A LA VILLE DE GÊNES

Lyon, 8 février 1496.

Le roi renouvelle la prière qu'il a déjà faite aux Génois de ne donner aucune aide ni faveur aux Pisans à l'encontre de Florence. — (Orig. Archivio délie riformagioni, à Florence. Impr. dans les Doc. hist. inédits publiés par Champollion-Figeac, 1841, t. I, p. 671.)

Charles, par la grâce de Dieu roy de France, de Sicile et Jherusalem. Très chiers et grans amys, nous croyons que vous avez bien peu savoir et entendre la bonne amytié et confederacion que avons avecques la seigneurie de Fleurence, au moyen de laquelle nous reputons et tenons leurs faiz et affaires tout ainsi que les nostres propres. A ceste cause, nous vous pryons très afectueusement que doresnavant vous ne donnez aucune aide et faveur aux Pisans ne autres ennemys de ladicte seigneurie pour les offendre, molester ne empescher en aucune manière, vous signiffiant que nous aurons à très grant desplaisir quant vous ferez le contraire, et reputerons les offenses par vous à eulx faictes, faictes à nous mesmes, pour après en faire telle demonstracion qu'il appartiendra par raison et comme tenuz sommes par le traictè et amitié que avons à eulx. Très chiers et grans amys, Nostre Seigneur vous ait en sa saincte garde. Donné à Lyon, le viif jour de février ^ Charles.

ROBERTET

le roi aux magistrats de Lucerne. (Bibl. de la ville, ms. 118, fol. 118 V».)