enlretenement nous aurions faict mettre en mer lesdits vaisseaux qui y aur oient esté très utiles. Mais nous sommes advertiz que au moyen de quelques empeschemens que vous avez donné a ladite levée, lesdits vaisseaux veullent quitter le service qui seroit un grand desadvantage non seulement en noz affaires, mais pour tout le traffic qui se faict en ladite cosle, pour la seureté duquel y estant tous intéressez , il est aussi raisonnable que vous y contribuyez. Pour ceste occasion nous voulons et vous mandons consentir et permettre ladite imposition suivant nos lettres patentes qui en ont esté sur ce expédiées, considérant l'inconvénient qui pealt arriver extrême si ladite coste est abandonnée aux incursions et ravages des dits enneraiz , comme elle sera si lad^ imposition est empêchée, estant le seul moyen de l'entretenement desd' vaissaux.

Donné au camp deClermontle xr jour dejuingl 592.

(* Archives municipales de Caen; original.)

XXXVTI

1S92, k SEPTEMBRE. — A NOZ CHERS ET BIEN AMEZ LES ESCHEVINS ET HABITANTS DE NOSTRE VILLE DE RENNES.

HERS et bien amez, Nous avons tousiours eu tel soing de vous et de nostre province de Bretaigne que Nous n'avons épargné aucuns de nos moyens pour vous conserver ce que vous avez assez méritté par les effects de fidelle debvoir duquel vous avez usé en nostre endroit depuis noslre advenement à cette couronne. Aussi voulions nous continuer aultant qu'il nous sera possible en touttes les occasions qui sen présenteront. C'est pourquoy pour excuser la cbarge que soulloit avoir le feu sieur de la Hunaudaye en nostre province de Bretaigne, Nous avons faict eslection du S*^ de S' Luc comme de celuy que Nous avons jugé le plus a propos pour vos- Ire conservation et peur nostre service. 11 est homme plein de valleur et de mérite, et qui se scaura si dignement acquitter de cesle charge au soullagement de nozbonset fidelles subiectz et à la honte et confusion des rebelles, que vous avez toutte occasion d'en recepvoir entier et parfaict conlantement. Recevez le donc et vous disposez a le recongnoistre et luy obéir en ce qu'il vous ordonnera pour nostre service, suyvant raffeclion que vous avez tousiours monslrée au

bien d'icelliiy, et Nous prierons Dieu qu'il vous ayt chers et bien amez , en sa saincte garde. Escrit au Camp de Provins le qualriesme jour de septembre mil v'iiij" douze.

RuzÉ.