AUX GENS DES COMPTES A DIJON

Lyon, 17 mai 1497.

Ordre de vérifier et d'entériner les lettres du don que le roi a fait à Claude de Vaudrey de la seigneurie de Ponlaillcr-sur- Saône. — (Copie. Bibl. nat., rass., Coll. de Bourgogne, vol. 51, fol. 113.)

De par le roy.

Noz amez et féaux, nous avons puis naguieres

octroyé à nostre amé et féal consellier et chambellan Claude de VauldreyS chevalier, nos lettres patentes à vous adressans pour le faire joir de la terre et seigneurie de Pontaillier sur Soone-, avec ses appartenances, selon la teneur du don que par justes et raisonnables causes luy en avons despieça faict, lesquelles nos lettres ledict chevalier vous a faict présenter pour en avoir la veriffication et entérinement. TouttefFois, comme il nous a remonstré, luy avez refusé ladicte veriffication, en venant contre nostre vouloir. A ceste cause, et que voulons et entendons nostredict don sortir son plain et entier effect, nous vous mandons et enjoingnons très expressément, et sur tant que desirez nous obéir et complaire, que lui veriffiez et entérinez nosdictes lettres selon leur forme et teneur, et, en ensuivant icelles, le faictes joir paisiblement de ladicte terre et seigneurie de Pontaillier et de ses appartenances, sans luy faire ne donner aucun empeschement, reffus ou difficulté. Et qu'il n'y ait faulte, car tel est nostre plaisir. Donné à Lyon, le xvif jour de may.

Charles.

Briçonnet.

1. Claude de Vaudrey, chevalier, seigneur de l'Aigle et de Chilly, bailli de la Montagne (1474), fils d'Antoine de Vaudrey et de Marguerite de Chauffourg, épousa Marie de Chalans, dont il n'eut pas d'enfants. Il testa en 1515. Après la mort de Charles, dernier duc de Bourgogne, il avait été un des plus ardents défenseurs de la cause bourguignonne en Comté. (Beaune et d'Arbaumont, Mém. d'Olivier de la Marche, t. IV^, table, p. 334.)