Olivier de Coëtlogon avait été institué procureur général
DE CHARLES YIII. 103
DCCCIX.
A l'évêque de troyes.
^ontremoli, 29 octobre 1494.
Emprunt de 1,500 écus d'or sur le clergé du diocèse de Troyes. — (Publ. par Godefroy, Hist. de Charles VIII, p. 687.)
De par le roy.
Nostre amé et féal, nous vous avons bien voulu advertir comme pour parachever l'exécution de nostre présente entreprise, qui est pour le recouvrement de nostre royaume de Naples, nous sommes venus deçà les monts es pays d'Italie, où nous avons trouvé les matières avancées et si bien disposées à nostre advantage que nous avons esté conseillez de tirer en avant, et avons passé les Alpes de Boulongne ; et desja nos gens de guerre, à l'occasion de ce que les Florentins se sont déclarez pour le roy Alphonse, ont pris et mis en nostre obéissance aucunes bonnes villes et places fortes sur lesdicts Florentins, et espérons brief tirer vers Florence et de là aller à Rome et y estre environ Noël prochain venant, où nous sommes délibérez de traiter du fait de l'église gallicane, afin de la réduire et mettre en ses anciennes libériez, et mieux, si possible nous est, au grand honneur et bien d'icelle, ainsi que de tout nostre cœur desirons. Et pour ce
de Bretagne au commencement de l'année 1488. (D. Morice, Preuves de Vhist. de Bretagne, III, 578.) Dans cette année et les suivantes, il fut chargé de nombreuses missions diplomatiques. (A. de la Borderie, le Complot breton de lk91, p. 6, n. 9.)
que nous avons de grandes despenses à supporter pour la conduite de nostredicte entreprise, et que nous sommes certains que ne nous voudriez faillir au besoin, mais nous secourir, veu mesmement que nostre personne y est et en pays estrange; à ceste cause, nous vous prions sur tant que desirez le bien et honneur de l'église, le nostre et le vostre, que vous nous veuilliez prester et avancer par les gens d'église, tant des abbayes, chapitres que autre clergé de vostre diocèse, non comprins les exempts, la somme de quinze cens escus d'or couronnez, à la rendre dedans un an prochain venant ; et pour ce faire, si voyez que besoin soit, faites assembler lesdicts gens d'église de vostredict diocèse, à tel jour que adviserez, pour leur remonstrer bien amplement nostredicte affaire, ou sinon envoyez leur particulièrement leurs cotisations de ce qu'ils pourront porter de ladicte somme, afin que chascun en son égard nous y fasse ayde et secours, et icelle somme faites bailler et délivrer le plus promptement que faire se pourra entre les mains de maistre Louys de Poncher, commis à l'extraordinaire des guerres, qui vous en baillera, pour seureté de vostre remboursement, reconnoissance signée de sa main ; et en iceluy vostre remboursement n'y aura point de faute au terme dessusdict, et si vous en ferons appointer sur le plus prochain receveur de vostre diocèse, si bien que vous aurez cause de vous en louer et contenter, en rendant ces présentes signées de nostre main avec ladicte reconnoissance : et le service que nous ferez à cettuy nostre grande affaire et besoin ne mettrons jamais en oubly, ainsi que plus à plain serez adverty par nostre amé et féal conseiller l'archevesque
de Sens*, auquel nous avons escrit vous en solliciter. Donné à Pontremole^, le xxix* jour d'octobre.
BOHIER
A nostre amé et féal conseiller l'evesque de Troyes^ ou à ses vicaires.
DCCCX.
AU DUC DE MILAN
Pontremoli, 30 octobre 1494.
Prière de faire conduire en sûreté les clercs du trésor, porteurs de l'argent destiné aux troupes. — (Orig. Arch. de Milan.)
Mon cousin, j'ay eu nouvelles qu'il y a des clercs de mes trésoriers des guerres qui sont sur les champs, qui amènent quelque argent par deçà pour le paiement de mes gens d'armes. Je vous prie que les faictes conduire en bonne seureté jusques devers moy. Hz se adresseront à voz officiers pour avoir conduicte, ausquelz ferez savoir que pour le présent et l'avenir, quant ilz passeront, qu'ilz leur baillent de ladicte conduicte. Et adieu, mon cousin*. Escript à Pontremolle, le pénultième jour d'octobre.
Charles.
BOHIER
A mon cousin le duc de Millan et de Bar.
