U MAI
Orig. B. 1. 15910.
A Monsieur (1)
Monsieur, Ne pouvant estre si tost par de là comme j'avoys délibéré, et ne voullant pas cependant laisser les choses du Lionnois sans œnduitte, j'ay d'un costé donné la charge des affaires de la guerre de la province au s'. d'Ornano comme je vous ay desja escript, et pour les aultres j'ay pensé que je ne les pouvoîs commettre en meilleures mains qu'en celles du s', de Bellièvre conseiller en mon conseil d'Estat, qui est assez congneu pour l'un des plus sufBsans et expérimentez personnages de ce royaulme et de mes plus confidens Serviteurs. Je l'envoyé doncq maintenant à Lyon pour cest effect, et vous ay bien voullu escripre ce mot sur Toccasion de son voyage pour vous prier de le respecter et reconnoistre selon son mérite, et avoir la mesme créance à tout ce qull vous fera entendre pour mon service, que vous auriez à mes propres despeches. Sur ce je prie Dieu, Monsieur, vous avoyr en sa ssdncte garde. Escript à Saint-Germain le xi* May 1S94.
Henry.
FORGET
(1) Nous trouYons dans les manuscrits de Bellièvre quatre exemplaires semblables sans adresse.
iS94. — ii MAI.
Orig. a 1. 15910.
De par le Roy Chers et bien amez, comme nous pensons avoir suffisamment pourveu aux affaires de la guerre de nostre province de Lyonnois, en aiant donné la conduitte et le commandement au comte Âlfonse d'Ornano, aussy estimons nous que pour pourveoir auli autres affaires et nécessitez de ladite province, nous ne pouvons prendre une meilleure résolution que d'en commettre la charge au s', de Bellièvre con" en nostre conseil d'estat, pour la congnoissance que nous avons de sa suffisance et grande expérience en choses semblables et pour sa fidellité à nostre service. Nous l'envoions doncq maintenant pardelà pour en prendre le soîng avec ample pouvoir daviser a ce qui sera des affaires d'estat, despesches, traictéz et pollice de toutes les villes du pays. Sur laquelle occasion nous vous avons bien voullu escrire ce mot pour vous admonester et recommander de le recon* gnoistre comme aiant cette auctorité de nous et avoir la mesme créance à tout ce qu'il vous fera entendre pour nostre service, que vous auriez à nos propres.
(1) Quatre exemplaires semblables^ sans adresse.
despescbes. Donné à Saint Germain en laie le xi*. jour de May 1S94.
Henry.
FORGET
Orig. B. 1. 15910.
A MonsuEUR DE Beixièvre,
Gooseiller en notre conseil d'EsUt estant pour notre serrioe à Lyon.
Mons'. de Bellièvre, Les longs services du s', de Couzant et sa qualité avec l'aBection qu'il porte au bien de mon service le rendent si recommandable que je le désire autant favoriser qu'il m'est possible, et d'autant qu'il m'a faict entendre que sil luy est donné moyen dentretenir sa compagnie de gens d'armes il la rendra belle et en estât de me faire bon service. Je vous ay bien voullu escrire la présente pour vous dire que si Testât des finances du pays peult porter cette despence avec les autres charges nécessaires, mon intention est qu'il y soit employé, et vous prie d'en faciliter les moyens de tout ce que vous pourrez tant pour mon service que pour son contentement. Priant Dieu, Mons'. deBellièvre vous avoir en sa saincte garde. Escrit au camp devant Laon, ce xm« jour de juillet 1594.
Henrt.
Revol.
Orig. B. 1. 15910,
A Monsieur de Bellièvre,
Conseiller en mon copaeil d'Estat estant pour mon serrice k Lyon-
Mons'. de Bellièvre, Jay £pdct depescber n^a commission au s', de la Pye pour commander es villes de Feurs et Doujsy, et pour ce quil est nécessaire de pourveoir à Tentretènement des garnisons d'icelles, ce que je ne puis faire par deçà, je vous ay bien voulu faire ce mot ppur voiis prier comme je faicts d'adviser avec luy à Tentretèoement desdites garnisons et à celluy de sa compagnie de gens d'armes au mieulx que vous pourrez, luy donnant en cela tout le contentement qui sera possible, afin que lesdites garnisons se puissent d'autant mieulx maintenir, et sadite compagnie estre toujours ep estât de pouvoir servir ou les occasions s'en ofiTriront comme par ce moyen il se promect qu'elle ne demeurera inutille au pays, Priant Dieu, Mons'. de Beljiièvre, qu'il vous ait en sa saincte garde. Escrit au camp devant Laon le ^m* jour de Juillet 1S94.
Hënrt.
Hevol*.
Orig. B. 1. 15910.
A Monsieur de Beluèvre,
Conseiller en mon conseil d'Estat estant pour mon service à LyoD.
Mons'. de Bellièvre, le marquis d'Urfé ayant fiûct quelques despeuces ainsy quil m'a &ict entendre, pour réduire le pays de Forestz soubs mon obéissance lorsquil s'est déclaré mon serviteur, a esté Gontrainct de procéder en cela par voyes qui ne sont conformes à mes ordonnances comme le temps et Testât du pays ne le luy permettoient^ au moien de quoy il a esté faict difficulté en mon conseil de valider lesdites despences sur l'instance qu'il en a faicte pour sa descharge, et n'estant raisonnable que ce qui aura esté ainsy employé pour mon service demoure sur luy, encores que les formes ny ayent esté gardées, je vous prie vériffier sur les actes qui vous seront présentés de sa part ce que montent lesdites despences et d'où les deniers sont provenus, pour après m'en donner advis ensemble de ce que sera requis pour le désintéresser et mettre hors de peine comme je désire qu'il soit faict, Priant Dieu, Mons'. de Bellièvre, qu'il vous ait en sa sainte et digne garde. Escrit au camp devant Laon le xm*. jour
deJuiUetiS94.
Henry.
Revol.
Orig.B. 1.15910.
 Monsieur de Bellièvre,
Conâeiller en mon conseil d'Estat estant pour mon service à Lyon.
Moas'. de Bellievre, jay esté bien aise de pouvoir conférer avec le s', de Chevrières des affaires de delà pour la bonne congnoissance quil en a et pour l'affection que je sçay qu'il porte au bien de mon service, particulièrement j'ay communiqué avec luy de quelques moiens qui m'ont esté proposés pour i'entretènement de mon armée quand je y seray, et ayant advisé de l'envoier devant, je luy ay donné charge entre autres choses de vous faire entendre lesditz moiens à ce que vous advisiez par ensemble a ce qui s'en pourra faire et y donniez tout l'avancement qui sera possible pour à mon arrivée pouvoir faire quelque chose de bon. J'ay au reste grande occasion de luy sçavoir bon gré du langage qu'il m'a tenu touchant le gouvernement, m'ayant faict congnoistre qu'il veult préférer ce qui est du bien de mon service à son particulier, dont il me demeure beaucoup de contentement, et autant plus de volonté de faire pour luy en ce que je pourray, et pour ce voulant luy donner toute la satisfaction qui sera possible en ce qui le concerne, je vous prie regarder
avec luy au paiement de ses garnisons et de sa compagnie de gens d'armes et de luy faire pourveoir de moiens pour y satisfaire selon la commodité qu'il y aura, en guoy je m'asseure qu'il se réglera volontiers à ce qui sera de mon service et du bien et repos du pays; jay veu ce que vous m'avez escript par votre lettre du xxin* Juing, qui est la première et seule que jay reçue depuis vostrQ arrivée à Lyon, et d'aultant que je juge et congnois de plus en plus estre nécessaire pour mieulx asseurer le repos de ladite ville d'effectuer au plus tost la charge que je vous ay donnée et au s', de Vie, je vous prie d'en prendre la première occasion soit avec le passage de mon cousin le connestable, si c'est bientost, ou des forces que jay en Boui^ongne, si elles sont jugées suffisantes, ou par quelque autre moien qui se puisse trouver seur et commode, dont je remetz à vous d'adviser et résouldre avec mes autres serviteurs de delà qui y pourront servir et desquels vous congnoistrez y pouvoir prendre fiance. Vous sçaure? dudit s', de Chevrières tout ce qui s'est passé en ce siège et durant que l'armée ennemye estoit près de nous, m'y aiant continuellement assisté, comme aussy faict le s', de la Pye en toutes les plus importantes occasions qui s'y sont présentées. Us vous diront Tessay que je feis faire contre la ville le samedy ix*. avec le canon, et quelques mines que i'avois faict faire qui ne nous firent pas ouverture
qui rendit l'assault raisonnable, de sorte que je ne le voulus faire donner, et néantmoins il en .est réussi tel effect que j'espère que avant qu'il passe dix jours je seray maistre de la place d'une façon ou d'autre, avec layde de Dieu, lequel je prie vous avoir, Mons'. de Bellièvre, en sa saincte et digne garde. Escrit au camp devant Laon le xin*. jour de Juillet 15:/4.
Henrt.
REVOt.
Orig. ti. 1. 15910.
A Monsieur de Bellièvre,
Conseiller en rnoo conseil d'Estat estant pour mon service à Lyon.
Mons' de Bellièvre, on m'a faict entendre que après la réduction de ma ville de Lyon en mon obéissance, UDg nommé Regnault lors eschevin a esté ung de ceulx dont on s'est voullu asseurer, estant tenu pour moins affectionné à mon service, qu'il ne doibt , luy ayant esté baillé sa maison pour prison, où il est encores détenu, et pour ce qu'il m'a esté recommandé de bonne part et que l'on m'a asseuré qu'il a très bonne volonté d'estre doresnavant mon fidel serviteur et se faire cognoistre tel par tous les effectz qu'il
en pourra rendre, je vous ay bien vouUu faire la présente pour vous dire que si ledit Regnault est en cette bonne intention de me rendre la fidélité à laquelle son debvoir l'oblige, je ne veulx qu'il soit de pire condition que les autres, et vous prie à cette occasion de regarder et adviser avec ledit S' d'Omano etceulx de madite ville de Lyon les plus doux moyens d'accommoder ce qui est de son particulier, tenant la main et vous employant à ce qu'il soit mis en pleine liberté et jouisse du bénéfice de ma déclaration faicte en faveur de madite viUe de Lyon en faisant par luy le serment de fidélité et toutes autres submissions requises, suivant lesquelles je me veulx promettre selon Tasseurance qu'il m'en a esté, comme dict est, donnée, qu'il se comportera de façon que j'auray occasion de le tenir pour mon fidel serviteur priant Dieu , Mons' de Bellièvre, vous avoir en sa saincte garde. Ëscrit au camp devant Laon, le xxvii" jour de juiUet 1594.
Henry.
Revol.
Orig. B. 1. 15910.
 Monsieur de Bellièvre,
Conseiller en mon conseil d'Estat estant pour mon service à Lyon.
Mons"^ de Bellièvre , ma tante la Duchesse de Nemours a tousjours tant faict de démonstration de désirer de veoir ses enfans accommodés avec moy que pour 7 rendre à présent plus de &cilité et y disposer toutes choses, elle m'a faict entendre qu'elle youldroit volontiers envoyer le S' de Selincourt jusques à Lyon pour parler de sa part au duc de Nemours si je Tavois agréable, et d'autant que je serays très aise qu'ils voulussent en cela suivre ses bonnes intentions et conseils, j'ai trouvé bon le voiage dud. Selincourt €t qu'il puisse voir led. Duc de Nemours pour luy dire la charge que madicte tante luy aura donnée en ceste cause. Je vous prie tenir la main et faire en sorte que la commodité luy en soit permise, m'asseurant qu'il en usera sincèrement, comme j'ay toute occasion de me confier de la bonne volonté de madite tante en cest endroict. Je prie Dieu^ mons' de Bellièvre, qu'il vous ayt en sa saincte garde. Escrit au camp devant Laon le xxvni* jour de juillet 1594.
Hemrt.
Revol.
Orig. B. 1. 15910.
A Monsieur de Beluèyre,
Conseiller en mon conseil d'Estat estant pour mon service à Lyon.
Mons' de Bellièvre , Je vous ay escrit du xxin* du présent la capitulation ou estoient entrés ceulx de Laon, et qui avoit esté arrestée pour me rendre ladicte ville, passé le premier jour d'aoust, s'ils n'estoient secourus dans ledict temps d'armée qui me feist lever le siège, ou qu'il entrast dans icelle jusques à mil hommes de guerre , dont nous sommes bien près de la fin du terme, sans que l'une ni l'autre condition soit encores advenue ny qu'il y ait apparence que les ennemis puissent faire essay de la première. Et quant à l'autre, comme jusques icy j'ai tenu bon ordre pour les en empescher , s'ilz le vouloient entreprendre, dont ils n'ont encore faict aucun semblant, je n'en seray, ni tous les princes et seigneurs qui sont avec moy, moins songneux jusques au bout, de sorte que j'espère entrer dans ladite place mardy prochain deuxième du mois, s'il plaist à Dieu, et estant de plus en plus confirmé en ma résolution de faire le voyage de Lyon, je pourvoiray incontinent aux affaires de cette frontière, comme j'espère y donner si bon ordre qu'il n'en adviendra
inconvénient durant mondit voyage ; potir incontinent après m'y acheminer et me rendre par delà le plus tost qu'il me sera possible, me promettant avec • l'assistance de mes bons serviteurs de delà d'asseurer et garentir mes provinces des menaces des ennemis, où je ne doubte que en m'attendant il ne soit rendu si bon debvoir par tous mesditz serviteurs en ce que chacun d'eulx pourra, qu'ilz les empescheront d*y faire grand progrez. Vous ayant bien cependant voulu advertir de la continuation de ma susdite résolution. Et sur ce je prie Dieu, Mons' de Bellièvre, qu'il vous ayt en sa sainte garde. Escrit au camp devant Laon le xxviii" jour de juillet J591.
Henry.
Revol.
Copie non signée. B. 1. 15910.
A Monsieur d'Ornano.
Mons' d'Ornano, j'ay veu par vostre lettre du XV* juîng la plaincte que vous faictes du pouvoir que j'ay donné au S' de Bellièvre, renvoyant par delà, à quoy j'estime que vous avez esté poulsé par personnes qui y pensent estre plus intéressées que vous, ne pouvant croire que cela vienne de vostre mouvement, comme aussi vous n'avez aucune occasion de vous
tenir ofTensé dudit pouvoir. Car il ne touche en rien ce qui deppend de Tauctorité que je vous ay donnée, laquelle estant sur le faîct des années, ce n'est seul^ lement pour commander aux gens de guerre en la. ville et aux champs, mais aussi d'ordonner leur paiement après les monstres, qui est tout ce que ont accoustumé et pouvoir de faire les gouverneurs et Ueutenans gënëraulx, soient princes ou autres sans qu'ilz se doivent mesler plus avant du faict de mes finances, ny en prendre aucune congnoissance, non plus que de byct de la justice, y ayant officiers ordinaires establis pour cestefTect, lesquels m'en doibvent respondre. Et néantmoins c'est chose qui se &ict souvent quand il y a occasion que d'envoier quelques personnaiges, et de moindre qualité que ledit S' de Bellièvre, pour recognoistre le devoir que rendent lesdits officiers ordinaires en ce qui est de l'administration desdites finances et de la justice avec surintendance et autorité d'y apporter règlement, s'il est besoing, dont les gouverneurs de provinces ne se plaignent ny ne se tiennent offensez, comme aussi ce seroit sans raison ; et ce qui m'a faict donner ceste peine audit S' de Bellièvre, de laquelle il se fust volontiers passé, comme aussi moy de lesloingner dé deçà ot sa présence m'estoit très utile et nécessaire ; c'est que aux grandes affaires qui se présentent par delà non seul-* lementàLyon mais es provinces voysines , j'ay estimé qu'il m'y pourroit faire de bons services pour
— alla réputation de probité et suffisance , en laquelle il est tenu par tout mon royaume, telle qu'il n'y a prince qui ne se ttnt bien soullagé de son assistance es plus grandes affaires qui se peuvent offrir en sa charge, et qui ne déférast volontiers à son conseil sans penser se faire tort ; et m'asseure que lorsque vous pourrez estre dans ladite ville, il se comportera avec vous en toutes choses de façon que vous aurez occasion de vous en louer. Ostez donc de vostre oppinîon, je vous prie , que je l'aye voulu envoier pour defSance que j'aye de vostre suffisance en tout ce qui peut appartenir à la charge que je vous ay donnée , ny pour vous en rien diminuer , estant choses tellement séparées que quand il n'y seroit point, vous ne devez aucunement vous mesler de ce qui concerne ceUe que je luy ay donnée en ce qui touche nosdites finances et la justice, qui n'est pas aussi pour ung establissement ordinaire, faisant estât de ne tarder longtemps à me rendre par delà. Dieu aydant, où je adviseray de donner le meilleur règlement qui se pourra pendant que je y seray, aux choses qui en auront besoing, et n'ay pas délibéré de l'y laisser après moy quand je m'en reviendroy. Cependant je vous prie ne laisser de vous emploier en ce qui est de mondit service selon la fiance que je vous ay faict congnoistre avoir en vous par la charge que je vous y ay commise, attendant que j'en puisse faire plus ample résolution et de vivre en la bonne intelligence
avec ledit S' de BeUièvre que requiert le bied de moûdit service entre personnes qui y tiennent le lieu que Tung et Tautre y atez, vous asseurant que la bonne considération en laqueUe le feu roy vous tenoit, n'est pas diminuée en mon endroict ny ma bonne volonté de faire pour vous, changée depuis que ne m'avez veu. J'ay ou reste esté bien ayse d'entendre vostre acheminement pour aller secourir la maison du Conte de Cruxilles^ et vous prie attendant que je puisse renfweer la partie par ma présence de donner tout le secours et assistance que vous pourrei là où l'occasion s'en présentera. L'armée espagnole s'est retirée comme dissipée audedans de leur fron^ tière. Us disent que c'est pour prendre du renfort et revenir. Si ce n'est bientost j'espère d'estre délivré de ee siège et d'autant plus fort pour les bien recevoir, faisant estât de faire la batt^îe dans deux jours et attaquer la ville par quatre ou cinq endroitz, que malaisément les gens de guerre qui ne sont en grand nombre là dedans pourront tous si bien fournir qu'il n'y en ait quelqu'un bien foible. Le duc de Mayenne est dans Amyems oii ib le laisserait entrer avec quarante hcmimes seulement. Le S' de Humières et autres de mes serviteurs y sont allez avec bonne trouppe appelez par les principaulx de la ville qui monstrent ainsi le courage et ta volonté de se garentir du mauvais tour que ledit duc et celui d'AumaHe avoient délibéré leur faire d'y introduire les
forces espagnollés, en qtioy Texemple de la Fère d'où ilz ont chassé ce qu'il y àvoit de habîtans doibt rendre les autres sages« Je attends d'heure & autre ce qui sera succédé en la ville d'Amyens. Priant Dieu, Hons"^ d'Omano, vous avoir en sa saincte garde.
Escript au camp devant Laon, le jour de
juillet 1«94.
Copie B.1. 16910.
A tfONSlEUH d'OrNANO.
Monsieur d'Omano , Vous ne doubtez point que la nouvelle de l'évasion du duc de Nemours ne m'est esté fort désagréable ; c'est a la vérité aussy bien un mauvais accident et duquel ceulx qui estoient de garde le jour qnil s'est évadé ne se peuvent excuser. Et s'y il ny a de la mallice, pour le moins quil ny ait une trop grande nonchalance. Je croy que si l'on Teust laissé où vous l'aviez fait transporter, quil n'en fust point mésauvenu. Et c'est ce qui luy fidsoit tant affecter de retourner au chasteau de Pierre-Ancise quil y avoit du long temps projecter son entreprise. Ce n'est pas la première incommodité que j'ay ressenti de ce que mes ministres ont voulu ibraicter avec
mes ennemys, avec trop de douceur et trop peu de sécurité. Mais puisque ce malheur est advenu il &ut travailler a le luy rendre le plus infiructueux qu'il sera possible, pourvu que l'on se sauve des pratiques et surprinses. J'estime que de la force il sera aysé de s'en presmunir, je ne vous demande plus qu'un mois ou six sepmaines au plus de temps car je vous promets que entre cy là je seray par delà, j'espère y arriver si bien accompaigné que le Duc de Nemours, ny ce quil pourra avoir de forces, tant du dedans que dehors du royaume ne oomparoistront point contre nous. Je commencerois des ceste heure a m'y acheminer, n'estoit que je suis contrainct de faire une revue de toute ceste frontière pour juger des provisions qui y sont nécessaires contre ce que les ennemys y pourront entreprendre, pendant quils m'en sentiront esloigné, mais je &is estât de faire ceste course dans huit ou dix jours. Et afin de n'avoir rien de pesant avec moy , je fais dès cette heure acheminer mon armée sur le chemin que j'ay a faire et ne mène que de la cavallerie en ce voyage que je vous promets que j'abrçgeray le plus que je pourray . Cependant, je vous prie ne partir point de ma ville de Lyon, car oultre que vous y estes très nécessaire pour la seureté d'icelle, je scay que les habitans s'asçeurent fort par vostre présence ; qui est ce à quoy il &ult le plus pourvoir que d'empescher qu'ils n'aient de l'estonnement. Je ne doubte point que vostre
voyage en Dauphiné ne fust fort à propos, mesme à ia tenue des estats, mais il vault mieulx les difierer jusques à ce que je sois arrivé par delà, alors vous y pourrez faire ung voîage. Si entre cy la vous vous sentiez pressé des ennemys et que les estrangers vous arrivassent, je escripts à mon Cousin le Connestable de s'approcher de vous avec ses trouppes. Vous l'en tiendrez adverty selon que vous jugerez que le besoing en sera. Je vous ay au reste cy devant mandé la cappitulation de ceste ville, laquelle fust effectuée mardy dernier, et se mesme jour, j'eus la nouvelle, conune ceulx d'Amiens avoient fait sortir le duc de Mayenne tout mallade qu'il estoit ou qu'il feignoit d'estre, avec tant de rigueur et de coUere du peuple qu'il eut à grâce et à plaisir d'en estre dehors. Il s'est retiré en Flandres à bien petit train, pour cela je ne m'en eslève pas davantage, et ne laisse de luy offrir ia paix à conditions raisonnables. Lesquelles s'il n'est du tout abandonné au desespoir, il y a apparence quil acceptera. J'en dois estre esclayré dans peu de jours, et de sa part et de celle du Duc de Guise. Mais pour cela je ne laisse pas de me préparer au moyen qui est le plus certain et asseuré qui est celui de la force ; je suis en attendant celle que vous m'avez mandé que vous ferez partir dans deux jours après le partement de ce Courriel* et resoudray à quand je Tauray entendu à vous escripre plus particulière^ ment.
Sur ce je prie Dieu, Mods. Omano, vous conserver ep sa ddnte garde. Escript au Camp de Laon oe mi* jour d'aoust 1594,
Henry.
FORGIET.
Orig. B. 1. 16910.
A Monsieur de Beluèvre,
GoBseiller en mon eoafleil d'EstaU
Mons. De Belli^vre, La première imagmatiou que j'ay eue depuis avoir entendu la pouvelle de l'ev^îon du Duc de Nemours, ce a esté celle de la peine et douleur que vous en avez portée, que je plains et regrette pour l'appréhension que j'ay qu'^e soit iucommode h votre santé, qui est au biep de mes afTaire^, une .. ... sur cette occasion fort nécessaire,. Ce a esté à la vérité un fort mauvais accident et auquel s'il n'y a de la malice de ceux qui estoi^nt en gs^rde, il y a pour le moins beaucoup d'imprudence et de mauvais $oing. Mais pour vostre part, je vous puis asseurer que je vous en tiens du tout eiempt de coulpe et sçay que la transposition que vous fistes de la personne dud. duc de Nemours du bastion $^ Jeh^m, oilL il avoH été mis au Chasteau de pierre en Cise, ne fut que pour une
meilleure caution contre ce qui est advenu. De quoy je vous prie ne vous afiOigez pas d'avantaige et rassemblez tous vos esprits et toute vostre force pour veiller et penser à la conservation de ma ville de Lion, sur laquelle je ne pense pas que par la force ils puissent rien entreprendre. Ce sont les pratiques et les menées qui sont le plus à craindre et à quoy je vous prie d'employer votre principal soing. Je ne doubte point comme vous dittes que led. duc de Nemours ne face pour ce commencement le pis qu'il pourra. ToutesfoiSy j'estime que s'il croit le Conseil de sa mère et des siens de deça^ que pour son évasion, il ne se désistera pas du traitté que vous avies commencé avec luy. S'il s'en départ ou qu'il le retarde gueres, il se pourra bien trouver le dernier de tous les siens à s'y résoudre et sa condition n'en sera pas meilleure ; outre que mon intention avoit toujours esté de m'a*» cheminer par delà, ceste occasion me confirme en^ core davantage en ceste résolution, recpgnoissant bien que ma présence y est extrêmement nécessaire. Je commenceroi$ aussy à m'y acheminer des à pressent, n'estoit que je suis contrainct de faire une course sur ceste frontière et recongnoistre la provision qui y est la plus pressée et nécessaire, contre ce que les ennemis pourroient entreprendre pendant que j'en seray esloigné. Ce voyage ne sera que de huit ou dix jours pour le plus, M pour le iair^ plus dilligemment, je me descharge de l'armée et la fait toujours advan--
cer sur le chemin que ja?ois à £ûre. Je me rendray à Paris dans le xx de ce mois et n'y sejoumeroy que huict jours pour le plus. Cela fidt je chemineroy droit à vous et ne m'arresteray que je n'y sois et espère y aller si bien accompagné que led. Duc de Nemours ne tiendra pas la Campagne quand je y seray. Veillez seulement qu'il ne se face aucune surprinse ou desbauche dans la ville jusques alors et je respondroy après du reste. Je suis bien aise que vous avés adverty mon Cousin le Connestable, je vous envoyé encore une lettre pour luy, par laquelle je luy mande que si vous l'advertissez que les forces estrangères s'approchent de vous, qu'il s'avance avec ses trouppes pour se mettre entre vous et enlx. Quand il n'aurrât tant de forces que les autres, il est assez Capp** pour avec ce qu'il aura à la &veur des villes les entretenir jusques à ce que je puisse arriver par delà. A quoy je feroy la meilleure diUigence que je pourrois et d'aultant plus volontiers que je laisse ceste province qui estoit la plus brouiUée quasi toute nostre. Ayant eu le même jour que ceulx qui estoient en ceste ville en sortirent^ la nouvelle comme ceulx d'Amyens avoient faict sortir le duc du Maine, le plus honteusement qu'il fiist possible et avec telle collere du peuple qu'il ne feut pas sans danger de sa personne. J'en attends aujourd'huy les depputés qui me viennent faire leurs submissions et serment de fidélité. Je m'asseure que ceste exemple sera bientost suivy
de ceux de Beauvais et qu'il sera malaisé que les ennemis retiennent plus en ceste province que Soissons et La fere et que du reste de ceste année, ils fÎEU^nt grand effort de dega, ayant esté si mal menés en ce dernier voyage que la pluspart de ceulx qui y estoient ont perdu l'appétit d'y plus retourner. Et puis j'ay advis que les estats ont pris Grunicque et estant délivré de ceste occupation, ils en entreprendront bientost quelque autre, qui occupera les forces des ennemis et les contraindra de se tenir ensemble^ de sorte qu'ils nous donneront patience de deçà pour le reste de ceste année. De ce quils entreprendront de delà j^ay ferme espérance d'y donner bonne ordre pourvu qu'il ne se gaste rien entrecy la. A quoy je vous prie travailler et veiller le plus qu'il vous sera possible et me tenir souvent adverty de ce qui s'y passera, qui est urgent. Sur ce je prie Dieu, Mons. de Bellievre vous avoir en sa sainte garde.
Escript au Camp de Laon ce mi* jour d'août 1594.
Henrt.
FORGET
Orig. B. 1. 159i0.
A Monsieur de Bellièvu,
jCoDtelUer «n mon oonteil d*EsUt pour moy k Lyoo.
Monsieur de Bellievre, Je ne me suis contenté d'octroyer mon passeport au S^ Cardinal de Plaisance, que notre S< Père le Pape a rappelé à soy afin qoil puisse £sdre son voiaige seurement, mais aussy j'ay bien voulu le faire accompaigner jusques à Lyon par ung Prélat et ung de mes gentilshommes avec ung trompette, comme il a désiré, ayant à ceste fin ehoisy le s' Evesque de Nevers, et le sieur de Pons, Tuug de nos maistres d'hostel ord~' pour luy rendre en son dit voiage tous les offices qui pourront dépen-^ dre de moy, vous priant de vous employer et tenir la main à ce qu'il luy soit fait toutes les courtoyses et honestes réceptions dans ma ville de Lyon qui sera possible et qu'il appartient à sa qualité de Cardinal, selon le respect que j'ay toujours désiré estre observé en ce qui dépend de moy à l'endroict du S^ Siège et de sa S^^. Et si d'avanture, il y a besoing de conduitte et assistance plus avant vous regarderez le moyeu de luy en faire pourvoir de façon quil y reçoive con-> tentement.
Priant Dieu, Mons. de Bellievre quil vous ayt en sa sainte garde.
Ëscript à Laon le viirj'' d'aoust 1594.
Henry.
FORGET
en mon conseil d*Eitat.
Monsieur de Bellievre, Je ne fais présentement que d'arriver de voiage que je viens de faire sur la frontière qui ne m'a pas esté, comme vous l'avez déjà sçeu infiructueux, ayant asseuré la réduction de ma ville d'Amiens où j'ay esté extrêmement bien accueiUy. J'ay aussy icy près de moy les dépputés des villes de Beauvais et de Neufchatel, les articles desquels sont tous concluds et arrestés, de sorte que les ennemys se trouveront avoir aussy peu de part en ceste province qu'en aucune des autres. Encore que ce fust celle Qù ils y en avoient d'avantage, J'acbeveray icy pour trois ou quatre JQur3 k donner ordre aux provi* sions nécessaires pour la seureté d'iceUe pendant mon ealoignement. Cela &ict, je feray de ce môme Ueu acheminer mon armée droit à Lyon sans l'occup-
per ny arrester à aucun autre effect. Et pendant les premières journées qu'elle fera, je feray un tour jusques à Paris, ou je ne sejoumeray que cinq ou six jours, pour pourvoir à ce qui peult estre nécessaire tant pour les advis que vous m'en avez donnés que aultres que j'en ay d'ailleurs. Mais je ne pouvois plustot eschapper d'icy et laisser les entreprinses que je y avois imparfiodctes. Le sieur Revol qui est à Paris m'a mandé que comme le sieur Frère que vous mavez despeché y estoit arrivé et qu'il attendoit à passer avec mon Cousin le mareschal de Biron que j'auray icy demain; je n'ay pas cependant voulu perdre l'occasion de ce porteur qui s'en va par de la sans vous donner de mes nouvelles et aussy à ceulx de ma ville de Lyon, pour les asseurer que je seray Dieu aydant à eux dans le xx ou xxv* du prochain. Et fait estât d'y arriver s'y bien accompaigné que les ennemys auront aultant ou plus d'affaires à se garder de moy, que moy d'eulx. Je vous prie cependant de veiller songneusement à descouvrir les practiques qui se font en lad. ville, qui est ce qui est le plus à craindre^ et à quoy les remèdes de la rigueur sont beaucoup plus propres que ceulx de la connivence et vous prie discontinuer un peu les ungs pour vous accommoder en cette occasion icy aux aultres. Cy tost que j'auroy vu la despeché que m'apporte led. Frère, je ne faudroy dy faire respondre, n'ayant pour ceste foys ny subject ny loisir de vous faire
ceste-cy plus longue. Sur ce je prie Dieu, Mons. de Bellievre vous conserver en sa sainte garde. Escript à Compiegne ce xxin* aoust 1891.
Henry.
FORGET
