avril
gnac, neantmoins vous avez souffert, souffrez et tollerez chascun jour toutes monnoyes estranges, qui sont abatues et n'ont aucun cours par lesdictes ordonnances, estre prinses et qu'elles aient cours esdictes seneschaucées et pais d'Armaignac, ainsi qu'elles avoient auparavant lesdictes ordonnances, et les contempnant et mesprisant, dont ne sommes pas contens. Et pour ce gardez, en tant que doubtez nous désobéir et mesprandre envers nous, que vous faictes entretenir de point en point le contenu desdictes ordonnances, sans souffrir ne permettre que aucune infraction y soit plus faicte, en faisant des transgresseurs telle et si bonne pugnicion et justice que ce de [vienne] en exemple à tous autres, vous advertissans que se, par voz deffaultes et dissimulacions, la provision n'y est donnée telle qu'il appartient, nous nous en prandrons sur vous. Donné au Plessis du Parc, le xxviii^ jour de septembre^.
Charles.
robineau.
A nostre amé et féal conseiller et chambellan le seneschal d'Armaignac, et à nostre chier et bien amé le juge mage oudict pais d'Armaignac.
MCII.
AU PARLEMENT DE PARIS
Alençon, 2 octobre 1489.
Recommandation pour Albert de la Chaise, qui plaide contre Barthélémy Ferrand pour la maîtrise et administration de
1. Cette lettre fut signifiée aux trois états d'Armagnac assemblés à Vic-Fezensac, le 13 nov. 1489.
l'Hôtel-Dieu de Gonesse et de la chapelle Notre-Dame audit Hôtel-Dieu. — (Arch. nat., X»» 9320, n» 1. Orig.)
De par le roy.
Noz amez et feaulx, maistre Albert de la Chaise nous a fait dire et remonstrer que, pour raison de la maistrise et administracion de l'Ostel Dieu de Gonnesse et de la chappeile fondée à l'onneur de Nostre Dame en icellui, y a certain débat et procès pendant en nostre court de parlement entre ledict maistre Albert de la Chaise, d'une part, et ung nommé Berthelemy Ferrand, d'autre, au moien duquel procès, du port et faveur que ledict Ferrand a d'aucun de vous dont il est serviteur, comme icellui de la Chaise dit, les biens dudict Hostel Dieu ont esté gastez et dissippez. Si vous prions que, en entretenant ledict maistre Albert en son bon droit et joissance, vous le gardez d'oppression et luy faictes bonne et briefve expedicion de justice, et que les biens dudict Hostel Dieu ne voisent à perdicion, tellement que le service divin acoustumé y soit fait et les pouvres receuz et substantez. Et, en ce faisant, nous ferez plaisir que aurons fort agréable. Donné à Alençon, le ii" jour d'octobre.
Charles.
BOHIER
Au dos : A noz amez et feaulx conseillers les gens tcnans nostre court de Parlement à Paris.
Reccpta xiij* novcmbris M° CCCC^ octogesimo IX" .
MCIII.
A BOURRÉ
Montils-lès-Tours, 14 novembre 1489 (?).
Ordre de vérifier et d'expédier les patentes accordant au comte de Foix, oncle du roi, la traite de 2,000 tonneaux de vin à prendre dans le vignoble bordelais, ou ailleurs où bon lui semblera. — (Bibl. nat., ms. fr. 6602, fol. 171. Orig.)
De par le roy.
Nostre amé et féal, nous avons, par noz lettres patentes signées de nostre main et pour les causes bien à plain dedans contenues, donné à nostre très cher et amé oncle le conte de Foix* la traicte de deux mille tonnaulx de vin, à les prendre et enlever du creu bourdeloys, ou du hault pais le long de la rivière de Gironde, ou ailleurs où bon lui semblera, pour en faire son prouffit, ainsi que pourrez veoir. Et pour ce que nous entendons que nostredict oncle joïsse de nostredict don, nous voulons et vous mandons bien expressément que nosdictes lettres de don vous lui veriffiez et expédiez, et du contenu en icelles le faictes, souffrez et laissez joyr plainement et paisiblement. Donné aux Montilz lez Tours, le xiiif jour de novembre.
Charles.
BOHIER
1. Jean, fils puîné de Gaston IV, comte de Foix, et d'Eléonore, reine de Navarre, marié à Marie d'Orléans, comte de Foix depuis le 20 janvier 1483, mort en 1500. Il était frère de Marguerite, seconde femme de François II, duc de Bretagne, morte en 1487, mère d'Anne de Bretagne, reine de France. (Moréri, 1759, V, 206.)
Au dos : A nostre amé et fcal conseiller le sire du Plesseis Bourré, chevalier, trésorier de France.
MGIV.
AU PARLEMENT DE PARIS
Orléans, 12 janvier 1490.
Invitation à juger le plus tôt possible le procès pendant depuis longtemps entre Antoine de Chaloy et Pierre Morel, d'une part, et Pierre Syraart, appelant de Jehan Bouchart et Guillaume Allegrin, conseillers au parlement, et autres commissaires. — (Arch. nat., X*» 9320, n» 43. Orig.)
Noz amez et feaulx, nous avons esté advertiz que par devant vous en nostre court de Parlement a certain procès meu et intenté en icelle long temps a entre Anthoine de Chaloy et Pierre Morel, d'une part, à rencontre de Pierre Symart, appellunt de noz amez et feaulx conseillers en nostredicte court maistres Jehan Bochart et Guillaume Allegrin et autres commissaires, lequel procès est, comme l'en dit, appoincté en droit et prest à juger, et ne reste que à prononcer sur ce vostre arrest et jugement. Et pour ce que desirons briefve justice estre administrée à noz subgeclz et fin estre mise oudict procès attendu le long temps qu'il est encommancé, nous voulons et vous mandons que ledict procès vous veez et visitez le plus diligemment que faire se pourra, et sur icellui donnez et prononcez vostredict arrest et jugement sans plus le délayer. Donné à Orléans, le xif jour de janvier.
Chaules.
Marcel.
Au dos : A noz amez et feaulx conseillers les gens de nostre court de Parlement.
Recepta xvj^ januarii M° CCCC° octogesimo IX".
MCV.
AU PARLEMENT DE PARIS
Orléans, 12 janvier 1490.
Ordre itératif d'expédier le procès relatif au comté de Périgord en faveur du comte d'Angoulême, — (Arch. nat., Xi*9320, fol. 44. Orig.)
De par le roy.
Noz amez et feaulx, vous savez que par tant de foiz
vous avons fait dire et escript dés longtemps
et d'un parlement en autre le grant s affection
que nous avons en faveur de nostre très cher et très amé cousin le conle d'Angoulesme à l'expedicion de certain procès pendant, en estât de juger en nostre court de Parlement passé a xxv ans, pour raison du conté de Perigort, et que nostre plaisir estoit qu'il feust vuydè. Mais, quelque chose que vous en ayons escript, dit et fait dire, et quelques solicitations que en ayent esté faictes devers vous de par nostredict cousin, ladicte expedicion a tousjours esté dillayé d'un temps à autre sans riens y avoir esté besongné qui soit venu à nostre congnoissance, et ne povons penser à quoy il a tenu, veu que assez povez estre advertiz de nostre vouloir et intencion sur ce. Et pour ce que nostredict cousin ne demande que justice luy estre administrée et que nous avons à cueur de plus en plus ladicte expedicion, aussi que nous desirons les
faiz et affaires de nostredict cousin cstre favorablement traictez en faveur des grans, louables, vertueux et recommendables services qu'il nous a faiz par cy devant et encores fait journellement à la garde et gouvernement de noz pays et duché de Guyenne, où il est de présent occuppé de par nous; pour ces causes, aussi pour la proximité de lignaige dont il nous attient, nous voulons et bien expressément, et de rechef vous mandons sur tout le service que desirez nous faire, que en la plus grant dilligence que faire se pourra, quelque rescripcion que vous ayons faicte ou pourrions faire pour autre procès, vucillez mettre sur le bureau et vacquer au jugement dudict procès sans plus y dillayer en aucune manière, et tellement y faictes et besongnez que n'ayons plus occasion vous en escripre et que nostredict cousin ne puisse désormais se douloir pour ceste cause, et, en ce faisant, nous ferez service très agréable et autant que si s'estoit pour noz propres affaires. Et encores, affîn que evidament congnoissiez le très grant vouloir et affection que nous avons fin estre mise oudict procès, nous avons chargé noz amez et feaulx conseillers et presidens en nostredicte court Jehan de la Vacquerie, chevalier, maistres Robert Thiboust, Guillaume Allegrin et Jehan Pellieu, vous dire plus à plain nostre intencion sur ce ; si les vueillez croyre et faire ce qu'ilz vous en diront de par nous. Donné à Orléans, le xii° jour de janvier.
Charles.
D AMONT
A noz amez et feaulx conseillers les gens de nostre court de Parlement à Paris.
Rcceplc xvj januarii M" CCCC*> octogcsimo 1X°.
MCVI.
AU PARLEMENT DE PARIS
Moulins, 23 janvier 1490.
Ordre itératif de vider au plus tôt le procès relatif à la régale de l'archevêché de Lyon. — (Arch. nat., X*» 9320, fol. 52. Orig.)
De par le roy.
Noz amez et feaulx, nous vous avons desjà par plusieurs foiz escript à ce que vous eussiez à wider le procès pieça pendant par devant vous en nostre court de Parlement touchant la regalle de l'arcevesché de Lyon, ce que n'avez encores fait, dont nous donnons merveilles attendu les grans abuz et inconveniens qui à ceste cause adviennent de jour en jour. Et pour ce que desirons le bien et pacifficacion de ceste matière, nous voulons et vous mandons très expressément que, à la plus grant diligence que faire se pourra, vous widez ledict procès du fait de ladicte regalle en toute bonne expedicion de justice. Et faictes en manière qu'il ne nous soit plus besoing vous en escripre, et qu'il n'y ait point de faulte. Donné à Molins, le xxiif jour de janvier.
' Parent.
A noz amez et feaulx conseillers les gens de nostre court de Parlement à Paris.
Recepte xxx januarii M° CCCC° octogesimo 1X°.
MCVil.
AU PARLEMENT DE PARIS
Lyon, 12 mars 1490.
Ordre de souffrir que maître Pierre de Ganay exerce l'office de lieutenant général au bailliage de Bourges, que le roi lui a donné, malgré certaines appellations interjetées par maître Guillaume Sarde et jusqu'à solution définitive du litige. — (Arch. nat., X'»9320, n«71. Orig.)
De par le roy.
Noz amez et feaulx, pour aucunes causes raisonnables qui jà pieça nous ont meu, avons donné à nostre amé et féal conseiller maistre Pierre de Ganay, de Bourges, l'ofifice de lieutenant gênerai au bailliage de Berry; mais, obstant certaines appellacions interjectées par maistre Guillaume Sarde, icelluy de Ganay n'a encores eu entière et paisible pocession (sic) de sondict office. Par quoy depuis, et pour obvier à plusieurs grans inconveniens et scandalles de justice qui chacun jour se faisoient audict bailliage au moien desdictes appellacions, que avions entendu, nous avons commis ledict maistre Pierre de Ganay, nostre conseiller, audict office, pour par luy exercer icellui office pendant lesdictes appellacions et jusques à ce que décision en eust par vous esté faicte, en remettant au surplus le principal de la matière en nostredicte court pour y prendre fin, attendu que la chose le requiert, comme assez entendez. Et pour ce que entendons nostredicte commission sortir effect, vous en escripvons, voulons et vous mandons bien expressément que
faictes procéder pardevant vous lesdictes parties sur ledict principal, sans aucunement deroguer à nostredicte commission, en la meilleure et plus briefve expedicion de justice que faire ce pourra, car tel est nostre plaisir. Donné à Lyon, le xii^ jour de mars*.
Charles.
BOHIER
Au dos : A noz amez et feaulx conseillers les gens tenans nostre court de Parlement à Paris.
Recepta v^^ aprilis M" CCCC° octogesimo IX° ante Pasclia.
MGVIIl.
AUX LIGUES DE LA HAUTE ALLEMAGNE
Sans date. Commencement de 1490 2.
Lettre de créance pour le marquis de Rothelin, chargé de négocier le renouvellement de l'alliance entre les Cantons et la couronne de France. — (Arch. de l'Etat de Lucerne, FormularbuchMllS, fol. 71. Communication de M. deLiebenau.)
Garolus, Dei gratia Francorum Rex. Spectabiles
1. Cf. ci-dessus, t. II, p. 437, no CCCCXCI, la missive du 4 décembre 1489 relative au même objet. A la date du 10 mars 1497 (v. st.), D"^ Andrée Rolande était veuve de feu maître Pierre de Ganay, conseiller du roi et seigneur d'Azy, tutrice de Nicolas et de Marguerite et curatrice de Jacqueline, de Katherine et de Jeanne de Ganay, ses enfants. Une autre fille, Marie de Ganay, était mariée à Jehan Sallat, licencié en lois, lieutenant général du bailli de Berri. (Arch. nat., Xia 1504, fol. 59.)
2. M. Rott, qui a publié en grande partie [Hist. de la représentation diplomatique de la France, etc., t. I, p. 80) la lettre dont nous reproduisons le texte, a, pour d'excellentes raisons, fixé sa date aux premiers mois de l'année 1490 (n. st.).
viri, amici et confederati carissimi, non sumus neglecturi promptam ac perpetuam affectionem vestram erga nos; et quoniam par est benivolis reddere vices, invitamur ultro ad vos amandum maxime. Ut ergo nichil desit ad cumulumreciproce amicitie nostre, commisimus dilectissimo ac fideli consanguineo nostro marchioni de Rothelino* agere et tractare apud vos de amplificatione mutue confederationis nostre, quemadmodum ab eo accipietis. Rogamus vos itaque uti, data verbis suis fide, aggrediamini bono animo negocium, quod procul dubio utile et sanctum erit. Datum, etc.
MGIX.
AU PARLEMENT DE PARIS
Amboise, 14 avril 1490.
Ordre de « rendre les sacs aux parties » touchant l'office de conservateur des privilèges de Poitiers. — (Arch. nat., X»*9320, fol. 84. Orig.)
De par le roy.
Noz amez et feaulx, nous vous avons par plusieurs foiz escript que voulsissiez rendre les sacz aux parties louchant l'oirice de conservateur des privilleges de Poictiers, combien que vous en ayons fait parler par nostre amé et féal conseillier et maistre des requestes ordinaire maistre Charles de la Vernade, ce que avez différé de faire. À ceste cause, nous en avons bien expressément parlé à noz amez et feaulx presidens et
1. Philippe de Hochberg, marquis de Rothelin, comte de Neuchâtel, mort en 1503.
conseillers qui sont derrcnierement venuz devers nous, et mesmement à nostre amé et féal conseiller et président maistre Robert Thiboust, affîn de vous en dire nostre voulloir et intencion sur ce. Sy vueillez faire en manière que congnoissions que nostre vouloir y soit acomply, car nous avons ceste matière très à cueur. Donné à Amboise, le xiiif jour d'avril.
Charles.
J. D AMONT
A noz amez et feaulx conseillers les gens tenans nostre court de Parlement à Paris.
Recepta xxiiij^ aprilis M° CCCC° nonagesimo.
MCX.
AU PARLEMENT DE PARIS
Amboise, 16 avril 1490.
Créance pour Aubert Le Viste, chargé par le roi de requérir l'entérineraent des lettres de don du comté d'Auxerre délivrées à Engelbert de Clèves. — (Arch. nat., X*» 9320, n» 82. Orig.)
De par le roy.
Noz amez et feaulx, nous envoyons pardevers vous
nostre amé et féal conseiller maistre Aubert Le Viste,
rapporteur en nostre chancellerie, auquel avons donné
charge vous dire aucunes choses de nostre vouloir
touchant le don que avons fait de la conté d'Auxerre
à nostre très chier et amé cousin Engelbert de Gleves^,
1. Engelbert, comte d'Auxerre, puis de Ne vers, d'Eu, etc., troisième fils de Jean P"", duc de Clèves, et d'Elisabeth de Bourgogne, marié, par contrat du 23 février 1489, à Charlotte de Bourbon-Vendôme; mort le 21 novembre 1506.
et aussi de l'entérinement des lettres du don que luy en avons fait, lesquelles voulons estre entérinées, ainsi que saurez par ledict Viste. Si le vueillez croire de ce qu'il vous en dira de par nous, et qu'il n'y ait faulte. Donné à Amboise, le xvi" jour d'avril.
Charles.
J. Damont.
A noz amez et feaulx conseillers les gens de nostre court de Parlement*.
Recepta xxij^*^ aprilis M° CCCC° nonagesimo post Pascha.
MCXI.
AU PARLEMENT DE PARIS
Amboise, 17 avril 1490.
Créance pour le grand écuyer d'Urfé, que le roi a chargé d'une communication à faire à la cour. — (Arch. nat., X** 9320, fol. 85. Orig.)
De par le roy.
Noz amez et feaulx, nous envoyons présentement
pardelà nostre amé et féal conseiller et chambellan le
sire d'Urffé, grant escuier de France, et nostre senes-
chal de Beaucaire, pour aucuns noz affaires qui nous
touchent grandement, et luy avons chargé vous dire
aucunes choses de nostre part. Si vous prions que le
vueillez croire de ce qu'il vous dira comme nostre
propre personne. Donné à Amboise, le xvii' jour
d'avril. • Charles.
E. Petit.
1. Aux n"' 91 et 92 du même registre sont des lettres signées du duc et de la duchesse de Bourbon et adressées au Parlement pour le môme objet.
A noz amez et feaulx conseillers les presidens de noslre court de Parlement à Paris.
Recepla xxiiij^^ aprilis M" CCCC° nonagesimo post Pascha.
MCXII.
AU PARLEMENT DE PARIS
Amboise, 17 avril 1490.
Invitation à expédier dans le plus bref délai possible le procès que le comte d'Angoulêrae poursuit devant la cour pour le comté de Périgord. — (Arch. nat., Xi»9320, n» 86. Orig.)
De par le roy.
Noz amez et feaulx, vous avez peu assez congnoistre par ce que par tant de foiz vous avons dit, fait dire et escript, le grant et singulier désir que avons à l'expedicion du procès que de si longtemps nostre très cher et très amé cousin le conte d'Angoulesme a pendant en nostre court de Parlement pour raison du conté de Perigort; et par noz amez et feaulx conseilliers et presidens en nostredicte court Jehan de la Vacquerie, chevalier, et maistre Robert Thiboust, maistres Guillaume Allegrin et Jehan Pellieu, aussi conseilliers en icelle nostredicte court, saurez nostre vouloir et intencion touchant ledict procès et la grande affection que avons fin estre mise en icelluy. Si les vueillez croyre et en la plus grant dilligence que faire se pourra vuyder et diffinir ledict procès sans aucun delay ou interrupcion, ainsi que tousjours vous avons escript et mandé, et que chascun de vous en droit soy y face en manière qu'il ne nous soit plus besoing vous en escripre et que nostredict cousin soit plus curieux et
ententif en noz affaires de nostre pays et duclié de Guyenne, où il s'est grandement et vertueusement conduit et gouverné jusques icy; et vous nous ferez service très agréable, car nous avons les affaires de nostredict cousin très à cueur. Donné à Amboise, le xvu^jour d'avril.
Charles.
J. D AMONT
A noz amez et feaulx conseillers les gens de nostre court de Parlement à Paris.
Recepte xx^aprilis M" CCCC nonagesimo post Pascha.
MCXIII.
AU PARLEMEOT DE PARIS
Tours, 30 avril 1490.
Invitation à ne point empêcher le président Robert Thiboust de prendre part régulièrement aux travaux de la commission dès longtemps instituée par le roi pour faire l'inventaire du Trésor des chartes. — (Arch. nat., X**9320, n" 93. Orig.)
De par le roy.
Noz amez et feaulx, vous avez peu savoir que pieça, pour bonnes, grandes et raisonnables causes, par noz lettres patentes nous avons commis aucuns de noz officiers à faire inventoire et registre de noz lettres, Chartres, tiitres etenseignemens estans ou trésor de nosdictes Chartres, qui par long temps ont esté et sont encore en très grant desordre : en laquelle commission a esté besongné par aucun temps par nosdicts commissaires, et encores présentement leur cscripvons
qu'ilz y vacquent et parachèvent de besongner ordinairement en la plus grant diligence que faire se pourra ; dont vous avons bien voulu advertir afin que ne empeschez ou divertissez nostre amé et féal conseiller et président en nostre court de Parlement maistre Robert Thiboult (sic), l'un desdicts commissaires, qu'il ne vacque et entende en icelle matière avec les autres commissaires, ainsi que leur escripvons. Donné à Tours, le derrenier jour de avril.
Charles.
Primaudaye.
A noz amez et feaulx conseillers les gens tenans nostre court de Parlement à Paris.
Recepte xvij maii M° CCCC nonagesimo.
MCXIV.
Tours, 3 mai 1490.
Créance pour Jean Bourré. — (Bibl. nat., ms. fr. 6602, fol. 167.
Orig.)
Très chiers et bien amez, nous envoyons présentement pardelà nostre chier et féal conseillier le sire du Plessis Bourré, trésorier de France, pour aucuns de noz affaires qui grandement nous touchent, et lui avons donné charge de vous dire aucunes choses. Si voulons, vous mandons et enjoingnons bien expressément que de ce qu'il vous dira de par nous vous le croyez et y adjoustez foy comme à nous mesmes, et
qu'il n'y ait point de faulte. Donné à Tours, le iif jour de may.
Charles, robineau.
(Sa7is adresse.)
MCXV.
AU PARLEMENT DE PARIS
Tours, 12 mai 1490.
Le roi est surpris de ce que les gens du Parlement n'ont répondu ni à ses lettres ni à la communication qu'il leur a fait faire par Jehan Pellieu. Il leur enjoint de ne rien faire contre l'appointeraent que le chancelier et le seigneur du Bouchage sont chargés de conclure entre Etienne Le Loup, maître d'hôtel du roi, le seigneur du Fau, Jean Le Gendre, trésorier des guerres, et autres. — (Arch. nat., X** 9320, fol. 99. Orig.)
De par le roy.
Noz amez et feaulx, vous scavez comme par plusieurs foiz vous avons cscript et fait dire par aucuns de vous, et mesmement derrenierement, nous, cstans [à] Amboisc, chargeasmes nostre amé et féal conseiller maistre Jehan Peilleu le vous dire et que vous nous feissiez responce du contenu des lettres que derrenierement vous escripvismes, dont n'en avez rien fait, ne ledict Peilleu ne nous en a fait aucune responce, de quoy sommes esmerveillez. Et, à ceste cause, de rechief vous en advertissons (jue le contenu d'icelles lettres sortissent (sic) leur effect, desquelles vous en envoions le double cy dedans encloz. Et si avons baillé charge à nostre amé et féal chancellier et le (sic) sei-
gneur du Bouchaige et autres pour appoincter nostre maistre d'ostel Estienne le Loup, le seigneur du Fau et son prestre (sic), Jehan le Gendre, trésorier de noz guerres, et ses compaignons; car nous desirons et voulons que appoinctement se y trouve. Et ce pendant ne faictes ne souffrez estre fait aucune chose ou préjudice de nostredict maistre d'ostel. Donné à Tours, le xii°jour de may.
Charles.
BOHIER
A noz amez et feaulx conseillers les gens tenant nostre court de Parlement.
Recepta xvij'^ maii M° CCCC nonagesimo.
MGXVI.
AU PARLEMENT DE PARIS
Moulins, 12 juillet 1490.
Ordre de recevoir sans tarder davantage comme conseiller à la cour maître Pierre Le Clerc, auquel le roi a donné cet office en considération de son mariage avec la fille de son premier médecin feu Jehan Michel, et ce bien que ledit Le Clerc n'ait pas été élu par la cour. — (Arch. nat., X^» 9320, n° 117. Orig.)
Noz amez et feaulx, nous avons veu les lettres que nous avez escriptes, par lesquelles nous faictes savoir la cause pour laquelle avez différé de recevoir nostre amé et féal maistre Pierre Le Clerc en l'office de nostre conseillier en la court, que lui avons puisnaguieres donné en faveur du mariage de luy et de la
fille de feu maistre Jehan Michel, quant vivoit nostre premier médecin, qui est pour ce que icelluy Le Clerc n'a esté esleu par nostredicte court pour estre nostre conseillier, comme il est requis en ensuivant l'ordonnance sur ce faicte. Et pour ce que nous desirons que ledict mariage sortisse son effect et que ledict Le Clerc soit reçu oudict office en contemplacion et recompense des très loyaulx services que ledict feu maistre Jehan Michel nous a faiz, pour lesquelz nous avons esté raeuz à garder ledict office depuis son trespas pour aider à marier sadicte fille, ainsi (jue plus à plain est contenu en noz lettres de don, par lesquelles nous, advertiz que ledict Le Clerc n'avoit esté esleu par nostredicte court, l'avons de ce dispensé et relevé, à ceste cause, et aussi que l'en nous a dit que ledict Le Clerc est homme de bien, ydoine et souffisant pour exercer ledict office, tout ainsi qu'il vous est mandé par nosdictes lettres de don, sans vous arrester à ce qu'il n'a esté esleu, attendu que par nosdictes lettres de don il en est dispensé et relevé, car nous entendons que ce soit sans préjudice de ladicte ordonnance pour ceste foiz, si y faictes en manière que les parties n'ayent cause d'en revenir devers nous, et vous nous ferez plaisir bien agréable. Donné à Molins, le xii* jour de juillet.
Charles.
H. BOHIER
A noz amez et feaulx conseilliers les presidens et gens de nostre court de Parlement à Paris.
Recepta xxiiij^ j'ulii M° CCCC° nonai^csimo.
MCXVII.
A l'évêque de cambrai.
Après le 8 février 1491.
Il désavoue les aventuriers qui se sont emparés par surprise du Cateau-Cambrésis sur les gens de l'évêque. — (Molinet, Chroniques, édit. Buchon, IV, 194.)
Beau cousin, etc., ceulx qui vous ont fait ceste traverse en la prinse du Ghasteau ne sont de nos gens, ains les avons faicts deschasser et bannir de nostre royalme et pour leurs démérites fait faire justice par les prevosts des bonnes villes. Nous vous envoyons commissaires pour les faire desloger brief et sans vos despens, car nous voulons entretenir la neutralité comme par cy devant a faict Mons'^ nostre père, et vous en baillerons lettres confirmatoires telles qu'il vous plaira, etc.^.
1. La conquête de Bretagne achevée, vers le mois de février 1491, « plusieurs mauvais garnemens » de diverses nations, bannis du royaume de France, se jetèrent par une nuit sombre sur la ville de Cateau-Cambrésis, qui « tenait neutralité » et appartenait à l'évêque de Cambrai, Henri de Berghes. Ils étaient au nombre de deux cents chevaux et de cinq à six cents piétons, qui, conduits par l'Espagnol D. Juan de Cervillon, par Gilles de Louvain et par « l'abbé de Soissons », réussirent, « par faulte de bonne garde », à pénétrer dans la ville au cri de « Vive le roy ! » L'évêque, « très déplaisant » de cette aventure, en prévint aussitôt le seigneur d'Esquerdes, qui se hâta d'avertir le roi. Celui-ci envoya des commissaires au Cateau afin d'en expulser D. Juan et sa bande. Ils n'y réussirent pas, et, durant sept mois, le Cambrésis fut « robbé, foulé et mis en si grande désertion et gastine plus que jamais par avant n'avaient fait
DE CHARLES YIII.
MGXVIII.
