Nepi; cf. ci-dessus, p. 134. Cette lettre est perdue

estoient mes affaires. Depuis, nostre Sainct Père le Pape a plusieurs foys envoyé ses ambassadeurs devers moy, et moy, de ma part, j'ay envoyé devers lui des myens. Et tellement ont esté traicteez les choses que, quant il a veu que j'approuchoye, avecques partie de mon armée, ceste ville de Romme, et que en icelle j'avoye bonne intelligence, il a donné chemin au duc de Calabre^ et à ses gens, et s'en est allé ledict duc de Calabre dedans le royaume de Napples. Et avant son partement, nostredict Saint Père, entre autres choses qu'il demandoit, me fist requérir par plusieurs legatz et cardinaulx, bailler seureté et sauf conduit audict duc de Calabre et à ses gens, pour plus seurement eulx retirer, de paour de la rencontre de nos gens, laquelle, à sa requeste, luy octroyay liberallement. Et la print et accepta nostredict Saint Père en la forme dont je vous envoyé le double cy encloz. Aussi nostredict Saint Père a mis à plaine délivrance les cardinaulx Ascanyo et de Saint Severin et les m'a envoiez au devant, avant mon entrée en cestedicte ville.

Depuis ces choses, je me suis tousjours approuchié et suis entré en cestedicte ville avec la force de gens d'armes et gens de pié que j'ay voulu. Mais, à l'occasion de ce que encores n'y â rien conclud entre nostredict Saint Père et moy touchant ce que je lui ay requis et demandé pour ma seureté, je ne l'ay veu ne parlé à luy, combien que je m'en soye mis en tout devoir et raison ; toutesfois, je suis tousjours après pour besongner avecques lui et y conclurre, et ce fait,

1. Alphonse, duc de Calabre, fils de Ferdinand P"" et d'Isabelle, roi de Naples sous le nom d'Alphonse II, 1495. On a vu plus haut qu'il occupait Rome.

je despescheray la poste, par laquelle je vous feray entièrement savoir tout ce que fait y sera.

Mon frère, veu la grant declaracion que nostredict Sainct Père a fait jusques cy de porter et favoriser mon adversaire en gens, places, argent, et autres aydes et praticques qu'il a menées et conduites secrètement à mon desavantage et préjudice, je suis conseillié surtout envers luy asseurer mon passaige et mon cas; car si je ne le faisoye, vous entendez assez l'inconvénient et mal qui m'en pourroit advenir. Au demourant, mon frère, j'ay receu unes lettres de vous du xv^ de décembre, par lesquelles me faictes savoir qu'avez mandé aux cappitaines estant sur les extremitez du royaume qu'ilz facent retirer les gens d'armes [et] tenir chascun en sa garnison, qui a esté très bien fait. Et vous prie, mon frère, y avoir l'œil et vous en donner garde, ainsi [que] je suis seur que bien faire sçaurez.

Pareillement a esté très bien advisé de faire mettre sus et tenir pretz les arriéres bans et francs archiers pour ce, se affaire venoit en quelque endroit de nostre royaume, que l'en les peust plus promptement recouvrer et s'en servir.

Mon frère, en escripvant ces présentes, est arrivé la poste et la lettre que vous avez envoyée, et ay receu plusieurs lettres de vous ; et quant à ce que par les unes me faictes savoir la bonne dilligence que avez faicte d'envoyer les lettres nécessaires pour l'emprunt du clergé, je vous en mercye et vous prye y tenir la main en manière que j'en aye nouvelles le plus tost que faire ce pourra.

Vous avez bien fait de communiquer au mareschal

de Baudricourt touchant les affaires du pays de Bourgogne, et de l'avoir renvoyé pour y secourir et donner ordre audict pays^

Mon frère, pour ce que je sçay qu'il faut faire des voyages et autres fraiz pour mes affaires, j'escripz aux generaulx Gaillart et de Normandie^ pour faire payer tout ce que vous ordonnerez. Au surplus, j'ai sceu qu'il a esté fait quelque désobéissance au bailliage d'Alençon par les officiers qui y sont, et m'a l'en adverty que ladicte désobéissance est grandement contre mon auctorité^. A ceste cause, je vous prye vous enquérir et informer, et en ce que requerra donner provision, faictes le. Ayez bien regard que telles choses n'ayent point de Heu en mon royaume, car vous savez assez les inconveniens et maulx qu'elles peuvent causer en ung pays.

Mon frère, faictes moy souvent savoir de vos nouvelles et ce qui surviendra et je vous manderay des myennes. Et à Dieu, mon frère, qui vous ait en sa saincte garde. Escript à Romme, le xn® de janvier.

Mon frère, j'ay eu nouvelles et lettres de mes gens que j'ay envoyé devant pour tousjours entrer en pays, que deux contez estans en mon royaume de Napples se sont reduictes et mises en mon obéissance, et qu'il y a esdictes contez ung grant nombre de bonnes places, desquelles je pourroye estre servy et

1. Sur les menées de Maximilien en Bourgogne et les mesures de défense prises par Baudricourt, cf. Rossignol, la Bourgogne sous Charles VIII, p. 188.