Jean-Galéas, mort le 22 octobre 1494 à Pavie
cun an le faire tenir quicte d'icelle somme sur sesdictes marchandises ou autres jusques à fînalle satisfacion et payement desdicts m'* C ducatz d'or, selon la nature et continence des lettres patentes dessusdictes. Et en ce le faictes tellement traicter qu'il n'ait cause d'en retourner devers nous, et comme vouldriez que feissions pour voz subgectz en cas semblable, ce que ferions quant nous en requerriez. Et à Dieu, mon cousin, qui vous ait en sa garde. Escript à Lyon, le XV' jour de décembre*.
Charles.
robertet.
A mon cousin le duc de Millan.
DCCCGLIX.
AUX HABITANTS DE TROYES
Lyon, 21 décembre 1495.
Exemption du logement des gens de guerre. — (Orig. Arch. mun. de Troyes, AA 48, liasse 5. Publ. dans Annuaire-Bulletin de la Soc. de Vhist. de France, 1888, p. 214.)
De par le roy.
Chers et bien amez, à [nostre] retour d'Ytalie, nous avons ordonné partie de noz gens d'armes estre logiez en noz pais et conté de Ghampaigne, mesmement en nostre ville et cité de Troyes. Et depuis, à la requeste de nostre cher et amé cousin le sire d'Orval^, gouver-
1. Sur cette réclamation déjà ancienne et plusieurs fois réitérée, cf. ci-dessus, p. 43, n. 1.
2. Jean d'Albret, seigneur d'Orval, gouverneur de Champagne, mort en 1524.
neur dudict pays, qui nous a remonstré l'exemption que pieça nostredicte ville a de n'y logier aucuns desdicts gens, aussi considerans la bonne amour et grande loyaulté que entre vous habitans avez tousjours eue et avez à nous, nous avons esté et sommes bien contens que joissiez de ladicte exempcion et que à nostredicte ville n'y ait aucuns gens d'armes ne garnisons, sinon que ce soient les gens d'armes dont nostredict cousin a la charge, saichans que vous n'en serez travaillez, mais par luy tellement traictez que vous aurez cause d'en estre bien contens. Et au surplus, vous prions que de vostre part vous donnez tousjours bien garde de nostredicte ville, et en ce et autres noz affaires de pardelà, quant besoing sera, vous employez à nous servir ainsi que en vous nous avons entière confidence. Et si aucuns gens de nosdictes ordonnances se voulloient efforcer logier en nostredicte ville, faictes le nous savoir, afïin d'y pourveoir, se mestier est; car pour riens nous ne le souffrerions, mais leur défendons très expressément, et sommes délibérez d'avoir tousjours vous et les affaires d'icelle nostre ville en toute bonne souvenance et singulière recommandacion. Donné à Lyon, le xxi* jour de décembre.
Charles.
BOURDIN
A noz chers et bien amez les gens d'église, nobles, maire, eschevins, conseillers, bourgeoys, manans et habitans de nostre ville et cité de Troyes.
