Cf. ci-dessus la lettre du 5 juin 1490, n" DXXXVIII

DE CHARLES Vni. 207

le maire et autres plusieurs des manaus et habitans de nostredicte ville, en la présence desquelz avons fait faire lecture desdictes bulles, declairé nostre vouloir sur ce, et ce fait, en leurs présences prins possession d'icelle place et icelle donnée ausdicts frères et seurs de l'Observance en la personne de frère René de Vaucelles, frère Jehan de la Vallée, Jehan Pelle et plusieurs autres, pour faire ediffier ledict couvent et pour y faire besongner en diligence avons donné charge à noz chers et bien amez Guillaume Baudet et Pierre Berthelot demourans en nostredicte ville de Tours. Touteffoiz, les Cordelliers d'icelle ville, soubz umbre de certaine provision qu'ilz ont obtenue de nous au raoien de certain procès quMlz prétendent avoir par devant vous pour l'edifficacion dudict couvent, ont fait faire inhibicion et deffense ausdicts Baudet et Berthelot, à la paine de mille marcs d'argent, de riens innover ne bastir en l'ediffice d'icellui couvent. Et, pour ce que sommes deuement acertenez que, si eussiez sceu l'affection singulière que avons à ce que ledict couvent se face et parface, jamais vous n'eussiez octroie provision au contraire, nous vous en avons bien voulu adverlir, et vous prions et neantmoins mandons que vous souffrez et permectez bastir et ediffier ledict couvent de vierges en nostredicte ville de Tours, en ensuivant le bon vouloir de nostredicte feue dame et mère et le nostre, sans plus donner provision au contraire ne vous mesler ne entremectre de congnoistre d'aucun procès meu ou à mouvoir pour raison de ceste matière, car nous avons réservé et retenu à nous toutes les causes et procès qui, pour l'edifficâcion d'icellui couvent, se pourroient

sourdre et mouvoir. Et y faictes en manière que congnoissons par effect que desirez nostre honneur et bien spirituel. Donné à Laval, le xi® jour de novembre.

Charles.

BOHIER

A noz amez et feaulx conseillers les gens de nostre court de Parlement à Paris.

DCXXXIII.