Voy. ci-dessus la lettre du 13 avril, n° DCCLXVIII

chant, parent d'aucuns noz officiers et serviteurs domestiques, nous avons très grant vouloir et désir qu'il soit en ses affaires favorablement traicté, et à ceste fin avons fait remonstrer à nostre cousin le seigneur Galias afin qu'il vous en voulsist advertir. Si vous prions de rechef le plus affectueusement que fere povons que, en faveur et pour amour de nous, vous vueillez avoir ledict Jehan du Peyrat pour recommandé, et le faire appoincter, ou lieu desdicts cent ducatz par chacun an, de ll% à les avoir et prandre c'est assavoir cent sur les daces de Carmonne^ XL sur les daciers de Plaisance et lx sur Pavye, et en ce faisant luy permectre qu'il les puisse prandre, tant sur sa marchandise qu'il mènera que autres, jusques à la somme de if ducatz d'or par chacun an, jusques en fin de payement, et avecques ce qu'il les puisse ascenser à qui bon luy semblera. Et, au surplus, le vueillez traicter et fere traicter le plus gracieusement que fere ce pourra et ordonner ausd. daciers qu'ilz ne luy donnent ne à sesdictes gens, serviteurs et conduicteurs de sesdictes marchandises aucunes paines et travaulx, et tout ainsi que vouldriez que feissons pour voz subgectz en cas semblable ou greigneur. En quoy faisant, nous ferez plaisir très agréable. Très cher et très amé cousin, Nostre Seigneur vous ayt en sa garde. Escript à Lyon, le xxvn* jour de may.

Charles.

robertet.

A nostre très cher et très amè cousin le duc de Millau.