AU MARQUIS DE MANTOUE

Lyon, 31 janvier 1497.

Il le remercie pour les choses affectueuses que M. de Ligonne a été chargé de lui transmettre et lui annonce la prochaine arrivée du bailli de Chartres, qu'il accrédite auprès de lui. — (Orig. Arch. de Mantoue, Archivio Gonzaga.)

Mon cousin, j'ay sceu par Mons. de Ligonne* les choses que luy avez donné charge de me dire, dont et du bon vouloir et affection que sçay et congnois que avez à moy et à mes affaires je vous mercie tousjours, et vous prie de continuer.

Au surplus, pour vous faire response aux dictes choses et parler de plusieurs autres qui me touchent, j'envoie présentement devers vous le bailly de Chartres^, mon maistre d'hostel et ambassadeur, pour d'icelles communiquer bien à plain avec vous. Si vous prie le croire et adjouster foy à ce qu'il vous en dira de par moy, car il n'y aura nulle faulte. Et vous eusse plus tost fait savoir de mes nouvelles ; mais, jusques à ceste heure, je ne l'ay peu bonnement faire pour aucunes causes. Et à Dieu, mon cousin, qui vous ait en sa sainte garde. Escript à Lyon, le dernier jour de janvier.

Charles.

robertet.

A mon cousin le marquis de Manthoue.