CO
HERS et bien amez nous avons commandé à nostre très cher et amé cousin le maréchal de ^^^^ Brissac de remettre les sieurs de Villeroy et d'Alincourt en possession du gouvernement et capitainerie de nostre ville et château de Corbeil dont ils sont pourvus à la survivance l'un de l'autre.
Au moyen de quoi nous voulons et vous mandons que vous ayés doresnavant à recognoistre lesdits sieurs de Villeroy et d'Alincourt et à leur obéir, tout ainsi que vous faisiez à nostre cousin le maréchal de Brissac et n'y faites faute, car tel est nostre plaisir.
Donné à Fontainebleau le xi' jour de Novembre
Henry.
Potier.
(* Archives municipales de Corbeil, original.)
CGII
1607, 8 SEPTEMBRE. — A NOSTRE AMÉ ET FÉAL LE S« DE LA FRESNAYE, LIEUTENANT GENERAL AU BAIL- LIAGE DE CAEN.
osTRE amé et féal. Sur l'advis que nous avons eu de la maladie du prieur de l'Hoslel Dieu de Caen desirons au cas qu'il en decede que Claude CoUin demourant au collège roial soit appelé à ceste charge comme s'en estant rendu bien digne par sa vertu et doctrine. Nous vous faisons la présente pour vous dire que vous ayez en vostre particulier à vous porter activement à son eslection et aussy de disposer les eschevins et aultres qui doivent assister à l'assemblée qui se fera sur ce subiect de faire le semblable le préférant à tout aultre qui se pourroit présenter comme personne que nous vous recommandons et de laquelle nous desirons l'avancement et promotion et ayant remis le surplus de ce que nous avions à vous en dire sur le S' de La Serre nostre advocat que vous voirez laians aussy chargé de faire entendre nostre volonté aux eschevins et principaux bourgeois de nostre d. ville auxquelz vous ferez savoir ce que nous vous en mandons par la présente à ce qu'ilz nayent suget d'en douter. Sy ny faictes faulte sur toute raffeclïon que vous avez au bien de nostre ser-
vice. Car tel est nostre plaisir. Donné à Paris le vin' jour de septembre 1607.
Henry.
De LoMExiE.
(* Archives municipales de Caen.)
GCIIl
1607 19 ISOVEMBRE. - A NOS CHERS ET BIEN AMEZ LESESCHEVINS, MANANS , ET HABITANS DE NOSTRE VILLE DE CAEN.
HERS et bien amez, nous vous avons il y a quelque temps escript sur le subject de l'ad- ^^^.^^^^.^^ ministration de l'Hostel Dieu de nostre ville de Caen et mandé ou ceste place viendroit à vacquenous desirions que W Claude Colin principal, du colege de nostre d. ville, y fust estably pour l'asseurance que nous avons de fort bonne part que telle cbarge ne peult estre commise à personne plus pieuse et soigneuse du bien et bon traictement des pauvres et capable de l'administration et gouvernement de ce qui dépend dud. Hostel Dieu. Et parce que nous sommes advertis que depuis ce temps le prieur dud. Hostel Dieu est decedé, et que plusieurs désirant de se prévaloir de lad. cbarge font des brigues de toutes partz, et par induction contre nostre susd. volonté et au mépris dicelle sefforcent de tirer de vous le gouuernement dud. Hostel Dieu, ne pouuant nous per-
suader que vous ayez en cela autre volonté que la nostre entièrement portée au bien desd. pauvres et du public, nous vous l'avons derechef voulu déclarer par la présente et vous mander de vous v conformer et asseurer du contentement que nous aurons de la veoir effectuer, comme au contraire nous aurons toute occasion de nous plaindre de vous si faisant aultrement vous admettez aud. Hostel Dieu quelqu'autre que ce soit que led. Colin. Nv faictes donc faulte, car tel est nostre plaisir. Donné à Fontaynebleau le xix^ jour de novembre 1607.
Henry.
Potier.
(* Archives municipales de Caeu.)
Gciy
1C07, 23 DÉCEMBRE. - A NOZ CHERS ET BIEN AMEZ LES MAIRE ET ESCHEVnS DE NOSTRE VILLE DE CAEN.
yç^ HERs et bien amez. Regardant à vostre adfW^B ^^"^^'"^"^ à l'honneur de Dieu et instruc- ^^i>^â tion aux bonnes œuvres et meurs nous avons résolu destaljlir ung collège de pères Jesuistes en nostre ville de Caen, et vous avons bien voulu advertir de ceste nostre intention afin que toutainsy que ce sera vous (|ui en retirerez la commodité vous apportiez aussi de vostre costé tout ce quil vous sera possible à ce que ledit établissement soit faict le plus
DE HENRY IV. 42o
lost que faire se pourra, cest nostre vollonte que nous avons chargé le sieur Daubigny, présent porteur, de vous faire plus particulièrement entendre , à laquelle vous ne fauldrez de satisfaire. Car tel est nostre bon plaisir. Donné à Paris le xxuf jour de décembre 1 607.
Henbt.
De LoiiENiE.
(* Archives municipales de Caen.)
1608, 23 DÉCEMBRE. — A NOS AMES ET FEAULX CON- SEILLERS LES TRESORIERS DE FRANCE EN NOSTRE GENERAUTÉ DE CAEN.
TANT cy devant, par contract du vingtrois"^ apvril mil six cens cincq dernièrement vérifié en nostre Parlement de Rouen, vendu par forme d'engagement et à faculté de rachapt perpétuel à nostre trescher et bien aimé cousin le feu sieur duc de Wirtemberg les domaines, chasteaux, terres et seigneureries d'Allançon, Vallongnes, S' Saulveur l'Indolin, S' Saulveur le Vicomte et Nehon, appartenances et dépendances d'iceux^ avec pouvoir entre aultres clauses du d. contract d'y édifier et reparer pour la commodité et aisance des d. chasteaux et places jusques à concurrence de trente mil livres sauf d'augmenter si faire se doibt, et ayant recogneu la nécessité
des d. réparations et bastimentz par le rapport qu'en a faict en nostre Conseil le sieur Courson, conseiller en nostre grand Conseil, commissaire à ce député, et qu'il ne reste qu'à procéder au recollement des d. réparations et icelles bailler à faire au rabaiz à moins disans, nous à ces causes désirant donner contentement à nostre d. Cousin et faciliter autant qu'à nous est l'exécution du d. contract nous avons et le premier de vous sur ce requis commis et deppiitez pour vous transporter es d. places et chasteau\, iceulx deuement visiter et des réparations y utiles et nécessaires suivant lesd. procès verbaulx dud. de Courson qui vous seront représentez et autres qu'y jugerez de besoing faire bail au rabais à moins disans après les deviz qu'on fera faire par expertz et gens à ce cognoissans et en la forme ordinaire, de quoy faire vous donnons pouvoir et mandement spécial, non obstant quelconques choses à ce contraires pour ce faict y aA oir lors du racliapt que nous et nos sucesseurs Roys en pourrons faire à l'advenir tel esgard que de raison selon et au désir des clauses dudict contract. Car tel est nostre plaisir. Donné à Paris le xxin' décembre Tan de grâce mil six cens liuict et de nostre règne le vingtiesm'e.
Henkt.
Potier.
(Bib. Maz.,Ms. Ij49, f 337.)
1608, 23 DÉCEMBRE. — A NOSTRE AMÉ ET FEAL CONSEIL- LERS EN NOSTRE GRAND CONSEIL CHARLES HUE, SIEUR DE COURSON.
OMME nostre trescher et bien aimé cousin le sieur duc de Wirtemberg, jouissant par engagement de noz domaines, terres et seigneureries d'Allencon, Vallongnes, S' Saulveur Lendelin, S' Saulveur le Vicomte et Nehon, suyvant le contract du xxni" apvril mil six cens cincq, dernièrement veriffié en nostre parlement de Normandie, nous ayt faict entendre le désir qu'il a que nos bien amez cousins les princes de Wirtemberg ses frères vivans en cestuy nostre Royaume se puissent accommoder pour faire quelque résidence ez places et chasteaux despendans des d. seigneuries à lui engagées et à cest effect leur soit besoing de l'assistance de quelque un de noz amez et feaulx conseillers en noz Cours souveraines, qui non seullement les y introduisse et autorize de nostre part, mais encore prenne le soing et direction des d. domaines, terres et seigneurages, leurs appartenances et deppendances, recherche les entreprises et usurpations qui y ont esté faictes et y reunisse ce que cy devant en auroit esté enlevé et desduy suivant et en la forme prescripte par led. contract, scavoir faisons que, voulant en tout ce qui nous sera possible
donner contentement à nostre d. cousin et le rendre actuellement jouissant de l'effect et contenu dudict contract d'engagement duquel avec l'entière cognoissance, comme l'ung des commissaires qui y avez vacqué, et à plaine confiance de l'affection qu'avez au bien de noz affaires et services et de la fidélité qu'apporterez pour le soulagement des affaires de nostre cousin, vous avons commis et depputé, commettons et depputons par ces présentes pour assister, accompagner nos d. Cousins les princes de Wirtemberg ez voyages qu'ils feront es ces domaines, chasteaux, terres et seigneureries, les y introduire et auctoriser de par nous, donner l'ordre et direction que besoing sera et que nostredict cousin désirera de vous pour le bien de ses affaires et services au faict de ses domaines, terres et seigneureries, maniement et administration du revenu d'icelles, exécution et accomplissement dud. contract, en oultre faire exacte rechercbe de ce qui se trouvera avoir esté entrepris et usurpé des d. domaines et mesmes tous faire représenter les lettres, tiltres, contractz et quittances de finances des engagemens particuliers qui cy devant auroient este faictz d'aucuns membres, partz et portions d'iceulx soit en fondz de terres , hommages, cens, ventes, droictz féodaux, seigneuriaux et fouiller greffes, places de clerz, sceaux, tabellionages et escriptures, et generallement de tout ce qui en auroit esté enlevé et desduy, des(iuelles reclierclies, lettres, tiltres, contractz et quittances à vous représentées dresserez bons et fidelles procès verbaulx pour iceulx rapporter et veoir en nostre Conseil pour vérification faictc de la finance actu(>llcnient et sans fraulde cl sans desguise-
DE HEIXRY IV. 429
ment entrer en noz coffres pour lesd. engagemens particuliers estre conformément au d. contract proceddé à la reunion des d. partz et portions et remboursement des acquéreurs d'icelles ou aultrement, sur le tout ordonné ce que de raison. Dequoy faire , vous donnons plain pouvoir et mandement spécial et de contraindre pour parvenir à l'effect des choses susd. toutes personne que besoing sera nonobstant oppositions ou appellations quelconques, prises à parties, clameurs de haro et tous aultres empeschemens pour lesquelz, sans préjudice d'iceux, ne sera par vous différé ne sursiz, et dont, en cas que formes ou interests feussent , nous nous sommes et à nostre d. Conseil retenu et réservé toute Court, jurisdiction et cognoissance, de icelle interdicte et deffendue à nos parlemans et tous aultres nos Juges. Car tel est nostre plaisir. Donné à Paris le xxiii* décembre l'an de grâce mil six cens huict et de nostre règne
le vingtiesme.
Henry.
Potier.
(Bib. Mazarine. Ms. 1S49, f. 3S9.)
1609, 22 FÉVRIER. — A NOZ AiMEZ ET FEAILX LES GENS TENANS NOSTRE CHA^SIRRE DES COMPTES A ROUAN.
osTRE trescher et bien aimé cousin le sieur ^ duc de Wirlemberg nous a faict remonstier
que vous ayant par les siens faict présenter le conlract d'engagement que luy avons faict des domaines , chateaulx , terres et seigneureries d'Allencon, Vallongnes, S' Saulveur Lenlelin, S' Saulveur le Vicomte, leurs appartenances et deppendances en datte du vingtrois™' apvril mil six cens cinq et d'icelluy près de vous poursuivy la veriffication et enregistrement en vostre greffe vous auriez, au lieu de satisfaire à noz voulloir et intention que vous avions sur ce faict entendre, donné vostre arrest cy attaché soubs le conlrescel de nostre cbancelyer, par lequel auparavant procéder à la Aeriffication dudict contract auriez ordonné que l'evalluation seroit faicte de ses domaines, terres et seigneureryes, ce que ne pouvons interpréter qu'au mépris de tout ce qui est passé en nostre conseil et de revalluation qui de l'ordonnance d'icelluy en avoit esté faicte auparavant ledict contract, laquelle y veu et meurement délibérée s'en seroit ledict conlract ensuivy en la meilleure et plus exacte forme que nostre dict conseil auroit jugé plus à pro])Os pour le bien de noz affaires et services, et
oultre tirant ladicte veriffication à longueur, vous ne laissiez de poursuivre journellement par inductions et muUations d'amendes et courses de voz huissiers les députés des dictz domaines, terres et seigneureryes de venir compter par devant vous du faict de leur charge, à quoy neantmoyns ils ne scauroient satisffaiie que après ladicte veriffication ou en souffrant l'entière radiation de leur despenses, desniers et revenus desd. domaines qu'ilz ont mis ex mains de nostre dict cousin ou ses agens. A ces causes et après avoir fait reveoir en nostre conseil ledict contract d'engagement et évaluation sur le pied de laquelle il auroit esté faict et dressé et le tout y meurement délibéré, de l'advis d'icelluy, vous mandons, ordonnons et très expressément enjoignons que, toutes aultres affaires cessantz, sans vous arrester à notre dict arrest que nous avons en tant que besoing seroit revocquer, ny faire quant apresent auculne evalluation que la susdicte dont vous ajoustons d'ailleurs coppie, et sans attendre de nous aucuns plus particuliers exprez commandemens sur les remonstrances que vous pourriez faire que nous tenons à cest regard pour ouyes et entendeus, vous ayez incontinant et sans delay à procedder à la veriffication pure et simple dud. contract d'engagement et sans aulcune modiffication ou restriction des causes d'icelluy selon et en la mesme forme qu'il a été passé et vérifié en nostre parlement de Normandie, cessant et jusques à ce faisant cesser toutes poursuites, indictions et condamnations d'amendes, courses et voyages de voz huissiers à l'encontre des revenus desd. domaines pour la réduction et l'estimation desd. comptes en ce qui est depuis la
mise en possession pour le temps que nostre dict cousin a deu jouyr desd. domaines, terres et seigneureryes seullement sans leur donner aulcuns troubles ou empechemens à la cueillette et perception des choses à luy engagées. Car tel est nostre plaisir, nonobstant quelconques lettres, edictz et ordonnances ausquelles nous avons à cest regard desrogé et desrogeons par ces présentes. Enjoignons très expressément à nostre procureur gênerai faire instances, poursuictes à ladicte veriffication pure et simple et entière exécution de nosd. voulloir et intention. Donné à Paris le vingtdeux™" jour de febvrier l'an de grâce mil six cens neuf et de nostre règne le vingt'"%
Henry.
