Traité de paix du 23 mai
2. Cf. ci-dessus la lettre aux habitants d'Amiens du 9 avril, n° DCCLXIII.
3. Cf. l'art. 39 du traité ci-dessus. (Godefroy, ouvr. cit., p. 649.)
de jour en jour, nous vous prions et neantmoins mandons que, incontinent ces lettres veues, vous despeschiés ledict scellé en la fourme dont vous envoyons la minute cy dedens enclose. Et, ce fait, le bailliez à ce porteur, lequel nous envoyons expressément par devers vous pour cette cause. Et n'y vuelliez fere faulte sur tout le service et obéissance que fere nous desirez. Donné à Florence, le xxi® jour de novembre.
Charles.
robertet.
A noz chiers et bien amez les prevostz et jurez de nostre ville de Tournai.
DCCCXX.
AUX HABITANTS DE LYON
Florence, 22 novembre 1494.
Ordre de verser incontinent entre les mains de Louis Poncher, commis à l'extraordinaire des guerres, le restant des 10,000 1. t. par eux promises pour subvenir aux frais du voyage de Naples. — (Orig. Arch. mun. de Lyon, AA 20, fol. 69.)
De par le roy.
Très chiers et bien amez, vous savez comme dernièrement, nous estans à Lyon, pour nous aider à subvenir aux grans despenses que faire nous convient pour la conduicte de nostre présent affaire, qui est pour le recouvrement de nostre royaume de Naples, à la poursuite duquel nous sommes en personne (et vont les choses si bien, grâces à Dieu, à nostre avantaige que mieulx ne pourroient), vous nous octroyastes liberallement la somme de dix mil livres tournois,
laquelle vous promistes bailler et délivrer dedans certain temps après entre les mains de nostre amé et féal notaire et secrétaire maistre Loys de Ponchier, par nous commis à l'extraordinaire de noz guerres. Touteffois, ainsi qu'il nous a dit, combien que le temps prefix dedans lequel vous lui doibviez bailler icelle somme soit pieça escheu et passé, et que de ce vous ayez esté par pluseurs fois sollicitez par ses gens, il n'a encore entièrement esté payé de ladicte somme, dont nous sommez bien esmerveillez. Car despieça les autres villes franches de nostre royaume qui nous y ont secouru de leur part ont fait leur devoir de payer promptement les sommes qu'ilz nous ont données, congnoissans la grandeur de nostre affaire, qui requiert prompte execucion, auquel ne nous est possible de subvenir sans l'ayde de noz bons et loyaulx subgectz, du nombre desquelz vous reputons. Et pour ce vous prions et neantmoins mandons, sur tout le service que jamais nous vouldriez faire et que desirez nostre bien et honneur, que, si vous n'avez encore entièrement fourny ladicte somme audict de Ponchier, incontinent ces lettres veues, vous lui baillez ou à son commis le reste, affin qu'il le puisse faire venir par deçà en toute dilligence pour employer en sa commission, autrement nous en pourrions demeurer en arrière, où sommes certains que ne prendriez pas plaisir. Sy ne nous veillez faillir à ce besoing. Donné à Florance, le xxii* jour de novembre.
Charles.
Dubois.
A noz chers et bien amez les bourgeois, manans et habitans de nostre ville de Lyon.
DCCCXXl.
A LA SEIGNEURIE ET COMMUNAUTÉ DE SIENNE
Florence, 26 novembre 1494.
Prière de préparer les vivres nécessaires à son armée. — (Orig. parch. Arch. de Sienne, Riformazioni.)
Charles, par la grâce de Dieu roy de France. Très chers et grans amys, pour ce que nous partirons demain de ceste ville pour aller à nostre emprise et recouvrement de nostre royaume de Napples, nous vous prions tant et si cordiallement que faire povons que vous veueillez faire et faire faire le plus grant amatz de tous vivres que faire pourrez, affin que nous et nostre compaignie n'en puisse[nt] avoir nécessité. Et vous nous ferez en ce faisant plaisir et service très grant et agréable, vous signiffians que s'il y a aucuns, quelz qu'ilz soient, qui vous facent nulles forces, viollances ne dommaiges, faictes les mectre en escript et prendre leurs noms et meffaitz et les compaignies dont ilz seront par information. Et à nostre passer en ferons faire telle reparacion, corrextion et pugnicion que devrez estre bien contens, ainsy que plus à plain avons donné charge à nostre amé et féal conseiller le seigneur de Notz\ pourteur de cestes, vous dire et declairer de par nous, lequel veueillez croire de ce qu'il vous en dira. Très chers et grans amys, Nostre Seigneur vous ait en sa digne garde. Donné à Florence, le xxvi* jour de novembre.
robertet.
