A PIERRE BRIÇONNET
Turin, 6 août 1495.
Les gens de guerre de Pise et de Pietrasanta font des courses sur les terres de la seigneurie de Lucques ; ordre de les faire cesser. — (Orig. Arch. de l'Etat de Lucques, Anziani, n° 445. Comm. par M. Hérelle.)
De par le roy de France, Secile et Jherusalem.
Nostre amé et féal, autrefFoiz avons escript au cappitaine de Pize^ touchant les courses et pilleries que les gens de guerre qui sont audict Pize faisoient sur les terres et subgectz de la seigneurie de Lucques et,
1. Robertet de Balzac, seigneur d'Entragues, celui-là même que Commynes qualifie d' « homme mal conditionné. » Il avait trouvé moyen, grâce à la protection du comte de Ligny, de se faire donner par le roi la capitainerie de la « roque » de Pise et celle de Petrasanta. Il vendit plus tard ces places aux Italiens. (Cf. Mémoires de Commynes, édit. Mandrot, t. II, p. 245, 344.)
comment que ce feust, que l'on les fist cesser. Touteffoiz, nous avons esté advertiz que lesdicts gens de guerre dudîct Pize, aussi ceulx qui sont à Petre Sancte, courent tous les jours en ladicte seigneurie de Lucques et y pillent et prenent plusieurs marchandises, biens, sommiers et autres choses, ce que n'entendons pas et en sommes très mal contens, actendu que tousjours ilz nous ont esté et sont bons et loyaulx amys. A ceste cause voulons et vous mandons que le dictes et remonstrez audict cappitaine de Pize et que vous et luy y pourvoiez en façon que lesdictes pilleries cessent sur lesdictes terres et subgectz de ladicte seigneurie de Lucques, ou autrement ne serons pas contens et y donnerons provision telle qu'il appartiendra. Donné à Thurin, le \f jour d'aoust.
Charles.
DUBOYS
A nostre amé et féal conseiller et gênerai de noz finances en Languedoc, maistre Pierre Briçonnet.
DGCGC.
AU DUC DE BOURBONNAIS
Turin, 6 août 1495.
Ordre de faire exécuter les lettres de mainmise sur les terres et seigneuries d'Armagnac, nonobstant l'opposition des Parlements de Paris et de Toulouse. — (Copie. Bibl. nat., Nouv. acq. fr. 1232, fol. 286.)
De par le roy.
Mon frère, plusieurs foys vous ay rescript touchant le faict des terres et seigneuries d'Armignac affin
qu'elles feussent mises en ma main et que les mandemens et provisions que j'en avoye pour ce octroyez feussent mis à deue exécution*, dont n'a esté rien fait, car les Parlemens de Paris et Tholose incessamment baillent provisions et appoinctemens au contraire, en venant tolallement contre ma voullenté et en travailhant ceulx qui, par mon commandement, ont porsuivy ladicte matière, dont ne suis comptant, mon frère, pour ce que je veul que ladicte matière sorte son effect; et à ceste fin faictez arester ladicte cause en mon Grant Conseil, et aussi faictez exécuter les mandements et provisions de point en point selon leur forme et teneur.
Mon frère, à ce que je entands, les seigneurs de Montault et Marestaing, quelques defifenses qui leur ayent esté faictes, ne cessent de lever les deniers desdictes terres d'Armignac (et) je suis adverty que à ceste heure sont à lever la pluspart desdicts deniers, principallement en pais de Rouergue. Pour ce, donnez y si bonne provision que les deniers ne tumbent en autres mains que de ceulx que par lesdicts commissions je y ay ordonnez, et vous prie, mon frère, que y faictes de vostre part en façon que les choses dessusdictes portent leur effect comme je l'entands et que l'on ne aille plus au contrayre. J'envoye de par delà le seigneur de Gardailhac pour fere la poursuite de ceste matière : je vous prie que luy faictez fere la plus briefve expédition que faire ce pourra, et en escripvez aux Parlemens de Paris et Tholoze affin que
1. Cf. ci-dessus lettres des 6 avril 1489 et 5 février 1495, n" CCCCXI et DCCCXLVIII.
ne se meslent plus de ceste matière, en façon que je n'aye occasion d'estre mal comptent. Mon frère, Nostre Seigneur soit garde de vous. Escript à Thurin, le VI* jour d'aoust.
Charles.
DUBOYS
A mon frère le duc de Bourbonnoys et d'Auvergne. DCGCCI.
