MARS

Extraict d'une lettre du Roy à Monsieur de Rennes.

T quant aux poursuittes que font ceulx de la religion prétendue reformée dont vous es-

^ crivez que sa Saincteté est en peyne et vous

a commandé d'escrire par deçà , vous la pouvez asseurer que celle que j'en reçois surpasse toutes les aultres, d'autant que je ne les puis contenir et contenter comme je desirerois ; la suppliant de croire que je n'ay aucune envie de faire chose qui luy desplaise, ny en ceste occasion ny en aultre, et que j'ay tel seing que je doibs avoir de la conservation de la religion catholique et de l'observation des promesses que je luy ay faictes; mais , comme il n'y a personne qui soit plus intéressé en ceste affaire que moy je suis aussy plus empesclié à y pourveoir que nul aultre. Le party de ceulx de ladicte religion est en mon royaume aussy puissant que jamais, tant pour les villes et places qu'ils occuppent en toutes les provinces d'icelluy, qui sont à grand nombre et des mieux fortiffiées, que pour l'appuy et support qu'ils tirent encores de mes voisins. D'avantage ils sont fomentez, tant par aucuns catholiques, qui redoutent la lumière de la justice que l'on

doibt espérer de restablissement de la paix générale, que par l'exemple de ma debonnaireté et libéralité envers ceulx de la Ligue; car il y a des gens parmy eiilx qui abondent bien autant en ambition qu'en religion, lesquels abusent de la simplicité des aultres et se veulent prévaloir des nécessitez et affaires que j'ay sur les bras, a quoy leur sert plus que je ne voudrois les rigueurs et diffîcultez desquelles ont usé les parlements à la publication de l'Edit de l'année 1577, et les animositez et passions qu'aucuns manifestent encores journellement contre eulx ; car vous sçavez que la deffiance est la nouricede toutes factions, à laquelle ceulx de ladicte religion sont d'autant plus enclins qu'ilz y ont esté instruits à leurs despens de trop longue main, dont ils auioient commencé à perdre l'usage à mon advenement à la Couronne; mais la venue en ce royaume du légat de nostre sainct Père le Pape leur en ont faict reprendre la praticque à la suscitation d'aucuns, tant de leur religion que aultres qui ne sont encores las de troubles; Testât à quoy il fault que je remédie avecq prudence et patience pour esviter pis et ne me cbanger d'affaires; car j'ay en teste un ennemy qui me donne assez d'exercice pour m'occuper entièrement, comme cliacun sçait, sans m'en attirer d'autres sur les bras; et connue il n'a faict conscience au temps du feu Roy de me faire offrir argent et forces pour me deffendre de luy lors que j'estois assailly de toutes parts aveccj ceulx de ladicte religion, comme il n'a faict de faire la trefve avecq le Turc, pour pouvoir mieux troubler la France et poursuivre ses desseings ambitieux, je sçay qu'il faict encores ce qu'il peult pour alluQier un nouveau feu eu mon royaume par le

moyen clesdits catholiques qui se brouillent avecq ceulx de ladicte religion ; mais j'espère que Dieu me fera la grâce d'y donner sy bon ordre qu'il y perdra l'argent et les inventions qu'il y employera ; mais sy pour ce fait j'estois contrainct d'accorder à ceulx de ladicte relligion quelque chose de plus que ce qui est porté par ledict Edict de l'année 1 577, je désire que Sa Saincteté croye que je le feray pouresviter un plus grand mal et pour favoriser et fortiffîer la religion catholique , d'autant que je le feray pour contenter et rasseurer le gênerai de ceux de ladicte relligion, et en ce faisant renverser plus facilement les desseings desdicts ambitieux et factieux, lesquels font ce qu'ils peuvent pour désespérer les aultres de ma protection et les irriter contre les catholiques qui vivent encores en grand nombre dedans les villes qu'ils occupent, dont ils les eussent desjà chassez sy je ny eusses remédié, comme j'ay faict; au moyen de quoy vous supplierez sadicte Saincteté de prendre en bonne part tout ce que je feray et ordonneray pour ce regard, se confiant en la foy que je luy ay donnée et en ma droicte intention. A quoy il fault qu'il considère que je ne puis manquer que je n'offence Dieu et n'en reçoive plus de mal que personne ; car je scay bien que mes ennemys dedans et dehors mon Royaume triompheroient à mon très grand dommage, s'ilz avoient sur moy l'advantage de ce reproche, duquel j'espère que l'intégrité de mon intention et la bonté de Sa Saincteté me garentiront avec l'ayde de Dieu.

.le joindray icy la responce aux propos que nostre Sainct Père a tenus d'une suspension d'armes avecq le Roy d'Espagne, et à ceux du Cardinal Saint Georges ;

et VOUS diray que comme je n'envie point le bien d'autruy et ne fais la guerre que pour recouvrer celuy qui m'appartient, il ne fault user d'aultres raisons pour me disposer à la paix que de persuader à mon ennemy de me rendre et laisser ce qu'il a usuipé sur moy et me détient injustement. Partant sy Sa Saincteté peult gaigner ce poinct sur luy, qui est accompagné de tant de justice, qu'il me semble qu'Elle n'en doibt estre esconduite, vous la pouvez asseurer qu'Elle disposera tousjours de moy comme elle voudra pour mettre en paix la Chrestienté , car je luy porte tant d'honneur et de respect et ay sy avant esprouvé sa bienveillance que non seulement je me fieray du tout en Elle, mais me laisseray conduire entièrement à ses bons conseils; vray est que j'ay sy bonne opinion de son equanimité et prudence que je ne croiray jamais qu'Elle me conseille d'babandonner à mon ennemy, outré d'ambition, mes places et mes amys, comme je ferois par une suspension d'armes telles qu'elle a esté proposée ; car elle ne serviroit que pour luy faciliter le moien de me nuire et parvenir à la monarchie qu'il s'est figurée ; et n'en raporterois que honte et dommage. J'ay encores, grâces à Dieu, assez de forces, de courage et d'amis, voire trop de moien de me deffendre de mon ennemy et l'endommager, pour accepter ce party. Véritablement mon auctorité n'est encores sy asseurée en mon Royaume que je desirerois et seroit nécessaire pour estre aussy utile à mes amys qu'ont esté anciennement les Roys mes prédécesseurs; mais tant s'en fault qu'un repos acquis avecq honte me servist à remettre les choses en meilleur estât, qu'il remplieroit mon royaume de confusion et de discorde

plus grande que jamais, car rien ne conserve l'auctorité des Princes que la réputation , spécial! ement en ce royaume composé de noblesse qui fait profession d'honneur et de mespriser son sang pour en acquérir. J'ay de nouveau engaigé ma foy et promis à la Royne d'Angleterre et aux Estats des Provinces Unies des Pais bas de joindre mes forces aux leurs pour tous ensemble nous opposer à la violence des armes du Roy d'Espagne. Comment pourrois-je traicter avecq luy à leur dommage, suivant la proposition qui vous a esté faicte, mais seullement deffaillir d'un seul point à ce que je leur ay promis, sans manquer à mon debvoir et à ma foy et à mes propres affaires? Je ne sçache point que l'on sceust trouver de prétexte assez suffisant pour collorer une telle lascheté et perfidie; mais quand il seroit autrement j'aymerois mieux perdre la vye que de m'en avder; j'ay tousjours eu en mes affaires plus de fiance en Dieu qu'en la force et industrie des hommes, dont je me suis très bien trouvé; et comme sa justice divine est infaillible je ne croiray jamais qu'elle favorise une desloyauté sy manifeste que seroit celle que je commettrois si j'habandonnois maintenant mesdicts amys et alliez pour accommoder mes affaires. D'avantage tant s'en fault que j'en receusse aucun proftit que j'en avancerois ma ruyne et filerois la corde avecq laquelle les Espagnols m'estrangleroient après plus facillement ; car s'ils avoient conquis l'Angleterre, il fauldroit que les Estats des Provinces Unies des Pais bas receussent d'eulx tost après telle loy qu'ils vouldroient; quoy advenant, qui pourroit résister à leur puissance ? Et de dire que le tiers qu'on prétend establir Roy en Angleterre auroit ses intherests à part

qui le rendroient bien tost neutre entre le Roy d'Espagne et mov, cest chose bien doubteuse : car il est à présumer que la nation angloise qui est belliqueuse et puissante sera plus difficile à dompter que l'on ne presupose, de sorte que ce Roy là aura longtemps besoing de celuy qui l'aura introduict, du costé duquel à ceste cause il penchera tousjours plus tost que d'un autre; mais ({uand le Roy d'Espagne ne tireroit de ceste conquesle ou entreprise d'Angleterre aullre advantageque de m'avoir osté l'assistance dudict pais, faict manquer à ma parole et se faire congnoistre de Hollande et Zellande, seroit-il pas bien rescompensé de toutes ses peynes et mov de mon impudeur et perfidie, si je le laissois faire. Mon espée et ma foy, après la grâce et bonté de Dieu, m'ont rerais la Couronne sur la teste, que mes ennemys par leurs corruptions et séductions avoient fort esbranlée, il fault que l'une et l'autre l'y maintiennent et asseurent et que je perde plustost la vie que de finir la guerre autrement qu'avec honneur, comme je l'ay commencée et poursuivye jusques à présent; mais c'est s'abuser grandement de penser que l'Angleterre soit sy facile à subjuguer que l'on en discourt par delà ; elle est puissante d'hommes d'obéissance, d'argent et de vaisseaux de guerre, mesmes estans unis avecq les Estats des Pais bas, comme elle est, je ne diray assez pour se deffendre, mais qui plus est, pour assaillir et battre ledict roy d'Espagne avecq ses trésors , comme il a esprouvé depuis l'an Mv'nii" vHi jusques à présent. Et fault que Sa Saincteté croye que ladicte Royne n'attendra en son pais les forces dudict Roy; mais que ce sera tout ce qu'il pourra faire avecq ses vanteries et moyens de se garen-

tir et les siens des assauts qu'il en recevra. Sy Sa Saincteté veult mettre la Chrestienté en paix comme Elle monstre et croy qii'Elle a envie de faire, il ne fault pas qu'Elle clierche les moiens de favoriser les desseings dudict roi d'Espagne au préjudice de ses voisins, il n'est jà que trop puissant et enflé de grandeur et convoitise du bien d'aulruy ; il a besoing d'un contrepoids qui serve de tenir la balance esgalle et à contenir dedans les limittes de la raison et justice ses conceptions. Mon honneur et mon propre bien m'obligent à ne poser jamais les armes que je n"aye recouvré le mien qu'occupe injustement ledict Roy d'Espagne, et le sien, avecq le péril que court sa Maison du costé de Hongrye, luy debveroit faire recongnoistre la raison et borner ses desseings. Si je fais doncques ce que je doibs et que ledict roy d'Espagne y manque de son costé, comme il faut que Sa Saincteté se prenne à luy des calamitez publicques, car il en est la seule cause, comme il esprouvera bientost, si Elle peult obtenir de luy qu'il se mette à la raison et me restitue ce qu'il a pris sur moy ; mais je désire que Sa Saincteté sçache que je ne feray jamais paix ni trefve avecques luy qu'il ne se soubsmette à ce devoir, quoy qu'il en puisse arriver. La suppliant trouver bon que je conserve mon honneur et mon Royaume entier pour faire service au Sainct Siège et à la Chrestienté, sans céder à l'audace de mon ennemy qui se baigne en la ruine d'un chacun pour assouvir son ambition. Si je voulois qu'il acceptast de moy la paix, aux despens de ses Estats. Sa Saincteté auroit occasion de se plaindre de moy et de m' attribuer la division de la Chrestienté ; mais mon but est tout aultre : je ne demande que le

224 LETTRES IISÉDITES

mien et que chacun soit conservé en ce qui luy appartient; partant sy l'Empereur faict la paix avecq le Turc ou s'il continue à perdre en la guerre contre luy et que la Chrestienté en pâtisse en quelque sorte que ce soit, que Sa Saincteté en accuse l'oppiniastreté dudict Roy et qu'il luy plaise favoriser la justice de ma cause, sans prester l'oreille plus avant à toutes propositions que mes amys et alliez n'y soient comprins et que mes places ne me soient rendues ; car oultre que c'est temps perdu d'espérer que j'y entende à aultres conditions, le bruit de telles recherches porte grand préjudice à mes affaires : car mes ennemis publient par tout que j'en suisl'autheur, affin de mettre en deffiance de moy mes amys et alliez et par ce moien nous diviser ; faisant cependant traicter soubs main avecq eulx pour les pratic(|uer-, au moien de quoy vous supplierez sadicte Saincteté de ma part de se contenter d'estre esclarcye et asseurée de ma volonté en cest endroit, comme j'auray à plaisir qu'Elle le soit par raondict cousin le duc de Piney et par vous, qui est que j'entendrois volontiers à un bon accord avecq le roy d'Espagne par son bon advis, quand ledict Roy d'Espagne par son bon advis, fera de son costé ce qu'il doibt pour y parvenir.

Le S' Jacob est revenu icy de la part du duc de Savoye : il dit que son maistre est content suivant l'offre que j'en ay faicle de remettre nos différends au jugement de nostre Sainct Père, pourveuque Sa Saincteté arbitre seullement quelle sera la recongnoissance du droit de souveraineté (jue je retiendray au marquisat de Salusses, sans prendre plus grande congnoissance du traicté projecté entre nous, qui est une condition

que je n'ay pas delliberé d'accepter, car je n'ay jamais entendu délaisser audict Duc ledict marquisat en propre avecq la rétention de ladicte souveraineté, ny aultrement, qu'à condition qu'il feroit pour moy et pour mes affaires ce qui avoit esté proposé entre nos députez et m'avoit depuis esté confirmé de. sa part par le président Rocliette ; de quoy ledict Duc s'estant voulu desdire depuis , c'est ce qui a accroché nostredict traité; et sur quoy j'ay dict estre content me remettre d'icelluy à l'advis et jugement de Sa Saincteté. vOr, maintenant il présuppose que je luy ay laissé ledict marquisat, et qu'il n'est plus question que de juger le poinct de ladicte souveraineté, de la forme de laquelle encores veult il encores que je convienne et accorde avecques luy devant que de nous présenter à sadicte Saincteté ; et mesmes que je face le semblable des terres de Cental, Doncourt , et Roques Pernière qu'il entend retenir avecq ledict marquisat , combien que ce soient terres séparées d'icelluy, encores qu'elles ayent esté comprises quelques fois au gouvernement dudict marquisat, mais qui appartiennent à aucuns de mes subjects et sont du ressort du parlement de Provence et non de celuy de Grenoble auquel ledict marquisat ressortit ; disant qu'il m'en veult rescompenser, mais en estre d'accord avecques moy devant que nous allions à Sa Saincteté. Enfin il veult que je divise ceste négociation; que je luy accorde dès à présent ce qu'il demande au principal, et qu'il se rapportera au Pape de l'accessoire. Par où il faict clairement congnoistre qu'il ne veult que me tromper et en asseurant ses affaires me fermer entièrement le passage d'Italie, en me spoliant de ce qui m'appartient pour mieux favoriser

les (lesseings de son beau père contre lequel il avoil esté proposé par nos députez et promis par les siens, et depuis confirmé de sa part par ledict président Rocliette, qu'il prendroit les armes avecq moy pour empescher le passage par ses pais aux gens de guerre dudict roy d'Espagne; qu'il envoieroit cy après en Flandres ou ailleurs pour me faire la guerre , comme il faict tous les ans ; à quoy refusant à présent de s'obliger, mon intention n'est pas aussy de luy cedder ledict marquisat pour la rescompence qu'il en offre , car au lieu de recepvoir commodité en mes affaires, je ferois une chose honteuse qui favoriseroit et fortifieroit plustost celles démon ennemyque aultrement; d'autant qu'il auroit ledict passage d'Italie en mon royaume libre et j'en demeurerois privé.

Davantage ledict Duc pourroit assister et secourir plus commodément ledict roy d'Espagne soubs main et aultrement de forces et moiens de ses pais qu'il n'a faict jusques à présent, par ce qu'il seroit hors de toute crainte de recepvoir mal en moy, privé de moien d'en prendre revenche sur luy; ce qui est ung marché que je n'av pas delliberé d'approuver ; de sorte que si ledict sieur Jacob ne faict des ouvertures plus raisonnables il s'en retournera sans rien faire; mais j'auray au moins ce contentement en mon âme de m'estre mis en debvoir de sortir desdicts différends par voye amiable et qu'il n'aura tenu qu'audicl Duc que nous n'ayons esté bons amys, allyez et voisins. Or, je croy en vérité que Dieu permet que les choses prennent ce chemin pour mon bien, car ledict duc de Savoye faict sy peud'eslatde l'observation de sa foy, que comme je fais profession d'en user aullremenl, sans doubte,

sy je m'y confiois, je serois en danger de m'en trouver très mal. Vous direz toutes choses à Sa Saincteté et en informerez ledict duc de Piney, afin qu'il en puisse repondre quand il en sera besoing ; ne doublant poinct que ledict duc de Savoye et ses ministres ne desguisent et despeignent cette négociation par de là d'une autre couleur; mais celle qui est composée de la vérité sera tousjours la plus forte et effacera toutes les aultres avecq le temps. Voyant les choses en tels termes, je suis près à donner le meilleur ordre à la deffence de ma frontière du costé dudict Duc de Savoye ; pour ce faire je renvoyé présentement en Bourgogne mon ousin le mareschal de Biron, et en Daulphiné celuy d'Ornano et M' Desdiguieres , car nostre trefve doibt finir à la fin d'apvril , et sçay que ledict Duc de Savoye s'arme tant qu'il peult , et davantage que les Espagnols hastent aussy leurs levées d'Ytalye, afin de les faire passer en Bourgoigne devant que ladicte trefve expire, pour tirer le proffit et advantage des ruzes dudict Duc de Savoye, et des dillations dont il a usé en ceste négociation ; à quoy je m'opposeroy de tout mon pouvoir. Vous informerez donc ledict duc de Piney de toutes ces choses, luy faisant Yeoir la présente , et ferez sur cela les offices convenables envers nostre sainct Père et mon cousin le cardinal Àldobrandin , en la bonne vollonté duquel j'ay ma principalle fiance auprez de Sa Saincteté.

Vous congnoissez Camille de La Croix qui est à Venise; c'est un vieux serviteur de ceste Couronne qui est demeuré pauvre et mal recongneu de ses services et de sa fidellité, à cause des guerres civilles , de sorte

qu'il n'a quasi de quoy se substanter en sa vieillesse ; je voudrois qu'il pleust à Sa Saincleté liiy donner un bénéfice ou une pension de trois cents escus de revenu par an sur quelque abbaye vacquante de TEstat de Venise d'où il est, pour luy ayder à vivre. J'estime que Sa Saincleté ne m'esconduira de ceste grâce pour ce pauvre homme ; parlant diles de ma part à mon cousin le duc de Piney qu'il luy en face la requeste et l'assistez en icelle de façon qu'elle luy soit accordée et vous me ferez service très agréable.

(Fonds Dupuy, n» 212. Fo 23, R".)

1597, 1 IMAI.

Réponse qui fut baillée de la part du Roy à Mess" de l'assemblée de Sauinur.

?^^®^ A Majesté ne peult adjouster aulcune chose à ^'i^^-N^ ce qu'elle a cv devant accorde sur le faict de ^yy^ la Religion sur laquelle Elle c'est ja eslandue en leur faveur autant que le bien de son service et Testât de ces affaires le peult permettre ; aussy ont ilz grande occasion de contentement, veu que, oultre les villes et aultres lieux quy leurs sont dellaissez pour y continuer l'exercice public de leur dicte Religion, en-

cores qu'il ne leur feust perrays par l'esdit mil v" soixante dix sept, Elle leur donne de nouveau ung lieu en cbascun des anciens bailîages pour y faire publicqueinent l'exercice de ladite Religion quy est double ce qu'il leur estoyt accordé par ledit esdit ; et quant au petit fief, le nombre de personnes quy s'y pouvoient assembler pour y faire l'exercice de ladite Religion y est triple ; joinct qu'en sa suytte et es armées ilz savent comme ilz ont esté et sont encores favorablement traictez.

Pour le reguard de la Justice, Sa Majesté se contente de composer une Cbarabre de Justice des Presidens et Conseillers du Parlement de Paris des plus modérez et dont ceulx de ladite Religion conviendront pour fere resyder ladite Chambre en la ville de Tours, ou aultre que Sa Majesté advisera sur la rivière de Loyre, ou seront traictés et desidez les procès de ceulx de ladicte Religion des Parlementz de Paris et Rouen.

Ceulx de ladite Religion quy ne vouldront evocquer des Parlementz de Paris et Rouen pourront recuzer deux de leurs juges sans déclarer les causes de leur récusation.

Que ceux de ladite Religion pretandue reformée quy seront proveuz {sic) d'offices seront receuz audit Parlements, comme il est porté par l'esdit, et ou ilz en feroient refuz ou difficulté, qu'il seront receuz en ladite Chambre de Justice et sy elle en fesoyt aussy reffus Sa Majesté les fera recepvoir en son Conseil ; et vauldront lesdictes réceptions faites en ladite Chambre de Justice ou audit Conseil comme sy elles estoyent faictes dans lesdicts parlements.

Sy ceulx de la province de Poytou ou pays d'Onyz

230 LETTRES IISÉDITES

désirent estre joincts à la Chambre m\ partye de Guyenne Sa Majesté le leur accorde, pourveu qu'en ce faisant les choses demeurent pour le reste desdicts parlements de Parys et de Rouen en Testât qu'elles sont à presant.

En attandant que la Chambre my-partye quy est accordée pour la Guyenne soyt establye , Sa Majesté donne surceance à ceux de ladite religion de ladite province , pour troys moys pour la décision de leurs procès.

Quant aux garnisons, Sa Majesté accorde la somme de soixante mille escus pour le paiement d'icelles; desquelles Testât sera faict par Sa Majesté (jui faira tousjours bonne considération sur Tadvis qui luy sera donné par lesdits de la Religion prêt, au resor du département d'icelles.

Si lesdits de la Religion se veulent contenter de la parolle de Sa Majesté , Elle leur promectra continuer Tentretenement desdites garnisons pour six ans ; mais s'ils veulent avoir ladite promesse par escrit. Elle ne la leur peult bailler que pour deux ans seulement.

Sa ^Majesté accorde aussi jusques à quarante mille escus pour le payement des ministres , montant avec la somme accordée pour les garnisons, à la somme de deux cents mille escus, qui leur seront assignés sur les receptes et tabliers ou seront lesdites garnisons. C'est tout ce à quoy Sa Majesté se peult estendre, et partant se resoult de ne mectre plus cest affaire en aucune délibération et veult qu'il se termine à ceste fois, sans plus y retourner; en estant la h^ngueur plus grande cl l'incertitude très incommode à ses affaires,

comme ils pourront veoir par les coppies des lettres du due de Mercur qui ont esté interceptés, et le grand fondement qu'il faict de fortifFier son parti de la poursuitte que font ceulx de ladite Religion et des ampliations qui leur pourroient estre accordées.

Sa Majesté désire, faisant ce que dessus, que les ordonnances qu'ilz ont faictes en leur assemblée pour arrester ses deniers soient révoquées et qu'au plustosl que faire se pourra ils se retirent chascun en sa province pour luy rendre le servisse qu'ils luy doivent , sans plus tenir aucune forme d'assemblée, ou de conseil gênerai, soubs quelque prétexte que ce soit pour en estre la conséquence trop grande, d'autant qu'à leur exemple les Catholiques en vouldront faire de mesmes, comme ils sçavent que les projects sont desja tous prêts et commancés.

(Fonds Dupuj , 618, f» 14, r».)