CXXXVIII
ib99, 31 DÉCEMBRE. — A MON COUSIN LE CARDINAL D'OSSAT, MON AMBASSADEUR A ROME
ON cousin, Je vous prie de présenter à nostre très sainct Père le Pape les lettres que présentement je luy escripts et suivant icelles intercedder et tant faire envers sa Saincteté que son bon plaisir soit à ma nomination , prière et requeste
pourveoir M"^ Tristan Guillemyer du prieuré commendataire de Sainct Clément de Quiberon , ordre de Sainct Benoist, diocèse de Vannes, et M' Jehan Vallet de l'abbaye de Nostre Dame du Mont Sainct Martin , ordre de Premonstré , diocèse de Cambray ; lesdicts prieuré et abbaye vaccans par les cessions de commendes et permutations qu'ont respectivement faictes d'iceulx lesdictz Guillemyer et Vallet, leur en octroyant et faisant à ceste fin expédier toutes et chacunes les Bulles, dispenses et provisions apostolicques nécessaires, suivant les mémoires et supplications qui en seront présentez à Sadicte Saincteté, avec reserve audict Guillemyer de soixante six escus, deux tiers de pension, sa vie durant, sur le revenu d'icelle abbaye. Ce faisant vous me ferez plaisir très agréable. Priant Dieu qu'il vous ait , mon cousin , en sa saincte et digne garde. Escript à S' Germain en Laye le dernier jour de décembre 1599.
Henby.
RuzÉ.
(Port. Godefroy, 262.)
1600, 3 JANVIER. — A MONSIEUR DE SILLERY, CONSEIL- LER EN MON CONSEIL D'ESTAT ET MON AMBASSADEUR A ROME.
ONSIEUR de Sillery, Je vous prie présenter a notre très S' Père le Pappe les lettres que présentement je luy escris pour la résignation que M'^ Claude Sublet a faicte du prieuré de S'* Marye du boys de Allonne, ordre de Grammont, diocèse de Poictiers, en faveur de M' Michel Sublet, clerc au diocèse de Paris son frère, et suyvant icelle vous employer, intercéder et tant faire que le bon plaisir de sa Saincteté soyt a ma nomination, prière et requeste pourveoir ledict M"" Michel Sublet du dit prieuré de S** Marye luy en faisant a ceste fin expédier toutes les lettres, bulles, dispenses et provisions apostolicques qui pour ce luy seront nécessaires suyvant les mémoires, supplications et procurations qui en seront présentées a sa dite S*"* et vous me ferez service très agréable. Priant Dieu, Monsieur de Sillery, quil vous ayt en sa sainte garde. Escript a Paris le 3^ jour de janvier 1600.
Henry.
De Neufvillk.
fPort. Godefroy, 263.)
1600, 28 AVRIL. — A MONS' DE THOU , CONSEILLER EN i\ION CONSEIL D'ESTAT, ET PRESIDENT EN MA COURT DE PARLEMENT DE PARIS.
t| OIVs^ de Thou, Je vous prie de vous en ve- *; nyr icy et de vous y rendre dimanche au J soir; c'est pour chose que j'ay fort a cueur et ou vostre présence me sera très agréable; hastez vous doncq de venir. Et n'estant ce mot à aultre fin , je prie Dieu qu'il vous ait, Mons"^ de Thou, en sa saincte garde. Escrit à Fontaynebleau ce xxviii™® d'avril 1 600.
Henry.
De Neufville.
(Fonds Dupuy, 801, f° 189.)
1600 3 MAY. — A NOZ AIMEZ ET FEAULX CONSEILLERS LES GENS TENANS NOSTRE COURT DE PARLEMENT DE ROUAN.
ous avons faict voir en nostre conseil voz remonstrances du vingt huitiesme jour ^^ __ d'apvril dernier passé, sur nostre edict de la vente et revente de nostre domaine en nostre pays de Normandie jusques à la somme de deux cent mil escuz, par lesquelles remonstrances, au lieu de suivre nostre volonté et intention en la veriffication du d. edict, suivant les très exprès commandemens que nous vous en avons faict , vous nous suppliez de députer des commissaires de la province pour casser les contracts simulez et desguisez, mesme retirer nostre domaine vendu ou engagé a petit et vil prix et moindre qu'au denier dix, et d'aultant qu'il ne s'agit maintenant de l'estimation mais de faire promptement recouvrance de la dite somme de deux cent mil escuz pour subvenir a noz besoins et pressez affaires suivant Testât que nous en avons faict, après avoir ez nostre dit conseil pareillement délibéré sur vos dites remonstrances qui y ont este v€us, entendues et considérées, nous vous mandons cette fois pour toutes que sans vous arrester aux raisons portées par vos dites remonstrances, qui n'entendent au bien ny aux causes
notifiées d'icelles, vous ayez a procedder promptement à la verilTicalion pure et simple de nostre dit edict et iceluy faire publier et enregistrer ez registres de nostre court, pour estre exécuté selon sa forme et teneur, sans y mestred'aultre longueur, modiffication, restrinction, reffus ou difficulté soubz quelque couleur ou prétexte que ce soit, et sans attendre de nous une plus expresse jussion ou déclaration de nostre volonté que nos lettres présentes, qui vous serviront de toutes autres jussions ou commandemens de bouche ou par escript que vous pourriez désirer de nous, d'aultant que nous avons a coeur la veriffication du dict edict et n'entendons qu'il y fut mis aucun empeschement, mandant en oultre a noz advocatz et procureurs generaulx ez nostre court de requérir et poursuivre la veriffication pure et simple de nostre dict edict, car tel est nostre plaisir, nonobstant vos dictes remonstrances et les arretz du reffus que vous donnez au dit edict, que nous voulons avoir lien, et quelconques autres arretz, ordonnances, restrinctions, mandemens defensifs et lettres à ce contraires auxquelles nous avons par ce regard dérogé et dérogeons par nosdites présentes. Données à Fontainebleau le trois"'* jour de may l'an de grâce mil six cent et de notre règne l'onzième.
Henry .
De Nf.ufville.
(Bibl. Mazarine, Ms. 1549, foTS.)
IGOO, 2 JUIN. — A MONSIEUR DE SILLERY, CONSEILLER EN MON CONSEIL D'ESTAT ET MON AMBASSADEUR A ROME.
ONSiEUR de Sillery, Je vous prie présenter a iî) notre très S* Père le Pappe les lettres que présentement je luy escris et suivant icelles vous employer intercedcler et tant faire envers sa S'*'^ que le bon plaisir d'icelle soit a ma nomination, prière et requeste pourveoir M' Charles de Silly , eleve du diocèse de Thoul , de labbaye Notre Dame de Rieval, ordre de Premonstré, diocèse dudit Thoul, vaccante par la résignation qu'en a faicte en sa faveur M"" Denys de Coulomp dernier paisible possesseur d'icelle, a la réservation toutesfois de la somme de cinquante escuz de pension par chacun an pour le dit de Coulomp sa vie durant a prendre sur les fruictz et revenus de la dite abbaye, la dite pension franche et quicte de toutes charges et aullres subcides; en faisant a ceste fin expédier toutes lettres, bulles, dispenses et provisions appostolicques qui pour ce seront nécessaires suivant les mémoires , supplications procurations et concordatz qui en seront présentes a sa dite S'*'^. Et vous me ferez service très agréable. Priant Dieu
30i LETTRES INÉDITES
Monsieur de Sillery, quil vous ayt en sa S" garde. Escript a Paris le 2^ jour de juin 1600.
Henry .
De JNeufville.
(Port. Godefroy, 263.)
IGOO, 8 JUIN. — A NOS AMEZ ET FEAUX CONSEILLERS LES GENS TENANS NOSTRE COURT DE PARLEMENT DE PARIS.
'aultant que vostre arrest intervenu le vingt deuxiesrne d'aoust dernier passé sur nos lettres patentes du dixiesme juing mil cinq cens quatre vingts dix neuf aussi dernier cy attachées soubz le contrescel de nostre Chancellerie pour Texecution de nostre edict de l'an mil v*" lxvii et déclarations depuis faictes sur icelluy es années quatre vingts quatorze et quatre vingts dix liuict en ce qui regarde particulièrement les arrests et jugements donnez contre feu nostre amé et féal cousin le sieur de Chastillon , admirai de France, ne nous semble assez exprès pour l'importance de l'affaire, et que la mémoire de ceux specifûez en icelluy ne sçauroit estre trop effacé de la souvenance des hommes ; ayant simplement esté dit par vostre dicl arrest qu'ils seront raiez tant du greffe de nostre dicte Court (jue auitres et mis en marge des
Registres : Rayé par ordonnance de la Court, Scavoir vous faisons que par nos dictes dernières lettres, et déclarations preceddentes nos voulloir et intention ont esté et sont encor que touttes les charges et informations, pièces et procédures, sentences, jugemens et arrestz donnez contre nostre dict feu cousin le sieur de Cbasiillon déclarez nuls par iceux esditz et déclarations seront non seullemant raiez, biffez et mis hors des greffes tant de nos Courts de Parlement que touttes aultres quelsconques jurisdictions , mais entièrement supprimez, sans qu'il en puisse demeurer aucune marque ny mémoire à l'advenir, non plus que de chose non advenue, ce que nous vous mandons et très expressément enjoignons de faire et à nostre Procureur gênerai et ses substituds d'y tenir la main et en requérir et en poursuivre l'exécution de poinct en poinct : car tel est nostre plaisir. Donné à Paris le huictiesme jour de juing, l'an de grâce mil six cens et de nostre règne le unziesme.
(Fonds Dupuy, 428, fo 160, r».)
1600, 23 JUILLET. — A NOZ AMEZ ET FEAULZ LES GENS DE NOSTRE COURT DE PARLEMENT DE ROUAN.
^ "^V^^ ous estimions que, quand vous auriez entendu nostre volonté sur les remonstrances que j^ vous nous avez faicl présentées sur nostre edict de vente et revente de nostre domaine de nostre pais de Normandie jusques a la somme de deux cenlz mil escuz, vous procéderiez a la veriffication pure et simple d'icelluy, suivant ce que nous vous en avions mandé par nos Lettres de jussion du troisième de mai dernier. Toutefois, par vostre arrest du dixiesme de ce mois, vous avez ordonné que nous serions très humblement supplié de vous dispensé de procedder a la dicte veriffication, de quoy nous sommes aussi mal satisfait comme de vos aultres reffuz precedens , veu les commandemens sy souvent réitérez que vous en avez reçu de nous et la déclaration que nous vous avons faicte qui esloit chose qui rejjardoit le bien et advantage de nostre service, et par ce que nous continuons tousjours ez semblable désir de veoir la veriffication de nostre dit edict pour les causes qui nous ont nm de le faire expédier. A' ces causes nous voulons et vous mandons que, sans plus tarder ny délayer davantage, vous ayez , toutes aultres affaires escari<:z
et postposez pour quelque occasion que ce soit, a veriffier purement et simplement nostre edict sans aucune modiffîcation, reffuz ou difficulté ainsy qu'il vous a esté par nous cy devant mandé et ordonné, n'attendant sur ce plus exprès commandement de nous, soit de bouche, ou par escript, que ces présentes signées de nostre main que vous recevrez pour dernières finalles jussions que vous pourriez avoir espéré de nous ez cest endroit, mandant a nos advocatz et procureurs generaulx et nostre dicte court, poursuivre diligemment et instamment la verriffication pure et simple de nostre dict edict, requérir promptement tous consentemens et faire les réquisitions nécessaires. Car tel est nostre plaisir, nonobstant vosdictes remonstrances et supplications que nous tenons pour faictes, ouyes et entendues et quelconques edictz , ordonnances, mandemens differens et lettres a ce contraires, auxquelles à la desrogatoire de la desrogatoire y contenues nous avons desrogé et desrogeons par lesdictes présentes. Donné à Lion le vingt troisiesme jour de juillet l'an de grâce mil six centz et de nostre règne le onziesme.
Henry.
De Neufvillk
(Bibl. Mazarine, Ms. 1S49, f° 79.)
