AU DUC DR SAXE

Orléans, 3 janvier 1490.

Sur l'avis qu'un complot se formait à Saint-Omer pour y introduire les Anglais, le roi en a instruit le roi des Romains ; mais, craignant que le chevaucheur envoyé vers ce prince n'arrive pas à temps, il écrit au duc de Saxe pour le prier de prendre à ce sujet les mesures qu'il croira nécessaires. — (Tiré des Archives de Lille. Publ. par James Gairdner, Letters and papers illustrative of the reigns of Richard III and Henry VII, t. II, p. 289.)

Charles, par la grâce de Dieu roy de France. Très cher et très amé cousin, nous escripvons présentement à très hault, très puissant et très excellent prince nostre très cher et très amè frère et beau père le roy des Romains' comment nous avons esté advertiz que aucuns estans dedans la ville de Sainct Orner, adherans avecques ung nommé Falclui (?), burgrave dudict

1. Jaligny remarque qu'après la conclusion du traité de Francfort (20 juillet 1489), le roi de France intitula le duc d'Autriche son beau-père et roy des Romains. (Godefroy, Charles VIII, p. 89.)

Sainct Orner, et le Bouc (?) de la Haye, tiennent pratiques en Angleterre pour mectre les Anglois dcdens ladicte ville. Et, pour ce que ceste matière touche grandement nostredict frere et beau pore et nous aussi, à cause du mariaige de nostre très chère et très amée compaigne la royne, et que, pour la grant distance du chemyn, le chevaucheur de nostre escuirie que envoyons expressément pour ceste cause devers nostredict frere et beau père ne pourroit cstre si tost devers lui, ainsi qu'il seroit bien requis \ au moyen de quoy cependant pourroit advenir quelque inconvénient, nous vous(?) avons advisé vous en escripre et advertir, affin d'y faire donner la plus prompte provision que faire se pourra. Si vous prions très affectueusement que incontinent, à toute diligence, en actendant nouvelles de nostredict frere et beau père, vous vueillez pourveoir sur icelles entreprinses en manière que lesdictes pratiques ne puissent avoir lieu; car, autrement, il est apparent qu'ilz en adviendront de très grans inconveniens et difficiles à reparer, ainsi que pareillement l'escripvons à nostre cher et féal cousin le conte de Nassau 2, pour y donner aussi de sa part le plus prompt remède qu'il pourra. Très cher et très amé cousin, Nostre Seigneur vous ait en sa saincte garde. Donné à Orléans, le m* jour de

janvier^.