COMMISSION

DONNÉE PAR MARIE STUART POUR CONCLURE L'ASSOCIATION ENTRE ELLE ET SON FILS JACQUES VI.

( Minute de récriture de Nau. — State paper office de Londres , Mary Queen of Scots, vol. 4 5. J

Résolution prise par Marie Stuart , sur l'avis du roi de France j de Catherine de Médicis, de ses parents et amis, d'associer son fils à la couronne d'Ecosse et de lui abandonner l'administration et le gouvernement de l'État. — Acceptation faite par le prince d'Ecosse de cette offre. — Motifs qui ont empêché de rendre public cet accord. — Conditions particulières qui restent à débattre. — Commission donnée par Marie Stuart à ses députés d'arrêter les articles demeurés en suspens. — Consentement qu'elle donne à ce qu'ils auront conclu.

Du maDoir de Wingfield, le (5) janvier 1585.

Marie par la grâce de Dieu Roy ne d'Escosse, douairière de France, duchesse de Tourraine, comtesse de Poictou, Chaumonl en Bassigny, Vermandoys et Sentis, damed'Espernay, St. Menelhoud et Victry, à tous ceulx qui ces présentes lettres verront, saluz.

Comme en l'an i582, par Fintercession et bons advis et conseil de nostre très cher et très honoré beau -frère, le Roy très chrétien, de la Royne sa mère, et divers aullres princes noz parens etamys en la Chrestienté, nous eussions associé avec nous à la corone d'Escosse nostre très cher et très amé seul filz et unique héritier, luy octroyant par mesme moyen l'administration et gouvernement de Testât et aflayres dudict pays; laquelle association auroit esté dès lors par nostre dict filz acceptée, mais non encores effectuée « ny

publiée et authorisée en l'assemblée des Estatz dudict pays, tant à Toccasion [des] troubles et divers changemens y survenuz, qu'à raison de quelques particularitez deppendans de la dicte association demeurez en irrésolution, à quoy il nous est très important de pourvoir pour le commun bien [et] seureté de nous et de nostre dict filz :

Scavoir faisons que Nous, confîans entièrement des sens, parfaicte intégritez, fidelles debvoirs et syncère a[frection] que portent au bien des aflayres de nous et nostre dict filz et de nostre dict royaume noz très amez et féaulx cousins ',

Iceulx, pour ces causes et aultres bonnes considéralions à ce nous mou vans, avons commis, ordonnez etdépputez, commectons, ordonnons et deppu ton s, faîct et faisons noz procureurs spéciaux, et leur avons et à troys, quatre ou cinq d entre eulx, les ungs en l'absence ou aultre quelconque empeschement des aultres, donné et donnons plains po[uvoir] , puissance, aulhorité, commission et mandement spécial par ces présentes d'adviser, conférer, négotier et traieter en nostre nom avec nostre dict filz et les seigneurs et Estatz du dict royaume d'Escosse, de tous articles, conditions et aultres particularitez quelconques, tant jà convenancez qu'à convenir, deppendans de nostre dicte association ; en accorder, conclure, et

* Blanc laissé dans Toriginal pour y mettre les noms des seigneurs écos • sais que Maitland et Fonienay devaient choisir pour conclurô le traité au nom de Marie Stuart.

arresler avec les meilleurs, plus justes et raisonnables expédiens qui pourront servir h Teflecl d'icelle, et, ostans par roesme moyen tous obstacles qui y pouriH)ient apporter aucun empeschemenl ou diflSculté, faire accepter par nostre dicl filz les lettres patentes et articles de la dicte association que nous leur en avons envoyées signés de nostre main, et les faire publier et authoriser en parlement, ou y passer et dresser aultres nouvelles , ainsi qu'ilz verront estre à faire pour le bien et service de nous et de nostre dict Olz, avec toutes aultres déclarations authentiques, lettres et expéditions quebesoing sera, et général lement faire, dire, négotier, promectre et accorder en cest endroict, et en nostre dict nom , tout ce que nous mesmes ferions, ou faire pourions , si présens en personne y estions , jà soit qu'il y eust chose qui requist mandement plus spécial qu'il n'est contenu en ces dictes présentes ; par lesquelles nous prometons , en bonne foy et parolle de Royne, avoir agréal)le, tenir ferme et stable à tousjours, ce que par nos dict depputez sera, en ce que dessus et ce qui en deppend, conclud, promis et arresté, le tenir, approuver et ratiffier dedans le temps qui sera par eulx accordé, et l'observer, garder et accomplir de poinct en poinct, et le faire garder inviolablement, sans jamais l'enfraindre en quelque sorte et manière que ce soit.

En tesmoiug de quoy nous avons signé ces présentes de nostre main etàicelies faict mectre nostre grand scel.

Donné au manoir de Winkfeild en Angleterre, le [5] de janvier 1585.