AUX GENS DES ÉTATS DE QUERCY

Montils-lez-Tours, 6 août 1491.

Les états s'étant excusés par lettres de n'avoir pu satisfaire aux ordres du comte d'Angoulêrae qui leur avait mandé de lever 500 arbalétriers, le roi écrit au comte d'avoir égard à leurs excuses. Il les prie, néanmoins, de ne rien négliger pour son service, vu la nécessité des affaires présentes. — [Copie. Arch. du Lot, Cartulaire de la ville de Cahors, E. 8. Comm. par M. Combarieu.)

Très chiers et bien amez, nous avons receu les lettres que par ce pourteur nous avez escriptes, faisans mencion des cinq cens homnaes de pié, arbalestriers, que puis n'a guieres nostre très chier et très amé cousin le conte d'Angoulesme vous a mandé lever en nostre pais de Quercy, pour partie de ii" homes de pié dont luy avons mandé faire amas es pais de son gouvernement de noz pais de Guienne, et vous excusez pour les raisons contenues en vosdictes lettres, lesquellez croyons estre veritablez, mais aussi nostre affaire de présent est fort grant. Par quoy et affin de pourvoir à ce que vous requérez, escripvons présentement à nostredict cousin que si lesdicts v° hommes ne estoient ja partiz du pais, qu'i ce contente d'en avoir de ii à i\t seullement, et aussi, s'ilz sont partiz, qu'on les laisse venir après les autres pour nostre service. Et pour ce, en ensuyvant ce que nostredict cousin vous mandera, gouvernez vous y et faictez par manière qu'il n'y ait point de faulte ceste foiz, quar nous ne voulons ne entendons que cecy vous tourne

à aucune conséquence, mais voulons tousjours avoir vous et voz affaires en bonne recommandacion . Donné aux Montilz les Tours, le vi® jour d'aoust.

Charles.

Parent.

A noz très chiers et bien amez les gens des estatz et officiers de nostre pays de Quercy.

DCVIII.

AUX HABITANTS DE NANTES

Sablé, 21 août 1491.

Le sire de la Trémoille, lieutenant général du roi en Bretagne, a été pourvu de l'office de capitaine de la ville, cité et château de Nantes et investi du commandement des mille mortespayes établies pour la garde de ladite ville; ordre de lui obéir en tout ce qu'il commandera. — (Orig. Bibl. nat., Nouv. acq. fr. 7978. Publ. par D. Morice, Hist. de Bretagne, t. IL Pr., col. CCLIL)

De par le roy.

Très chers et bien amez, nous avons pour plusieurs bonnes et raisonnables causes donné à nostre cher et féal cousin, conseiller et chambellan, le sire de la Trémoille, chevalier de nostre ordre, nostre lieutenant gênerai en Bretaigne, l'office de cappitaine de nostre ville, cité et chastel de Nantes, et semblablement luy avons baillé la charge des milles mortes payes que avons ordonnées et establies pour la garde, seureté et defifense desdictes ville et chastel. Et, pour ce (jue nous entendons qu'il y soit obey, nous envoyons présentement pardelà nostre amé et féal conseiller et

maistre d'ostel ordinaire Françoys le Bascle*, par lequel pourrez plus amplement savoir de nostre vouloir et entencion sur ce. Si vous prions que à nostredict cousin vous obéissez comme à nous mesmes es choses qui concerneront son office; et en voz affaires et neccessitez tirez vous devers luy, car nous lui avons donné charge de vous bien traicter et vous donner et faire les provisions en ce qui vous sera neccessaire; et sur tout croiez nostredict maistre d'ostel de ce qu'il vous en dira de par nous. Donné à Sablé, le xW jour d'aoust*. Charles.

BOHIER

A noz très chers et bien amez les gens d'egiise, nobles, bourgeois, manans et habitans de nostre ville et cité de Nantes.