AU COMTE DE BRESSE
Tours, 17 septembre 1491.
Vif déplaisir que lui causent les agissements du comte qui persécute les serviteurs du roi; il le menace de sa colère si le comte persiste à suivre les mêmes errements. — (Orig. Arch. de Turin, Lettere principi forestieri, Francia mz. 1.)
Mon oncle, j'ay receu unes lettres que vous m'avez escrites par le seigneur de Varaz^ qui contiennent créance, laquelle il m'a dicte assez au long; mais par luy et les ambaxadeurs de mon cousin de Savoye tousjours m'avez fait porter bonnes parolles, de quoy les effectz se sont trouvez au contraire jusques icy, dont ne me puis trop esmerveiller, car, despuis que vous estez pardelà, de quelque matière qui m'ait touché à mes serviteurs ou à leurs amys, j'en ay tousjours eu le contraire à mes requestes.
Mon oncle, je ne suis point délibéré de laisser conduire les matières en ceste façon, pourveu que y puisse remédier. Car, par le conseil que vous principalement avez donné, l'en porte toute rigueur à mesdicts serviteurs jusques à les destruire de corps et de biens, et l'en met l'en sus qu'ilz veullent entreprendre sur l'auctorité de mon cousin de Savoye, laquelle chouse je ne voldroye souffrir à eulx ne à autres; mais aussi je ne voldroye pas que soubz ceste couleur l'en parachevast ce que je sçay qui est entreprins sur
1. Varax, maréchal de Savoie. (Gabotto, ouvr. cit., t. II, p. 449.)
DE CHARLES Vni. i75
eulx. Et à ceste cause je vous advise, mon oncle, que toutes les provisions que je pourray donner au contraire je mectray poyne de le faire en telle façon, si je puis, que tous ceulx qui s*en sont meslez n'y gaigneront guieres. Et, au regard de vous, que je say bien qui conduisez la pluspart de ces matières, ne me donnez à congnoistre que voz effetz sont de mesmes les parolles, je vous asseure que vous congnoistrez en peu que je n'ay cause d'estre content. J'en escriptz en substance à ma cousine de Savoye autant que en contiennent ces lettres. Et adieu, mon oncle. Ëscript à Tours, le xvii* jour de septembre.
Charles.
BOHIER
A mon oncle le conte de Baugé, seigneur de Bresse ^ DCXII.
AU DUC DE MILAN
Montils-lez-Tours, 17 septembre 1491.
n a été averti que, malgré sa première requête, le duc continuait à favoriser les marquis de Ceva à l'encontre du duc d'Orléans, seigneur d'Asti, leur suzerain; prière itérative de ne pas persister à soutenir la cause desdits rebelles. — (Orig. Arch. de Milan.)
Très cher et très amé cousin, pour ce que nous avons esté advertiz que vous portez et soustenez les marquis de Ceve contre nostre très cher et très amè
1. L, Usseglio [Bianca di Monferrato, p. 176) a daté cette lettre de l'année 1490; mais, le 17 septembre 1490, le roi était au Verger, près d'Angers.
frere le duc d'Orléans*, et, qui plus est, les avez recuilliz et receus à foi et hommaige, combien qu'ilz soient ses hommes et vassaulx, tenans de sa seigneurie d'Ast de si longtemps qu'il n'est mémoire ne du commancement ne du contraire, et dont tant lui que ses prédécesseurs ont joy paisiblement sans contradicion aucune, à ceste cause vous escrivismes par le seigneur de Ghalançon, nostre conseillier et chambellan, que vous voulsissiez despartir desdictes entreprises, sans plus favoriser ne soustenir lesdicts marquis contre raison et justice, auquel vous feistes responce que .vous obtempéreriez à noz lettres en laissant à nostredict frere ce qu'il lui appartient, ce que neantmoins depuis avez esté reffusant de faire, ainsi que nous a dit ledict de Ghalançon. Et, combien que eussions peu estre conseillé, actendu vostre reffuz, de plus ne vous en escripre, toutetfois, pour la bonne et grant amour qui est entre nous et que desirons estre tousjours continuée, vous en avons bien voullu de rechef advertir et escripre par homme ligier, affin que par lui nous faictes sçavoir vostre voulloir et entencion sur ce, vous priant comme l'un de noz bons amys que vueillez obtempérer à nostre prière, laquelle est très raisonnable, à la descharge de vostre concience et à vostre grant honneur, et que si petite achoison ne soit point cause à vostre tort que nous demeurons mal contens de vous. Car, considéré l'amour et proximité qui est entre nostre frere et nous, il fault bien
1. Le duc .Louis d'Orléans reprochait au duc de Milan de protéger les marquis de Ceva, qui s'étaient emparés des deux places de BatilTol et de Montbasile, dépendant du comté d'Asti. (Delaborde, Expédition de Charles VIII, p. 223.)
DE CHARLES Vin. 177
que nous lui aidons en son bon droit de tout ce qu'il nous sera possible, et nous emploierons en bonne raison pour ses affaires comme pour les nostres propres. Très cher et très amé cousin, Nostre Seigneur vous ait en sa sainte et digne garde. Ëscript aux Montilz lez Tours, le xvii* jour de septembre.
Charles.
ROBERTET
A nostre très cher et très amé cousin le duc de Millan.
DCXIII.
A l'évêque du puy.
Montils-iez-Tours, 18 septembre 1491.
L'évêque a entre les mains les chroniques des dauphins de Viennois; prière de les remettre à l'envoyé du parlement de Grenoble, qui en fera prendre copie et lui renverra l'original. — (Copie du temps. Bibl. nat., Portef. Lancelot 67, fol. 118. Impr. dans Preuves de l'histoire de la maison de Nicolat, par A. de Boislisle, t. I, p. 28, n* 31, in-4'*.)
Nostre amé et féal ' , nous avons sceu que du temps que feu Helias de Pompadour, vostre oncle, estoit evesque de Viviers^, Jehan Nicolas, escuier du bourg
1. Geoffroi de Pompadour, évêque de Périgueux, 1472, conseiller des rois Louis XI, Charles VIII et Louis XII, président de la Chambre des aides, 1484, créé premier président de la Chambre des comptes le 13 décembre 1485. Évêque du Puy, il prête serment en cette qualité entre les mains du roi, à Senlis, le 22 juillet 1486, tout en retenant l'administration du diocèse de Périgueux. Il fut, dit-on, le premier qui prit le titre de grand aumônier du roi. Mort à Paris, le 8 mai 1514. [Gallia christ., t. Il, col. 734.)
2. Helias de Pompadour, évêque de Viviers, 1455-1478. [Gallia christ., t. XVI, col. 580.)
ni 12
Saint Andeol, vous donna et bailla les Croniques des feuz daulphins de V'^nnoys^ Et, pour ce que nous desirons en avoir le double, nous escripvons à noz amez et feaulx conseilliers les gens de nostre court de Parlement du Daulphiné qu'ilz vous envoyent ung home seur auquel vous baillerés lesdictes croniques, desquelles ilz feront faire deux doubles et nous en envoieront l'un, et l'autre sera mis au trésor de noz Chartres dudict Daulphiné. Et après, ilz vous feront retourner et rendre vostre original. Si vous prions que vueillez bailler lesdictes croniques à celui que lesdicts gens de nostre Parlement vous envoieront, et vous nous ferez très agréable plaisir. Nostre amé et féal, Nostre Seigneur vous ait en sa guarde. Donné aux Montilz lez Tours, le xvm" jour de septembre.
Charles.
BOHIER
DCXIV.
