AU PAPE ALEXANDRE YI

Lyon, 21 juin 1496.

Prière d'octroyer les bulles et provisions qui seront nécessaires pour la fondation d'un collège de gens d'église séculiers en la chapelle du Palais, à Paris, spécialement attachés à l'ordre de Saint-Michel. — (Bibl. nat., ms. fr. 25188, fol. 126. Copie du xv" siècle. Commun, de M. Ch. Samaran.)

Très Saint Père, nous aiant regart et consideracion à ce que feu nostre très cher seigneur et père, que Dieu absoille, pour la très singulière devocion qu'il avoit à mons'' saint Michel l'archange, constitua, créa et mit sus en son vivant nostre ordre royal soubz le nom et tiltre dudict glorieux chevalier celestiel monseig"^ saint Michel, et affin que sainctes et dignes prières fussent continuellement faictes à Dieu, nostre créateur, pour la conservation de nostre foy catholique, nostre mère saincte église, prospérité de nostre royaume, estât et entretenement de nostredict ordre, il eust, avec le bon plaisir de Vostre Sainctetè, délibéré faire, créer, establir et ordonner ung corps et colliege de gens d'église séculiers, pour y faire et célébrer le service divin à la louange de nostre Sauveur, et icellui douer et fonder de rentes et revenues convenables, ce que ne se peut faire ne parachever, obstans les grans charges et afaires qui luy survindrent sur

et habus dudict Milan, en ensuyvant sa coutume. » [Mém. de Pli. de Commynes, édit. Dupont, t. III, p. 452.)

ses derreniers jours, ne nous pareillement, depuis nostre advenement à la couronne, pour raison des guerres et afaires que avons eu continuellement à conduire en plusieurs manières. De laquelle cause. Très Saint Père, desirons de tout nostre cueur acomplir la dévote intencion de nostredict seigneur et père, et que de nostre temps la fondacion se puisse parachever et establir, et en ce acquiter la conscience de nostredict seigneur et père et nostre, avons présentement confirmé de nostre part ladicte fondacion et délibéré faire le reste de ladicte dotacion en manière que le service divin s'i continuera doresenavant faire et continuer à l'onneur et exaltacion de Dieu, nostre créateur, et de nostredict ordre. Si prions et requérons Vostre Sainteté, tant et si affectueusement et de cueur prions que faire povons que, en ceste matière qui touche nostre propre fait, lui plaise octroyer telles bulles et provisions qui seront nécessaires selon le contenu en la supplicacion qui lui sera présentée de par nous pour ceste cause. En quoy faisant, Vostre Sainteté fera euvre salutaire et à nous très agréable plaisir, dont, avec les autres bénéfices que cy devant elle nous a faiz, nous tiendrons et reputerons grandement tenuz et obligez à elle, laquelle Dieu vueille longuement préserver et maintenir au bon gouvernement de nostre mère sainte Eglise. Escript à Lion, le xxi® jour de juing^.

ROBERTET

1. On trouve dans le même ms. (fol. 87 v°à 114 v°), qui est un livre de l'ordre de Saint-Michel, le texte de la bulle par laquelle Alexandre VI autorisa et organisa le collège de la chapelle de

DCGGGXCIX.