G OCTOBRE. — AU DUC DE LUXEMBOURG

( ON cousin , Le 20'" du mois passé je vous ay 0 escript quel a esté le succez de l'entreprise faicle par le cardinal Albert pour secourir ma ville d'Amyens et la capitulation qui s'en estoit ensuivie avec les assiégez suivant laquelle ilz sont sortis de ladicte ville le vingt cinquiesme et les ay faict conduire en lieu de seureté, sans qu'ils ayent perdu aucune chose, tant je suis religieux observateur de ma foy. Depuis j'ay faict faire monstre à mon armée et me

DE HETSRY IV. 239

suis advencé jusques icy, ayant sceu que ledict Cardinal estoit encores avec la sienne près d'Arras, voulant prendre revanche , s'il m'est possible, des maux que ïuy et les siens ont faictz en mon Royaume en ce dernier voyage, où ilz ont bruslé plusieurs villages fort inhumainement.

Le vingt deuxiesme j'ay receu vostre lettre du vingt sixiesme aoust, et le vingt sixiesme Valerio est arrivé avec le duplicata de celle du dixiesme. Vous vous plaignez de ne recepvoir assez souvent de mes lettres , mais je reçois aussi rarement des vostres , et toutes fois il n'est besoing de les envoyer par gens exprès , comme vous m'en avez faict tenir trois depuis que vous estes par delà, si le subject d'icelles ne le mérite; car ceste despence est grande en ceste saison que j'ay tout besoing de mes pièces pour faire la guerre. J'ay pour cela dressé l'ordinaire pour lequel j'ay envoyé par delà ledict Valerio duquel je vous prie vous servir doresnavant, sans me charger de nouveaux fraiz , s'il n'est nécessaire.

Le General des Cordeliers a eu diverses avantures en ces derniers voyages. Il rapporta de Bruxelles sur la responce que je vous ay escript par ledict Valerio , que j'avois faicte à sa proposition, que ledict cardinal Albert ne pouvoit gouster ny accorder la trefve^ en me rendant Amyens, ayant considéré que il luy estoit plushonnorable de le perdre par force que de le rendre à telle condition ; ledict General proposant de rechef, à l'instance dudict Cardinal de la déposer entre les mains de sa Saincleté, pour à quoy m'induire, il me représenta la venue dudict Cardinal avecq son armée qu'il faisoit très forte, qui estoit une raison qui estoit

plus propre pour m'en dissuader que autrement , comme je luy feis dire par le sieur de Villeroy, par ce qu'estant lors au fort de mon siège je ne peuz parler à luy. Il prit conseil d'aller à Paris pour en conférer avec Monsieur le Légat. Durant ce voyage ledict Cardinal assembla son armée et commancea à s'advencer. Au mesme temps arriva un religieux de l'ordre S' François venant d'Arras qui dict qu'il apportoit pouvoir audict Père General de conclure le traicté de la reddition de ladicte ville d'Amyens ; avecq quoy il nous annoncea toutesfois la venue dudict Cardinal pour la secourir, qui estoient deux effeclz contraires. Ledict Père General estoit à Paris, lequel en estant adverti s'achemina incontinaut devers ledict Cardinal par le chemin de Peronne, sans passer par mon armée, d'autant que je luy avois faict dire que ses allées et venues, sur le bruict d'une bataille à quoy il sembloit que le Cardinal fut résolu, me prejudicioient, tant envers mes allyez qu'à l'endroit de mes subjectz. Ledict Père Gênerai ayant donc pour ceste considération pris ledict chemin de Peronne pour joindre l'armée dudict Cardinal par le derrière, il advint qu'il tomba en une embuscade de Carrabins de mon armée qui s'estoient mis à la veûe de celle de l'ennemy, ou il fut arresté et amené au quartier de mes chevaux légers. Ce fut le jour mesme que ledict Cardinal se présenta et fit ^on effort pour secourir ladicte ville d'Amiens ; de sorte qu'estant avec toute mon armée en bataille pour l'en empesclier, comme Dieu me fit la grâce de faire, cela fut cause que je ne fus adverti qu'au soir bien tard de la prise dudict General , devers lequel j'envoyay le l'andemain au poinct du jour ledict sieur de Villeroy,

DE HEiNRY IV. 24i

tant pour luy dire le desplaisir que j'avois receu de Taccident qui luy estoit arrive, que pour le faire délivrer et le faire conduire à Dourlens ou là où il voudroil aller. Alors les deux armées estoienten présence et comme ledict General voulut encores aller joindre celle dudict Cardinal par le derrière pour esviter la teste de l'une et de l'autre, ayant avec luy un de mes trompettes, passant contre la haye d'un village, il fut de rechef assailly des volleurs et paysans à coups d'harquebuzades dont mon trompette fut tué et ledict General se sauva à course de cheval, seulement celuy de ses religieux qui portoit sa valize fust arresté par ces volleurs , qui l'ont depuis relasché , comme j'ay entendu; dont ledict General me donna advis deux jours après par une lettre qu'il escrivit audict sieur de Villeroy, par laquelle il luy mande qu'il avoit trouvé ledict Cardinal aussi disposé d'entendre à la paix qu'auparavant, mais qu'il ne se vouloit laisser entendre des conditions d'icelîe que par un abouchement de noz députez. Sur quoy je luy feis responce par ledict S"^ de Villeroy qu'encores que les assiégez d'Amyens eussent depuis la retraicte dudict Cardinal capitulé , j'eslois neantmoins plus désireux de la paix que devant , suivant l'asseurance que je luy avois toujours donnée de ma volonté, après que Dieu m'auroit donné ceste victoire, comme celuy qui en ceste action tant importante au bien publiée) de la Chrestienté voulois moins qu'en toutes autres me gouverner par accident, comme avoient tousjours faict mes ennemis; partant je luy declarois estre prest de faire trouver ledict Sieur de Villeroy où il seroit advisé pour traicter de ladicte paix; pourveu que je feusse asseuré que ledicl Cardi-

242 LETTRKS INEDITES

liai voulust me rendre les places que son Maistre avoit usurpées ou conquises sur la France depuis ces dernières guerres. Parlant qu'il debvoit se bien esclaircir et asseurer de lintenlion dudict Cardinal sur cela, devant que de rechercher le susdict abouchement, d'autant que sans cela il seroit inutille, mais mesme seroit préjudiciable pour la jalousie que mes alliez en prendroient et le refroidissement qu'il apporteroit à mes subjects, parceque j'estois résolu, (comme je luyavois tousjours dict) de ne faire aucune paix que l'on ne me rendist le mien. Ledict Père General respondit audict Sieur de Villeroy, de Dourlens, où ledict Cardinal l'avoit laissé , qu'encores qu'il fut assez asseuré de la bonne intention dudict Cardinal à ladicte paix , toutesfois qu'il l'alloit trouver à Ârras pour prendre sa dernière intention sur ce poinct, selon laquelle il nous feroil sçavoir ce qu'il pourroit faire. Depuis nous n'avons receu aucun advis de luy. Ceux qui tenoient Amyens m'ont quitté la place, et je me suis acheminé icy. Voilà les termes de ceste négociation de laquelle j'espère peu de fruict, par ce que j'ay affaire à gens qui ne veuUent rien quicter de ce qu'ils tiennent , et je ne veux rien perdre de ce qui m'appartient.

Il m'importe grandement que je descouvre quelle est l'opinion de Sa Saincteté sur la recherche que le cardinal Aldobrandin vous a dict <|u'il est d'advis que je face de tirer des mains du Roy d' Espagne j^our recompense ou autrement ce qu'il a recentement occuppé sur moy. Partant vous eussiez bien faict de le presser de s'en explictjuer d'aventage, car il en fault venir aux individus, qui vouldra faire ceste paix, et non demeurer sur les raisons et considérations generalles, comme

j'a}' appris par vostre dicte lettre, que faict Sa Saincteté, et après Elle sondict nepveu.

En vérité la paix m'est nécessaire pour les mesmes raisons que Sa Saincteté vous a dictes, mais aussi je croy qu'elle ne l'est pas moins à mon ennemy pour plusieurs autres dont Sa Saincteté est très bien informée. Quoy qu'il y ayt, je veux faire ladicte paix avec honneur ou ne la point faire : car si je l'accordois autrement, elle me seroit plus dommageable qu'utille. Telle paix engendreroit en mon royaume diverses sortes de guerres qui seroient toutes plus périlleuses pour moy et mon Estât que celle que je fais audict roy d'Espagne. J'en sortiray donc avec honneur ou je n'en sortiray point. J'ay trop travaillé et couru de fortunes pour arriver où je me trouve, par la grâce de Dieu, pour maintenant céder ny donner aucune chose (qui importe à ma réputation) à l'ambition desmesurée de mon ennemy, par crainte ou désir de régner. Ceux là régnent en repos qui régnent avec honneur ; chose que je ne ferois, si je quictois à mon ennemy ce qui m'appartient ou si je manquois de foy à mes alliez, desquelz j'ay esté bien assisté en mes nécessitez. Partant si nostre Sainct Père désire m'accorder avec ledict roy d'Espagne, il fault qu'il me face rendre les places qu'il a prises et usurpées sur moy, et qu'il permette que je traicte pour mes alliez comme pour moy. J'ay appris par vostre dicte lettre que Sa Saincteté s'est enfin laissé vaincre sur le dernier poinct aux remonstrances que vous luy avez faictes, dont son Légat et le Père General des Cordeliers se sont aussi renduz capables par deçà, à la charge toutesfoisqu'ilz n'interviendront point quand il sera question de traicter de ce qui con-

^2kk LETTRES INÉDiTFS

cerne lesdiclz alliez. Mais ne leur parlez plus par delà de l'accord du duc de Savoye, car je ne veux pas qu'ilz croyent que j'en ave besoing , et vous asseure que rien ne m'a meu de vous commander de leur en parler que pour justifier ce qui s'en est traicté cy devant avec les ministres dudict Duc.

Je vous ay escript mon intention par vostre secrétaire sur la promotion des Cardinaux ; je vous le repeterav encores par la présente ; c'est que si Sa Saincteté ne veult gratiffier de ceste dignité les sieurs Serapliin et Lomelin avec le comte de La Cbapelle, abbé de Sainct Sorin et l'evesque de Rennes, je ne désire point qu'il en face en ma faveur et considération pour les raisons que je vous ay escriptes; ce que vous luy déclarerez et protesterez ouvertement, afin que Sa Saincteté ne croye ou face estât que j'en reçoive ou accepte d'autres devant ceux là ; trois desquelz ont si bien mérité du Sainct Siège et de moy que si je les avois babandonnez je serois indigne d'estre servi; et me sera plus bonnorable et advantageux qu'il ne s'en face pas du tout à ma contemplation que de laisser ceux cy derrière ; je veux que vous le faciez entendre à Sa Saincteté aussi clairement que je vous l'escrips, et que vous ne vous départiez point de ce propos, si je ne vous le commande expressément.

Depuis avoir escript la présente jusques icy ledict Père gênerai des Cordeliers m'ayant prié de luy permettre me venir trouver arriva en ce lieu le premier de ce mois : ce fut toujours pour me prier de trouver bon ({'un de mes serviteurs s'aboucbasl avecq un de ceux du conseil du Roy d'Espagne que le cardinal

DE HEARY iV. 45

Albert nie nommeroit pour adviser aux moiens d'acheminer la négociation de ladicte paix , à laquelle il m'asseura que ledict cardinal estoit plus disposé que jamais. Je luy dis plusieurs raisons pour lesquelles je ne pouvois approuver le dict abouchement , sans estre asseuré de la restitution de mes places, comme je luy avois faict escrire; me plaignant à luy de ce que ledict Cardinal ne luy vouloit confier ses prétentions, comme je voulois faire les miennes, et qu'il me vouloit forcer de faire ladicte assemblée de Deputtez ; laquelle je sçavois debvoir mettre mes alliez en alarme de moy et estois incertain devoir produire aucun fruict. Toutesfois il m'en pressa tellement, me conjurant par le respect que je porte à Sa Saincteté, que je luy promis d'envoyer ledict Sieur de Villeroy où il seroit advisé, pour le contenter.

11 parti d'icy le ii% comme je feis pour m'approcher d'Arras, et le trois je marchay avec mon armée jusques à la veue de ladicte ville d'Arras en laquelle estoit ledict Cardinal, avec la sienne, pour luy présenter la bataille, où je suis demeuré à la portée du canon de de ladicte ville six heures entières, ayant faicl tirer jusques à vingt quatre coups de canon dedans ladicte ville pour les y convier -, mais il n'a eu le courage de si résoudre ; ne m'ayant respondu qu'à coups de canon, dont toutesfois nul des miens n'a esté offensé. Je revin le mesme jour d'où j'estois parti, distant de ladicte ville d'Arras de quatre lieues , où je voulus encores sesjourner le l'andemain, pour donner loysir à mon ennemy d'assembler ses forces et venir à moy ; mais je n'en ay eu seulement une alarme.

Deux raisons m'ont meu de faire ce voyage : l'une

pour me revancher de la visitalion que ledict Cardinal m'avoit faicte devant Amyens et l'autre pour couvrir le desbandement de la noblesse de mon armée qui s'estoit faict inconlinant après la prise de ladicte ville, duquel je sçavois que mon ennemy avoit esté adverti et s'estoit resjouy ; et en ce faisant luy faire congnoistre qu'il m'estoit demeuré encores assez des forces pour luy présenter le collet, et sur cela faire vivre mon armée aux dépens de son pais, comme il avoit faict vivre la sienne sur le mien.

Le quatriesme jour dudict mois ledict Père General amena avec luv à deux lieues de ladicte ville d'Arras le président Richardot, où se trouva ledict Sieur de Villeroy , lesquelz ont conféré des moiens de parvenir à ladicte paix, en la présence dudict General; dont il n'a esté rapporté aucun fruict, que une déclaration ou confirmation de la bonne volonté que cbacun a de part et d'autre de la faciliter; sinon qu'ilz ont jugé que pour ce faire il falloit bastir sur le fondement de la dernière paix faicte au Cbasteau Cambresis, 1559, sans rien estre en disputte, les choses qui furent résolues par icelles ny vouloir proffiter de celles advenues depuis au desavantage des uns et des autres; vray est que ledict Sieur de Villeroy a recogneu qu'ilz ont assez désir de retenir les villes de Callais et d'Ardres; mais il leur a dict qu'ils auront plus tosl conquis le reste de mon Royaume, ou que j'auray plus tost repris lesdictes villes qu'ilz ne m'auront faict consentir que lesdictes villes leur demeurent. Vous le direz ouvertement à Sa Saincteté , luy rendant compte de ce que dessus, et qu'il n'y a point de raison assez forte ny de puissance assez grande pour gaigner sur ce moy ce

point, afin qu'ilz ne s'y attendent point par delà. Et fault que je vous die que j'ay creu, depuis avoir ouy le rapport dudict Sieur de Villeroy, que c'est la recompense avecq laquelle ledict Cardinal Âldobrandin vous a dict que je debvois rechercher le recouvrement de mes places, dont vous luy coupperez broche du tout par delà, s'ilz vous en parlent plus avant. Vous déclarant que je choisiray bien plustost le parti de faire la guerre, le reste de ma vie, que d'achepter le repos à ce prix là. Ce que ledict Sieur de Villeroy a déclaré si ouvertement audict Richardot, qu'il a pris charge d'en advertir son cardinal et de nous y faire responce. Cependant je m'en vais assiéger Dourlens, encores qu'ilz rayent rempli de gens de guerre, que la saison soit fort avancée et que mon armée soit fort diminuée et que la leur n'en soit eslongnée que de sept ou huict lieues : car il fault qu'ilz me rendent le mien par une voye ou par l'autre, ou que nous nous battions pour une bonne fois. Vous aurez souvent de mes nouvelles par le chemin dressé par ledict Valerio , et auray plaisir aussi d'en recevoir des vostres. Je prie Dieu, mon cousin , qu'il etc. Escript au camp de Pas en Arthois le sixiesme jour d'octobre 1 597.

(Fonds Dupuy, N« 21i. F" J25 Vo.)

GX