Transcrite de la main de M. deViileroy

^'^C> LETTRES IINÉDITES

craint que vous n'eussiez tel moien de l'exécuter que je sçai que vous le desirez et partant qu'elle portast plus de feuilles que de fruits, non que je me soie oncques deffié de vostre affection , car j'en ai dès le commencement conceutrop bonne oppinion, et vous prie ne doubter point de ce point ; et comme vous me mandez que voz gens sont tous prestz et que vous n'attendez plus que nostre adveu et les canons de Chalons avec les équipages pour vous mectre en besongne, j'ai fect satisfaire à l'un et à l'autre autant qu'il m'a esté possible, car je vous ai envoyé l'adveu du comte Maurice par celui qui l'a apporté , lequel j'estime que vous avez fect partir de S' Quentin, pour m'aller trouver le IX' de ce mois, de sorte que j'estime que vous l'aiez trouvé bientost après m'avoir escript vostre lettre. Je vous ai aussi envoie par vostre homme la depesche nécessaire pour tirer de Cbâlons ou de Langres les pièces d'artillerie que vous avez adjoustées à vostre première demande ; mais je suis très marri que vous ayez esté contrainct de paier celles de Metz, ainsi que vous m'avez escript par vostre lettre ; toutesfois , faicles estât que c'est une despence que vous avez advancée pour mon service de laquelle je veulx que vous soiez remboursé , car il n'est pas raisonnable qu'elle tombe sur vous, puis que je vous avais promis de la porter; doncques avant satisfaire à ce dessein il ne me reste à présent que à vous prier de regarder à si bien enfourner et ordoner vostre dessain que l'issue en soit heureuse; vous asseurant que je recognoistrai le debvoir que vous ferez de sorte que vous et le S"" de Tremblecourt n'aurez regret d'a\oir voué vostre service et vos armes à un prince qui vous estime comme

je faictz; ne pouvant croire que le S-" de Tremblecourt change de volunté, quoi qui arrive, puis que j'ai faict aller tout ce qui a esté en ma puissance; le retardement estant venu de celui de l'advis que nous avons

envoie quérir en Hollande

; partant je vous prie que l'on ne

me impute la faulte d'autrui; mes subjectz ont plus pâti de ce retardement que tous autres , et partant mon service, et me semble qu'il fault en tels cas raectre peine plus tost de prévenir les difficultez et obstacles qm se présentent que de s'en prendre à moi qui ai faict et faictz encore ce qui m'est possible pour les surmonter....

(Port. Godefroy, 262, pièce 102.)

^o95, MARS.

Confirmation faicte par le Roy Henri IV des privile-^es et exemptions accordés par les Roys, ses prédécesseurs, à ceux de Ja ville de Sedan.

^^^ ENRY, par la grâce de Dieu Roy de France ^éki ^* ^^ Navarre, A. tous presens et advenir, ySij'iM salut. Scavoir faisons Nous avoir receu l'humble supplication de nostre amé et féal cousin le

duc de lîouilloii, mareschal de France, prince souverain de Sedan et Jametz, contenant que par previlleges exprès conceddez par nos prédécesseurs Roys, tant à ses prédécesseurs que à ses subjectz du dict Sedan, il leur auroit esté conceddé et octroie pour plusieurs bonnes considérations plusieurs beauv previleges , francbises et exemptions et par exprès de pouvoir faire tirer chacun an de cestuy nostre roiaume la quantité de deux cens muidz de blés, mesure de Paris, et douze cens pièces de vin de Champagne , revenant à huit cens muidz, mesure et jauge de Paris, tant pour la fourniture ordinaire de ses maisons et places dudict Sedan et Jametz, que pour la nourriture et entretenement tant de ses serviteurs dommestiques que des gens de guerre entretenuz esdictes places; avec ce puissance de faire tirer de nostre dict Royaume touttes sortes de denrées et marchandises non prohibées dont ilz pourront avoir besoing pour leurs personnes, de leurs dommestiques et fourniture desdictes places, sans qu'ilz feussent pour ce tenuz paier aucune chose des antiennes et nouvelles impositions, tant du vingtiesme forain, entrée de villes, que des nouvelles et antiennes impositions foraines; à la charge touttes fois que sesdicts prédécesseurs, ou en leur absence, les cappitaines et gouverneurs desdictes places seroient tenuz fournir des certifficatz signez de leurs mains et scellez de leurs armes de la quantité de bledz, vins, qu'ilz feront emmener et voiturer, soit par eaue ou par terre ; cpie ceulz qui les auront en main seront tenuz porter ou envoier en l'ung des plus prochains bureaux ou seront chargez lesdictz bledz et vins. Et pour le regard des autres marchandises, ceulz des

gens de sesdictz prédécesseurs qui les envoieroienl et feroient transporter bailleront leurs certifficatz au porteur et voituriers d'icelluy, qui les mèneront ausdictz lieux, pour sur iceulx certifficatz prandre passeporlz des commissaires eslabliz ausdictz bureau ou de l'un d'eulx, ausquelz estoit enjoinct de les bailler; comme aussy auroit esté permis aux subjectz de nostredict cousin, habitans desdictes terres souveraines, de pouvoir librement et franchement traffîcquer avec nosdictz subjectz es foires et marchez voisins; et que nosdictz subjectz pourroient aussy librement et réciproquement traffîcquer avecq eux et mener esdictes villes el terres souveraines de Sedan et Jametz esdictz jours de foires et marchez touttes sortes de denrées et menues marchandises, et estre tenuz pour ce aucune chose, soit pour entrée ou issue du royaume et menues compositions ou autrement ; et en outre que lesdictz habitans desdictes terres souveraines pourroient librement tirer les grains, vins et generallement tout ce qui vient de leur creu aux terres et fermes qu'ilz ont en nostre royaume et ez envirbns desdictes terres souveraines, sans qu'ilz fussent pour ce tenuz pour aucune chose de quelques sortes d'impositions que ce fussent. Comme aussy les subjectz de nostredict Royaume, qui ont du bien esdictes terres pourroient librement enlever et conduire ce qui viendra de leurdict creu en nostre dit Royaume, sans paier aucune chose; et en outre leur auroit esté promis de pouvoir tirer par chacun an d'icelluy nostredict royaume telle quantité de bledz et vins, poix ou légumes et generallement touttes espèces de marchandises quelconques, pour estre usez et débitiez esdictes terres souveraines

IbO LETTRES I^'ÉDITES

sans fraiilde, en payant toullesfois seullement nioictié de 1 antienne imposition, droictz de resnes et hault passage, selon la reapreciation des marchandises, faict par l'edict du mois de may mil cinq cens quatre vingtz ung; et sans qu'ilz feussent tenuz paier aucune chose de tous autres droictz de nouvelle et antienne imposition, soit d'entrée de villes, yssue du Royaume ou autres imposées ou à imposer et à la charge que lesdiclz habitans n'en abuseroient sur peyne de privation desdictz previlleges, et qu'avant que charger lesdictes marchandises, ilz seroient tenuz de porter à l'ung des bureaux plus proches ou ilz chargeront certifficat de ses prédécesseurs ou des gouverneurs desdictes places ou leurs lieutenans avecq ung des officiers de la justice desdictz lieux, comme ceulx qui voudront faire charger lesdictes marchandises seroient habitans desdictes terres et sans subjectz, et à la charge aussy de bailler caution au lieu ou ilz paieroient l'acquit de rapporter dedans certain temps autre certifficat comme lesdiclz grains, vinâ et autres marchandises auront esté chargez esdictes terres et non transportez ailleurs, sur les peynes portées par lesdictz previlleges, par lequelz auroict esté pareillement permis ausdictz subjectz et habitans desdictes souverainetez transporter audict Sedan et Jametz et autres lieux que bon leur semblera en nostre Royaume et lors de la permission des traictés telle quantité de bledz , vins et marchandises non défendues qu'ilz voudront en payant tous les droictz et impositions pour ce deubz et à la charge que lesdictz prédécesseurs seroient tenuz faire tenir la main par leurs officiers qu'il n'en feusl abusé, et pour cet effet en faire tenir

DE HENRY IV. dSI

registre desdictz transportz et en envoier l'extraict par chacun an au fermier et receveur gênerai desdicts traictés ; et ou lesdictz subjectz et habitans desdictes terres souveraines voudroient aller prandre ou achepter aucunes denrées et marchandises ez terres de noz , voisin et non de nostre obeyssance et qu'en retournant esdictes terres, ilz passent sur les limites et destroictz de nostre Royaume par les escluses et chaussées et passages de Mouzon , ilz auroient esté déclarez exemptz de paier pour cause de ce aucun péage ny imposition, ayant pareillement tenu quictes et exemptz tant ses prédécesseurs que sesdictz subjectz du paiement, imposition et subside, mis sur les marchandises et denrées qui entrent en nostre dict Royaume et qui se trouveront faictes et fabricquées sans fraulde dans les pais, terres et seigneuries de sesdictz prédécesseurs et marqué de leurs armes ou de celles de leurs successeurs , sy elles peuvent marquer, les porteurs et conducteurs seroient tenuz rapporter certifficat desquelz previlleges , franchises , libertez, permissions et exemptions tant nostre dict cousin que ses dictz prédécesseurs et subjectz, manans et habitans desdictes terres ont toujours depuy jouy, plainement et paisiblement, sans aucun trouble ny empeschement ; craignant toutes fois y estre cy après empeschez, tant accause des defferences par nous faictes que pour n'avoir depuis nostre advenement à la Couronne obtenu noz lettres de confirmation nécessaires , humblement requérant icelles. A ces causes, inclinans liberallement à la supplication et requeste qui nous en a esté faicte par nostredict cousin, icelly pour ses causes et ce sesdictz subjectz, manans et

1S2 LETTRES INEDITES

habilans desdictes terres, de iiostre certaine science, plaine puissance et auctorité royal, de nouveau confirmé , donné et octroie , confirmons, donnons et octroj'ons par ces présentes tous et chacuns lesdictz previleges, franchises, libertez et exemptions plus à plain déclarées et speciffiées des lettres qui leur ont esté cy devant expédiés. Et par exprès où ilz ne pourroient faire passer par les limittes des rivières dudict Mouzon, à cause de l'injure du temps, toutes sortes de marchandises, qu'ilz feront venir d'Allemaigne et d'ailleurs suivant leursdictz previlleges , franchises et exemptions ; qu'ilz les puissent faire venir par la ville de Varenne en Loraine et ez environs des limittes desdictes terres souveraines de nostre Royaume aveq les raesmes franchises, libertez et exemptions portées par lesdictz previlleges et tout ainsy qu'ilz en ont cy devant bien et deuement jouy et usé, jouyssent et usent encores de présent. Sy donnons en mandement a nos amez et feaulx les gens tenans nostre Court de Parlement, Chambre de noz comptes , Court de noz aides à Paris et trésoriers generaulx de France establiz ez generalitez de Champaigiie et Picardie et à tous noz lieutenans qu'il appartiendra, que de noz presens, confirmation et contenu ausdictz previlleges, ilz facent, souffrent et laissent nostredict cousin, ensemble sesdictz subjectz, manans, et habitans desdictes terres, jouir et user plainement et paisiblement, sans souffrir ny permettre qu'il y soit contrevenu en aucune sorte et manière que ce soit. Car tel est Nostre plaisir, nonobstant quelzconcques eedictz, ordonnances et lettres à ce contraires. Et affîn que ce soit chose ferme et staljle à toujours, Nous avons faict mettre nostre scel

à cesdictes présentes, sauf en autres choses noslre droict et l'autruy en touttes. Donné à Paris au mois de mars, l'an de grâce mv*^ ini" xv, et de nostre règne le sixiesme. Signé : Henry; et sur le reply : Par le Roy, De Neufville. Et à côté : Visa et scellé sur lacs de soye rouge et vert et en cire vert du grand scel. Registrées, ouy le Procureur général du Roy, aux charges et comme il est contenu au registre de ce jour, à Paris en Parlement le neufiesme may, lan mv* ini" xvi. Signé : Du Tillet.

Collation a esté faicte avecq l'original rendu à I\r Jehan Baillet, greffier au bailliage et siège presidial de Sedan, poursuivant.

(Diipuy, n» 43ii, fo 65, r».)

1595, 12 MARS. —AU S"" D'AUSSONVILLE.

L se parle icy si diversement du progrez de voz affaires et de ce qui se passe au Conté, que j'ai voulu pour en scavoir la vérité envoier

devers vous le S"" de FeuqueroUes auquel j'ai entière fiance , tant pour son affection a mon service que pour son experiance au mestier duquel il faict profession. Partant je vous prie le croire comme si c'estoit moy-mesmes et fier a lui et descouvrir tout ce que

VOUS sçavez importer à mon service et a mes amis, sans oublier ce que vous avez promis pour donner contentement aux Suisses, car c'est un faict que j'ai très a cœur et qui vous importe autant que a nul autre, comme vous dira ledict de Feuquerolles. Sur cela me remettant a

(Port. Godefroy, 262.)