A M. DE THÉMINES

15 mars 1617.

Mon cousin, Le sieur de Marillac m'ayant tesmoigné le soin et le zelle avec lesquels vous vous portez en toutes les occasions qui regardent le bien de mes affaires, j'ay bien voulu vous faire cognoistre par ceste lettre le contentement que j'en ay. Je me promests que vous continuerez ainsy que vous avez commencé, et mesnagerez le temps, de sorte qu'il ne s'escoulera un seul jour que vous n'avanciez quelque chose pour mon service. Je ne vous dis point le désir que j'ay de recognoistre les vostres, pouvant vous asseurer qu'aux occurrences vous recevrez des effets de ma bonne volonté envers vous, à qui je ne feray la présente plus longue, etc

Bibl. nat. Fonds Baluze, Pap. des arm. lett. paq. i, n° 2, fol. 29. — Minute.