Le bâtard Charles de Bourbon. Cf. lettre précédente

Pareillement, mon frère, est besoing de haster les francs archiers de tirer en toute diligence audict Asti s'ils n'y sont de ceste heure, car, si mon frère avoit lesdicts deux cens hommes d'armes et lesdicts francs archiers avecques ce qu'il a, il seroit en bonne seurté et garderoit, ainsi qu'il m'a escript, les passaiges à ceulx qui les vouldront empescher à mon retour.

J'ay eu nouvelles certaines que la compaignie du mareschal de Gyé y est pieça, ce qui est très bien venu pour ce que, en attendant les aultres, elle servira bien audict Asti.

Au regart des bans et arrière bans que vous avez mandé mettre sus en Languedoc et autres endroiz de mondict royaume, cela a esté bien advisé, et aussi d'escripre à mon cousin le comte d'Angoulesme, le seigneur d'Allebret, de Caudale et autres bons personnaiges desdicts pays pour eulx tenir prests pour servir quant l'affaire surviendra, ce que je suis seur qu'ilz feront voulentiers et de très bon cueur. Je leurs escriptz et les mercye du bon vouloir qu'ilz ont en mesdictes affaires, comme vous voyrez. Je vous prie de leur envoyer mes lettres.

Vous avez bien fait de faire venir vers vous les gens des finances pour trouver argent et pour veoyr à toutes autres choses requises et nécessaires. Au regart de l'offre que vous m'avez faite de vous y employer corps et biens et de vous tirer en personne devers moy s'il en est besoing, je vous en mercye de très bon cueur, mon frère. Mais pour ceste heure, si autre chose ne me survient, il n'est ja requis que vous bougiez, car par delà, au lieu où vous estes, vous servez bien. Toutesfois, selon que les nouvelles sur-

viendront, je vous en advertirai et ferai savoir ce que aurez à faire, combien que j'espoire estre si bien acompaigné qu'il n'en sera nul besoing et que je passerai partout, qui que le veuille veoyr, attendu mesmement que je ne demande rien à personne qui ne me demandera. Cependant, je vous prie, mon frère, faire tenir prestz lesdicts arrière bans et gens d'armes affin que, s'il est mestier, j'en soye promptement secouru et aydé quant je vous le manderai.

Mon frère, je donne chascun jour ordre et expédition en nos affaires d'icy, tant pour mettre en seureté le royaulme que au fait de la justice, et dedens deux ou trois jours je ferai mon entrée comme roy^, et après avoir reçu les hommaiges et serments de fidélité de mes subjectz et leur avoir fait faire remonstrations de mon vouloir et intention du soulagement que je leur faictz, qui est de deux cents soixante mille ducas par an, et autres choses qui seront nécessaires pour le bien de moy et dudict royaulme, je partirai pour m'en retourner en telle compaignie et ordre que je pourrai passer partout et obvier aux empeschements que l'on me vouldroit faire en m'en retournant. Je ne demande rien et ne veulx rien demander à nulle seigneurie d'Ytalie; je n'ay ja mis rien autre chose en vouloir ne intencion fors de remettre en mon obéissance ce que justement m'apartient et m'en retourner.

Mon frère, en escripvant ces présentes, est arrivée la poste venant de Moulins, par laquelle j'ay sceu que

1. Charles VIII fit son entrée solennelle à Naples le 12 mai. (De Boislisle, Etienne de Vesc, p. 134.)

le duc de Lorenne s'en va devers le roy des Rommains pour faire son hommaige qu'il n'a voulu recevoir par procureur. Aussi j'ay sceu comme vous avez mandé deux ou trois mille Suysses pour tirer en Asti, ce que a esté merveilleusement bien advisé et vous en sçay très bon gré. Je vous prie y faire faire diligence, en manière qu'ils puissent estre audict lieu d'Asti le plus tost qu'on pourra.

Mon frère, il me semble qu'il est requis que vous fassiez encore marcher sur les passaiges de Piémont cent ou deux cens hommes d'armes pour tousjours espauller et renforcer mondict frère d'Orléans ; je vous prie que ainsi le fassiez. Il y a deux jours que j'ay eu nouvelles certaines que messire Camille, lequel estoit à Brindes* et qui a fait le pis qu'il a peu pour cuider garder quelque place sur la mer, en faisant saillie devant une petite et meschante place où il y avoit de mes gens, a esté tellement blecé qu'il est mort le jour après, et croy que ledict Brindes et autres qui tiennent n'attendront point qu'on les assiège, car desjà ilz commencent à pratiquer.

Mon frère, faictes moy tousjours savoir de vos nouvelles et je vous manderé ce qui surviendra de jour en jour. Et à Dieu, qu'il vous ayt en sa garde. Escript à mon chastel de Gapouana, en ma cité de Naples, ce

IX® jour de mai.

Charles.

robertet.

A monsieur le duc de Bourbonnoys et d'Auvergne.

1. Camille Pandone réussit à conserver aux Aragonais le château de Brindisi, ville maritime de la terre d'Otrante. Il

DE CHARLES YllI. 211

DGGGLXXIV.

AU PARLEMENT DE PARIS

Naples, 17 mai 1495.

Ordre de vider le procès engagé à l'occasion des chanoinie et prébende de Saint-Germain-l'Auxerrois, dont il a fait don à M^ Pierre Surreau comme vacant en régale. — (Orig. Arch. de Milan.)

De par le roy de France, de Secille et Jherusalem.

Noz amez et feaulx, nous avons sceu que certain procès est pendant par devant vous pour raison des chanoinie et prébende de Saint Germain de TAuxerrois, dont nous avons puis certain temps en ça fait don comme vacant en regalle à nostre cher et bien amé maistre Pierre Seurreau, prothonotaire du Saint Sieige apostolicque. Et pour ce que desirons qu'il en soit et demeure paisible et paciffique possesseur, tant pour les bonnes meurs, vertuz et mérites qui sont en sa personne que pour la conservation de noz droiz de regalle, nous vous mandons et expressément enjoignons que, le plutost que faire ce pourra, vous procédez au jugement et décision dudict procès et sur icellui donnez et prononcez vostre arrest en ayant le droit dudict M^ Pierre Seurreau pour recommandé. Et gardez que en ce n'ait faulte. Donné à Naples, le xvu' jour de may^

Gharles.

DUBOYS

fut tué près de Mesagne, petite place à peu de distance de Brindisi.

1. Même lettre à Jacques de la Vacquerie, premier président du Parlement de Paris. (Orig. Arch. de Milan.)

2ît LETTRES MISSIVES

A noz amez et feaulx conseillers les gens tenant nostre court de Parlement à Paris.

DGCGLXXV.