OCTOBRE

Instruction baillée à M. de Lomenie par le Roi l'envoiant en Anifleterre , Tan 1595.

Ê"JC^S ^ ^' ^^ Lomenve, secrétaire d' Estât de Na-

^H^^^ varre, estant depesché par le Roy pour aller 'àr^ÊM trouver la Rovne d'Ânslelerre respondra aux

>pon( de rinstruction du S"^ Roger Willei sensuit.

articles de rinstruction du S"^ Roger Willemes comme

Sur le premier :

Que pour l'esloignement de sa Majesté luy fera entendre que le voyage de sadicte Majesté estoit si nécessaire pour la conservation des provinces de Bourgongne , Lyonnoys , et aultres desquelles Elle s'est approchée, que si elle n'y feut allée lesdicles provinces ne se pouvoient conserver , principallement celle de Bourgongne en laquelle Sa Majesté ne lenoyt que troys ou quatre villes; et ou commençoit à entrer l'armée du Connestable de Castille, quand sa Majesté est arrivée, laquelle par sa prudence et présence a réduit toutes les villes de ladicte province en son obeyssance, et a asseuré les aultres par le moyen des peuples et de

la noblesse qui se sont reduicts a son service, et le bon ordre qu'elle a estably en icelle.

Sur le second :

Fera entendre à la Royne que les faveurs que le Roy a receues d'elle, et l'assistance qu'elle luy a donné en ses affaires es occasions qui se sont présentées depuis son advenement à ceste Couronne , sont si engravées en son esprit qu'il ne luy reste pour son contantement sinon que d'estre continué aux bonnes grâces de ladicte Dame, et que Dieu luy donne le moven de se revanclier de tant de bons offices et courtoisies en occasion qui luy donne contantement.

Sur le troixiesme :

Remonstrera à la Royne de la part de Sa Majesté qu'elle recevroit beaucoup de déplaisir si à l'occasion du secours et forces dont ladicte Dame la ci devant assisté ses affaires en avoyent receu aucun préjudice, et son peuple telle incommodité comme il a esté représenté de la part de ladicte Dame, laquelle considérera, s'il luy plait, que les forces et favorables services dont elle a cy devant assisté Sa Majesté, ayant esté employez contre les Espagnols et leurs adherens, ennemys communs de leurs Royaulmes, ladicte Dame ne peult qu'elle n'ayt participi)é au fruict (|ui est provenu, ayant esté les progrès et desseings desdicts ennemys interrompus par le moyen desdictes forces.

Sur le (juatriesme :

Reprenant le contenu de cest article fera remonslrer

de la part de sa Majesté à ladicte dame Royne que s'est à son grand regret qu'elle n'a peu entièrement nestoyer les provinces les plus proches de son Royaulme; toutesfoys qu'ayant reduict la Normandie à son obeyssance, elle n'esperoit pas moings faire en la Bretaigne, si après les conquestes et heureux succez qu'eut feu Mons^ le Maresclial D'Aumont l'année dernière en la basse Bretaigne , ladicte Dame n'eut revocqué ses forces, qui fut cause d'arrester le cours des progrez que prenoyent les affaires de Sa Majesté audict pays; lesquelles se pourront en peu de temps terminer par un heureux repos, quand il plaira à ladicte dame Royne envoyer audict pays pareil secours qu'elle a faict cy devant.

Et pour le regard de ce que les ennemys ont garigné sur la frontière de Picardye, sa Majesté se promet, avec l'ayde de Dieu et assistance de ses amys, de remettre bien tost en son oijeyssance et entreprendre sur le pays des ennemys; pourveu que ladicte dame Reine veuille envoyer promptement un bon secours à sa Majesté, laquelle elle employera si utilement que le fruict en sera commun à Leurs Majestez; lesquelles par la continuation de leur bonne inteligence et correspondance et par l'union de leurs forces pourront non seullement s'opposer et rompre les desseings de leur ennemy commun , mais entreprendre sur luy si advantageusement que leurs Estats et Royaulmes en demeureront davantaige asseurez, avec contanlement de leurs peuples et subjects ; en quoy sa Majesté n'espargnera rien de ce qui sera en sa puissance pour assister ladicte dame Royne en tout ce qui sera pour son contantement et la conservation de tout ce qui est de

172 LETTRES IlSEDITES

sa domination, s'asseuranlSa Majesté queladicte Dame sera tousjours bien ayse que sadicte Majesté conserve tout ce qu'il a pieu a Dieu mettre soubs son obeyssance comme sadicte Majesté se promect de faire.

Et si ladicte Dame parle de Calais comme elle en avoit chargé ledict S"^ Roger Willemes, ledict S"^ de Lomenye luy fera congnoistre que Sa Majesté ne se peult persuader qu'il soyt tumbé en son esprit de demander ladicte ville de Calais, laquelle Sa Majesté n'aura moings de soing de conserver, comme elle sera toujours preste de s'employer en faveur de ladicte dame Koyne en ce qui pourra servir à son contantement et à la conservation de ses subjects.

Et encores que leurs antiennes alliances les oblige assez à ceste mutuelle correspondance, neantmoings sa Majesté jugeant que leur inteligence ne peult estre tropt estroittement liée, aussy qu'il seroit besoing par une conférence de lever les umbrages qui peuvent estre intervenus et par mesme moyen adviser à tout ce qui peult servir aux affaires communes desdicts Royaulmes :

Sa dicte Majesté trouve bon que ledict S"" de Lomenye propose à la dicte Dame d'envoyer ses depputez en quelque lieu commode ou se trouveront aussy ceulx de Sa Majesté, pour conférer des affaires communes desdicts Royaumes et adviser ce qui est à faire non seullement pour s'opposer aux desseings de leur ennemy commun, mais pour entreprendre ce qu'il sera jugé estre à propos pour le bien desdicts royaulmes. Sur quoy ledict S"^ de Lomenye asseurera ladicte Dame que Sa Majesté sera tousjours disposée pour y apporler tout ce qui deppendra d'elle, et en quoy elle

estimera pouvoir donner contantement à ladicte

Dame.

Et si la Royne a agréable que ladicte assemblée se face, ledict S' de Lomenye sçaura dans quel temps ladicte dame pourra envoyer ses depputez, et conviendra du lieu de ladicte assemblée avec ladicte Dame , soit à Calais, Abbeville, Dieppe , Sainct Valéry ou le Crotovs. Toutesfoys sa Majesté desireroit que ce feut à Abbeville parcequ'elle en estant proche elle pourra plus commodément faire entendre à ses depputez sa volunté.

Et d'aultant qu'il se passera beaucoup de temps avant que lesdicts depputez s'assemblent et que la resolution soit prinse sur les affaires qui se mettront en avant et que cependant beaucoup d'occasions se peuvent offrir d'employer les forces de sa Majesté , soyt pour la conservation de Cambray ou aultres importantes au bien des affaires de leurs Majestés dont il pourroit reuscir beaucoup de fruict , si sa Majesté estoit assistée des forces de ladicte dame Royne , ledict S"" de Lomenye la pryera instament d'envoyer ce qu'il luy plaira de ses forces ; lesquelles sa Majesté employera en ce que ladicte dame jugera estre le plus utile pour le bien de leurs dicts Royaulmes ; et si ladicte Dame est en ceste volunté, ledict S"" de Lomenye fera instance à ce que lesdictes forces soyent envoyées promptement, et donnera incontinent advis à Sa Majesté de la volunté de ladicte Dame.

Faict à Paris le v' jour d'octobre 1 595.

Henry.

Potier.

(Fonds Dupuy (copie), 1S2, f" H2, t°.)

159o, 30 OCTOBRE. —AUX ESCHEVINS ET HABITANS DE SAINT-QUENTIN. ^

HERS et bien amez. Sur la résolution que j'ai prise d'avoir mon armée à l'entour de La Fère, ayant entendu que le sieur De la Corbinyere auroit besoin d'estre secouru de quelque bled dont il vous a parlé, je vous prie lui en faire aide de ce qu'il vous demandera et au besoin vous asseurant qu'il vous sera par luy payé ou rendu, l'affaire que j'ai entreprise vous asseurera de votre repos, je ne vous en ferai aucune i^ecommandation.

Fait au camp de Beauvays le 30 S"""' 1 595.

Heîvrt,

(* Archives municipales de Saint-Quentin, original.)