A LA SEIGNEURIE DE SIENNE

Rome, 14 janvier 1495.

Christophe del Bonfalo et autres bourgeois de Rome se sont plaints devers lui, disant que nombre de chevaux et autres

bêtes leur avaient été ravis par des gens de Sienne; prière à la Seigneurie d'ordonner une enquête à ce sujet et de faire restituer aux suppliants ce qui leur a été pris. — (Orig. parch. Arch. de l'Etat de Sienne, Riformazioni, Comm. par M. Hérelle.)

Charles, par la grâce de Dieu roy de France. Très chers et grans amys, nostre cher et bon amy Ghristofle del Bonfalo et autres citadins de ceste ville et cité de Rome nous ont fait remonstrer que, par aucuns des habitans de voz terres, leur ont esté prins et raviz plusieurs chevaulx, jumens et autres bestes jusques au /lombre de quatre cens ou environ, qui sont de grant valleur et extimacion, faignant que c'estoient de noz gens. Et, pour ce que telles choses sont de très mauvais exemple et que desirons la matière estre adverée et lesdicts chevaulx, jumens et autres bestes estre rendues audict Ghristofle del Bonfalo et autres citadins de ladicte ville de Romme à qui elles peuent appartenir, nous vous prions bien affectueusement que, en faveur de nous, vous vueillez faire informer qui a prins iceulx chevaulx et jumens, et, si trouvez que aucuns de voz gens et subgectz les aient prinses, les leur faire rendre et restituer à la plus grant diligence que faire pourrez. Et, ce faisant, nous ferez plaisir très agréable que recongnoistrons envers vous quant d'aucune chose nous requerrez. Très chers et grans amys, Nostre Seigneur soit garde de vous. Donné à Romme, le xiiii® jour de janvier.

Charles.

GiRAULT.

A noz très chers et grans amys les consul et Seineurie de Senne.

DCCCXL.

AU DUC DE MILAN

Rome, 17 janvier 1495.

Il lui envoie le double du traité qu'il vient de conclure avec le pape; prière au duc de venir le rejoindre. — (Orig. Arch. de Milan. Comm. par le comte Delaborde.)

Mon cousin, en ensuivant vostre bon conseil et advis et du contenu es lettres que tousjours m'avez escriptes, qui estoit que je devoys sur toutes choses prandre mes seuretez de nostre Saint Père avant que passer outre, et, ce fait, ne m'arrester à nulle praticque, mais poursuir ma fortune et le parachèvement de mon emprise, j'ay conclud et arresté avecques nostredict Saint Père* les articles dont je vous envoyé le double, afin que par icelluy voyez ce que fait y a esté et ce que nostredict Saint Père doit faire pour moy. Car je ne vous vueil riens celler, mais maintenant mieulx que je ne feiz oncques, entenz user de vostre bon consel et advis, duquel je me suis très bien trouvé. Au surplus, mon cousin, par les lettres que je vous ay escriptes par mon cousin le seigneur Galeas et George Tiercelin, mon varlet de chambre, vous avez peu veoir le grant désir que j'ay que soyez icy avecques moy, par quoy je vous prie que, après ce que vous aurez mis ordre en voz affaires de delà, que vous en vueillez venir pour m'aider à conduire et guyder le demourant de mon affaire. Et soyez asseuré,

1. 15 janvier 1495. La ratification eut lieu le 18. (Cf. Delaborde, Expédition, p. 517-519.)

mon cousin, que vous et mon cousin le vischancellier vostre frere en serez participans, et, veu les services et plaisirs que m'avez faiz et faictes chacun jour et que j'espère encores que me ferez, la raison veult bien que ainsi le face, et congnoistrez par effect que je ne seray ingrat envers vous ne luy, car je scay certainement que, si je y ay honneur, vous et lui en serez principallement cause. Et, pour ce, mon cousin, je vous prie persévérer en vostre bon vouloir envers moi. Et à Dieu, mon cousin, qui vous ait en sa saincte garde. Escript à Rome, le xvii' jour de janvier.

Charles.

robertet.

A mon cousin le duc de Millan.

DCCGXLI.

AU DUC DE BOURBONNAIS

Rome, 17 janvier 1495.

Il lui envoie le double du traité conclu entre le pape et lui; son entrevue avec le pape dans les jardins de Saint-Pierre; l'évêque de Saint-Malo a été fait cardinal. — (Publ. par M. de la Pilorgerie, Campagne et bulletins de la grande armée d'Italie, p. 152, et par M"^ Dupont, Mémoires de Commynes, Preuve XLI, t. III, p. 395, d'après l'imprimé de la Bibl. de Nantes.)

Mon frere, hyer au soir, qui fut le xv® jour de ce présent moys, furent concluz et accordez entre nostre Saint Père et moy les articles dont je vous envoyé le double cy encloz. Et, par iceulx, pourrez veoir bien au long comme je suis demouré envers Sa Saincteté et ce qu'il a fait pour moy, et aussy ce que je dois faire

pour luy, et comme tous differens sont entre nous pacifiez. Et, pour ce que encores je n'avoye veu ne parlé à nostredict Saint Père, je suis ce jourduy matin party du palais Saint Marc où j'estoye logié et m'en suis venu oyr la messe en l'église Saint Pierre et disner et logier au palais de nostre Saint Père, lequel il m'avoit fait préparer; et est ung très beau logis et aussi bien acoustré de toutes choses que palais ne chasteau que je vis jamais. Et, après disner, nostredict Saint Père, qui estoit en son chastel Saint Ange, est venu audict palais où nous sommes entrerencontrez et veuz en ung jardin qui est allentour de la gallerie par laquelle l'en va audict chastel Saint Ange. Il m'a fait grant accueil et de l'onneur largement et monstre avoir très bonne affection envers moy, dont je vous ay bien voulu advertir, et pareillement de la promotion à la dignité cardinale de monsieur de Saint Malo*, laquelle ce jourduy, par nostredict Saint Père en ma présence et d'une grant partie des cardinaulx, a esté faicte à ma prière et requeste.

Mon frère, incontinent que j'auray mis fin à mon affaire d'icy et que j'auray advisé et conclud le chemin que je tiendray au partir de ceste ville de Romme, je le vous feray savoir, et pareillement de toutes autres choses qui seront survenues. Faictes moy savoir de vostre part de voz nouvelles et ce que sera survenu par delà. Et à Dieu, mon frère, qui vous ait en sa saincte garde. Escript à Romme, le xvii® jour de janvier. Charles.

ROBERTET

1. Guillaume Briçonnet, promu cardinal le 16 janvier au titre de Sainte-Puden tienne.

DGGCXLII.

AU DUC DE BOURBONNAIS

Rome, 20 janvier 1495.

Lettre de créance pour Gilbert de la Lande, chargé de lui porter des nouvelles du roi. — (Orig. Bibl. de Pétersbourg. Copie. Bibl. nat., autographes de Pétersbourg, Saint-Louis à François //, fol. 27.)

De par le roy.

Mon frère, je vous ay tousjours escript et fait savoir par les postes tout ce qui est survenu, et mesraement derrenierement l'appoinctement fait des differens qui estoient entre nostre Saint Père et moy^ Encores d'abondant j'ay chargé Gilbert de la Lande, votre serviteur, porteur de cestes, vous en compter bien au long et dire de mes nouvelles. Je vous prie, mon frère, que le vueillez croire et de vostre part me faire savoir des vostres, et vous me ferez plaisir. Et à Dieu, mon frère, qui vous ait en sa saincte garde. Escript à Rome, le xx* jour de janvier.

Gharles.

robertet.

A mon frère le duc de Bourbonnoys et d'Auvergne.