MAY. — A M. DE BEAUMONT, AMBASSADEUR EN ANGLETERRE

Il'^^/ll °^^' ^^ Beaumont, j'ay faist responce à vos ill^Â ^ ^^^^^'^^ ^^s ^^i' ^t XXVI i" du moi d'avril le iMsMM XIII du présent. Depuis j'ay receu celles du premier et dixiesme, l'une le quatorziesme et l'autre le xviif d'icekiy. J'ay eu à plaisir de savoir par la première comment la Royne et ses conseillers se conduisent avec le Roy d'Escosse et luy avec eulx, aussy quelle opinion vous avez de leur inclination et volonté tant gen ralle que particulière en son endroict, comme du party que pourroit s'opposer à luy à la prétention delà succession de la couronne d'Angleterre après le decedz de la Roy ne : car c'est une des choses de ce siècle à l'événement de Ia((uelle nous debvons prendre garde de plus près pour leur voisinage et les autres raisons qui vous sont assez congneues et d'autant plus que nous voyons les Espagnolz estre ja fichez et bandez si attentifvem^nt qu'ilz ne peuvent mesmes attendre que la Royne soit morte pour y fraper coup ; ilz en délaissent leurs propres affaires en préférant ce desseing à celle des Archiducs, lesquelles ne recevront à présent comme vous savez petite faveur de la paix et amitié d'Angleterre en Testât

OÙ elles sont, tant ilz recongnoissent qu'il importe au gros des affaires qu'ilz ayentpart en cette succession, soit qu'ilz s'en aproprient et la retiennent pour eulx mesmes, ainsy qu'ilz feront s'ilz peuvent, ou qu'ilz la facent tomber entre les mains de personnes qui soient à leur dévotion et deppende deulx ; en quoy comme j'estime qu'ilz ne veulent favoriser le dict Roy d'Escosse, il me semble que je doibs faire le contraire, et dautant plus que le droict et la faculté seront de son costé quand le changement arrivera, louant la façon de laquelle vous en avez parlé avec le secrétaire Cecil, comme je fais la modestie et la discrettion de ses responces; mais je croy que vous ne le debvez mettre souvent sur ce propos pour éviter toute jalousie, vous debvez seulemens continuer à l'asseurer quand cest occasion ou autre se presanteront auxquelles luy et les siens auront besoin de ma faveur et protection qu'elles ne luy seront aucunement espargnées. Je doibs aussy attendre queledict changement adviennne et quelz effectz il produira à sa naissance devant que de faire proposer audict Roy des conditions que luy donnent subjet de croire que j'aprehende sa grandeur ny umbrage de ma volonté ceux qui doibvent estre intéressez avec luy, le temps et les accidens qui surviendront me donneront assez le moyen de ce faire plus à propos et civillement. En tous cas vous avez bien faict de n'avoir demandé à la Royne le passeport du baron de Tour que vous avez envoyé, car je luy feray prendre le chemin de la mer, si sa femme, qui ne le veult laisser, s'y peult accommoder ; mais vous debvez savoir si ledict Cecil a adverty la dicte Dame dudict passeport comme j'estime

qu'il avoilfaict, afin de luv en parler ainsy que je vous ay escript de peur qu'elle en prenne jalousie, comme en vérité elle n'a occasion de faire : car le plus exprès commandement que aura de moy ledict Baron sera d'admonester de ma part le Roy d'Escosse de révérer ladicte Dame et de n'avoir autre conception ny volonté que celle qu'il luy plaira. J'ay esté bien ayse d'entendre le discours que ladicte dame a euz avec vous quand vous luy avez dict les raisons qui me retiennent de m'engaiger avec elle en la guerre contre le Roy d'Espagne, et qu'elle les ayt prises en bonne part. Vous ne pouvez aussy les luy représenter ny respondre à ses demandes plus sagement que vous avez faict et debvez continuer à traitter avec elle avec franchise et douceur comme vous avez commancé. J'approuve pareillement les offres que vous avez renouvellées à ladicte Dame de mon service et aux chevaliers de son ordre de mon amitié après la cérémonie d'iceluy, ainsy que vous m'avez escript par vostre dernière ; mais ne vous mettez en peine de combattre l'opinion qu'il prennent des advis qui leur sont donnez d'icy, car vous n'auriez jamais faict. Observez seulement ce qu'ilz vous en diront et jugeront et m'en adverlirez afin quant il sera temps que vous en parliez comme je vous l'escriray. Depuis que j'ai commencé d'armer, les ministres du Pape et dudict Roy d'Espagne m'ont recherché plus qu'ilz ne souloient d'adviser aux moyens de remédier aux jalousies qui sont entre nous etarrester le cours des ecffetz qu'elles pourroient produire, par où je remarque comme je fais les incommoditez qu'a leur Roy en ses affaires, qu'il a autant de mes armes comme je puis avoir des siennes, aussy

son ambassadeur a voulu me faire croire la dernière fois qu'il a parlé à moy que les armeraentz que faict son maislre sont plus préparez pour se vanger de l'affront qu'il a reçu en Irlande et pour secourir la Flandres que pour entreprendre ailleurs ny se charger d'une nouvelle guerre, à quoy il y a grande apparence. Je croy véritablement qu'il n'y a rien qui leur puisse faire prendre autre conseil, s'ilz n'y sont forcez ou conviez du dedans de mon royaulme par ceulx qu'ilz peuvent y avoir praticquez, soit qu'ilz leur promettent de grandz advantages, ou qu'ilz craignent de les perdre : c'est pour quoy je ne laisseray pour leurs belles parolles et spécieuses raison de me rendre fort et en estât de ne pouvoir estre surpris. Ce pendant je ne veux m'engaiger plus avant avec les Anglois pour faire la guerre audict Roy d'Espagne tant pour le peu de seureté qu'il y a en la foy d'iceulx, que pour ce que je suis encores pressé de ce faire ; partant mettez peine à découvrir ce qu'ilz advanceront en leur traitté de de paix et de les solliciter qu'ilz envoyent promptement vers au (sic) Pais-bas avec le plus de forces qu'ilz pourront. Admonestez les de pourveoir à bon escient à la seureté de l'Irlande sans s'amuser aux poursuites de la paix et les asseurez en termes généraux de la continuation de mon amitié, sans rejetter les ouvertures particulières qu'ilz vous feront. Il fault tenir le prétendu nepveu du cardinal Baronius pour un affronteur; vous verrez par le mémoire que je vous envoie ce que Bongars a apris de luy, dont vous ferez part au secrétaire Cecil. Mais quand nous ne debvrions tirer aultre advantage de la faveur que j'ay departie aux prebstres Anglois que de les séparer du

dessein des Jésuites qui est celuy des Espagnols la peine que j'y emploie ne sera du tout inutile, comme vousscavez que n'a esté ma venue icy où j'ay trouvé tant d'obéissance que j'ay grande occasion de m'en contenter; je la laisseray aussy semblable à ceulx de la ville et du pais de se louer de ma bonté, et en partiray après la feste pour retourner ducosté de Paris. Je prie Dieu etc.

(Au Plessis-les-Tours, xxiv may 1602.)

^* Fonds Bricnne, Ms. 38. f" 118 yo.)

CLXXXÏX

IG02, 20 JUIN. — A ?sOZ AMEZ ET FEAULX CO-NSEILLERS LES GENS TENANTZ NOSTRE COURT DE PARLEMENT DE NORMANDIE.

j^ ODS avons veu le refus qu'avez faict par vos- S tre arrest du huictiesme may dernier de faire i requérir le règlement donné en nostre conseil au mois de décembre dernier pour l'exécution de nostre edict de la vente et revente de nostre domaine de Normandie, et qu'à ceste cause ladite exécution a esté sursize jusques à presant et le fruict qu'en espérons retardé au très grand préjudice de Tinterest public et du bien de nostre service pour ce que par ledit règlement nous avons prescrit l'ordre que nous vou-

Ions estre observé en ladicte exécution, et excepté plusieurs choses de la vente de nostredit domaine, laquelle exception et ordre ne pourroit estre si led. edict estoit exécuté suivant vostre arrest de verifficalion du ix" juillet dernier. A ces causes, après avoir eu l'advis de nostre conseil où nous avons faict reveoir voz ditz arrestz tant du ix' juillet que celluy du huictiesme may dernier et coppie dudit règlement, le tout cy attaché soubs nostre contrescel, nous, de noz certaine science, propre mouvement, plaine puissance et authorité roialle, vous mandons et très expressément enjoignons par ces présentes signeez de nostre main, toutes excuses, difficultés et considérations cessantz, vous aiez à faire lire, publier et requérir ledit règlement pour estre suivy en ladite exécution de poinct en poinct selon sa forme et teneur, et sans auculnes aultres restrinctions, ny modiffications que celles y contenues, nonobstant et sans vous arrester à toutes loix, edictz, ordonnances, restrinctions, deffenses et choses à ce contraires, à quoy nous avons desrogé et desrogeons et aux desrogatoires des desrogatoires y contenues fors et excepté neantmoins audit règlement comme dit est. Car tel est nostre plaisir. Donné à Paris le xx' jour de juin l'an de grâce mil six cents deux et de notre règne le treiziesme.

Hejvry.

Potier.

(Bibiothèque Mazarine, Ms. 1549, f. 239. Sur le verso de cette pièce on lit cette phrase qui pourroit être placée sur toutes celles qui l'ont précédée: Ils n'ont rien fait In tipxsits.)

ItOk LETTRES INÉDITES

GXC

d602, 20 JUIN. —A NOZ AMEZ ET FE.4ULX CONSEILLERS LES GENS DE NOSTRE CHAMBRE DES COMPTES A ROUAN.

^i^^ ous avons faict reveoir en nostre conseil vostre arrest cy attaché soiibs nostre contrescel . par lequel, au lieu de procéder à la veriffication pure et simple de nostre edict de la vente et revente de nostre domaine en Normandie, pour estre exécuté aux charges contenues par le règlement et arrest donné en nostre conseil au mois de décembre dernier, vous avez seulement ordonné qu'il seroit faict vente de ce qui est donné, usurpé et recelé, et revente de ce qui est vendu à faculté de rachapt perpétuel sans toucher à ce qui est vendu à perpétuité, ayant en oultre ce excepté les foy et hommages, gardes nobles, bois et haulte fustaie qui en proviennent. Ce que par nostredit règlement nous ne voulons à la vérité estre comprins ez adjudications sy ce n'est qu'il eusse ja esté vendu cy devant. Et cela aiant lieu tant sans fault que l'on en tirast les commoditez pour nostre acquit envers ceulx auxquelz nous avons affecté les desniers desdites ventes et reventes, qu'au contraire ce seroit nous les rendre non seulement inulillcs, de grandz coust et dépense pour ne produire aulcini effect ne soulagement à noz affaires.

A cez causes, nous voulons, vous mandons et ordonnons ceste fois pour toutes et pour le dernier commandement que pouvez attendre de nous sur ce, que vous aiez à passer oultre à la veriffication de nostre d. edict non seullement pour la vente de ce qui n'a ja esté vendu, mais aussi pour la revente des bois et autres choses reservez par vostre dit arrest ou elles auroient desia esté alliennez et de mesme pour la revente de ce qui a esté alliené à perpétuité aussi bien que pour ce qui n'est qu'à faculté de rachapt. Le tout suivant nostre dit règlement auquel nous voulons aussy et vous mandons de vous conformer, nonobstant toutes aultres difficultez , restrinctions et modifications faictes ou à faire que nous ne voulons avoir lieu sinon aultant et pourtant qu'elles sont contenues en nostre d. règlement auquel vous debvez entièrement conformer. Cartel est nostre plaisir. Donné à Paris le XX' jour de juin de Tan de grâce mil six centz deux et de notre règne le treiziesme.

Henry.

Potier.

(Bibiothèque Mazarlne, Ms. 1349, f. 243.)

406 I.KÏTRES INEDITES

1602, 24 JUILLET. — A MONSIEUR D'INTEVILLE, CHEVA- LIER DE !\IES ORDRES, CONSEILLER EN MON CONSEIL DESTAT, :M0N LIEUTENANT GENERAL AU GOUVERNE- MENT DE CHAMPAGNE ET BRYE.

Lettre du Roy au S'' dlnteville lieutenant général en Champagne pour estre informé de la façon et de ceux qui ont osié les armes de sa Majesté ez villages de Lyrancourt et Ragecour, et demande son adxis avant que dentrer en iraiclé avec le Comte de Champlite, gouverneur du Comté, pour raison de ce.

^R^-^ ONs" de d'iiiteville, j'ay veu par votre let- ^i 5 tre du 18 juillet et plus particulièrement %,^^ par celle que le comte de Chamlitc vous escrit le regret qu'il a de ce qui s'est passé concernant le rétablissement de mes armes es lieux de Lyroncourt et Rogecourt ensemble ce que ledit comte désire de vous pour traitter de ceste afTaire par desputez. Je vous ay ci devant faict entendre mon intention pour le regard du dit restablissement de mes dites armes tant es lieux qui m'appartiennent sans difficulté que pour ceulx qui sont en dispute. Et ne sachant si lesdits villages de Lyroncourt et Rogecourt sont de l'une ou l'autre qualité, désirant en estre esclairez aussi de tout ce qui s'est passé de particulier en l'enlèvement de mes dites armes, principallement de ceulx (|ui en sont aullieurs et qui ont faict l'exécution , j'ay différé de vous

mander sur ce ma volonté, attendant que vous m'ayez adverty des dites particularitez et donné votre advis sur ce que vous jugerez estre à faire : donnez moi donc promptement éclaircissement de tout ce que dessus et je vous manderay incontinent après ma volonté.

Pryant Dieu qu'il vous ayt, Monsieur d'inteville, en sa saincte garde. Escrit à Paris le xxnn^ jour de juillet 1602. Henry.

Potier.

(Port. Godefroy, 2G3.)