Lisez Jules Orsini. (Delaborde, ouvr. cit., 400 s
advertiz que Augustin de Crema, homme d'armes de noz ordonnances soubz la charge de nostre très cher et très amé frère le duc d'Orléans et filz du potestat de la ville de Aron^ pour raison et à cause de certain débat duquel ne s'est ensuivy murdre ne effusion de sang, comme l'en dit, a esté banny des terres et seigneuries de la duché de Millan, esquelles à ceste cause il n'oseroit retourner s'il n'avoit sur ce grâce et provision convenables, par quoy nous a fait supplier vous en escripre en sa faveur, ce que voulentiers luy avons accordé en faveur des bons services qu'il nous a par cy devant faiz et fait encores chacun jour. Si vous prions bien affectueusement que, pour amour de nous et à nostre requeste, vous luy vueillez quitter et pardonner ledict cas et le rappeller dudict bannissement, et en ce tellement le traicter et faire traicter qu'il puisse seurement aller converser et retourner esdictes seigneuries tout ainsi qu'il faisoit auparavant ledict débat, attendu mesmement que aucun murdre ne s'en est ensuy, comme dit est. Et vous nous ferez en ce faisant plaisir très agréable. Très cher et très amé cousin, Nostre Seigneur vous ait en sa garde. Escript à Ast, le xviif jour de septembre.
Charles.
robertet.
A nostre très cher et très amé cousin Ludovic, duc de Bar.
1. Arona, ville du Milanais, sur la rive occidentale du lac Majeur, district de Novare. [Dizionario, etc.]
DCCGIII.
A LUDOVIC SFORZA
Asti, 18 septembre 1494.
Prière de faire rendre bonne justice au comte Jean Borromée, qui a été lésé dans ses intérêts par le testament du feu comte Vitalien, son frère. — (Orig. Arch. de Milan.)
Très cher et très amé cousin, nostre très cher et bon ami le conte Jehan Bouronnè nous a fait dire et remonstrer que le feu conte Vitalien, son frère, pour certaine grant haine qu'il avoit conceue contre luy à tort et sans cause, comme l'en dit, avant son trespas, fit certain testament par lequel iceluy conte Jehan a esté grandement intéressé, et à ceste heure s'en est meu procès entre luy et les héritiers dudict feu conte Vitalien. Et, pour ce que nous desirons ledict conte Jehan Bouronnè estre audict procès favorablement traicté et son bon droit estre en iceluy gardé pour consideracion d'aucuns bons services qu'il nous a faiz et fait encores chacun jour, nous avons esté meuz vous en escripre. Si vous prions bien affectueusement que, en faveur de nous, vous vueilliez faire vuider ledict procès et en iceluy faire fere et administrer bonne et briefve expedicion de justice audict conte Jehan en luy gardant et faisant garder son bon droit, ainsi que faire se devra selon raison. Et vous nous ferez, en ce faisant, plaisir bien agréable. Très cher et très amé cousin, Nostre Seigneur vous ait en sa saincte garde. Escript à Ast, le xviii® jour de septembre*.
Charles.
robertet.
