DCXLVI

A LUDOVIC SFORZA

Blois, 4 janvier 1492.

Prière de faire rendre au duc d'Orléans ses places de Batiflbl et de Montbasile et de ne donner aucune aide aux gens du marquis de Ceve, révoltés contre ledit duc. — (Orig. Arch. de Milan, Carteggio di Principi. Comra. par M. Fr. Delaborde.)

Très cher et amé cousin, nous vous avons par plusieurs foiz escript touchant le fait de nostre très cher et très amé frère et cousin le duc d'Orléans, à ce que voulsissiez estre moien de lui faire rendre ses places de Batiffol et Mont Basille, et aussi que ne voulsissiez soustenir, porter ne favoriser ses subjeclz les marquis de Ceve contre lui, ce que nous avez escript que ferez, et aussi à nostredict frère, ainsi qu'i nous a dit et remonstré. Ce neantmoins n'en avez riens fait, dont nous esbaissons très fort. Et, pour ce que les faiz et affaires de nostredict frère nous touchent et les avons autant à cueur comme les nostres propres, vous prions derechef que en nostre faveur et en ensuivant voz promesses, vueillez rendre et restituer à nostredict frère icelles ses places de Batiffol et Mont Basille. Et, au surplus, ne vueilliez en rien porter ne favoriser sesdicts subjectz les marquis de Ceve, mais les vueilliez laisser en sa subgection et obéissance, ainsi que raison est. Et y faictes comme vouldriez que feissions pour vous quant d'aucune chose nous vouldriez requérir que fort à cueur vous toucheront, car, en tous les faiz et

DE CHARLES Vni. 2Î7

afTaires de nostredicl frère, sommes délibérez de le porter, soustenir et favoriser envers tous et contre tous. Si vous prions derechef, toutes excusacions cessans, que de ce ne vueilliez faillir, et plus grand plaisir ne nous pourriez faire, comme avons chargé plus au long vous dire à nostre amé et féal conseiller messire Alexandre de Maillebaille, chevalier, chambellan et maistre d'ostel de nostredict frère, lequel envoyons en ambaxade devers vous pour ceste cause, vous priant que le vueilliez croire de ce qui (qu'il) vous en dira de nostre part. Donné à Bloys, le nu* jour de janvier^.

Charles.

robertet.

A nostre très cher et amé cousin le seigneur Ludovic, duc de Bar.

DCXLVII.

AUX CONSULS d' AVIGNON.

Amboise, 5 janvier 1492.

Jean de Malleret, écuyer, a présenté nouvelle requête en vue d'obtenir sa part des biens à lui promis par le feu cardinal d'Angers, à raison de son mariage avec la sœur du cardinal ; la requête a été envoyée au pape. Prière aux consuls d'intervenir auprès du Saint-Siège en faveur de ladite requête, autrement ledit Malleret se verrait obligé de requérir représailles sur les terres et sujets du comtat d'Avignon. — (Orig. parch. Arch. mun. d'Avignon, boîte 76, KR, n" 58. Comm. par M. Duhamel, archiviste de Vaucluse.)

Charles, par la grâce de Dieu roy de France. Chers

1. Cf. ci-dessus les lettres des 17 septembre 1491 et 4 janvier 1492, n"' DCXIl et DCXLV.

et bons amys, par plusieurs foiz avons escript à nostre Saint Père et au Saint Colliege en faveur de nostre cher et bien amé escuier d'escurie Jehan de Malleret, à ce que raison luy feust laicte de ce que luy a esté promis par le feu cardinal d'Angiers^ en contemplation du mariage de lui et de sa femme, seur dudict feu cardinal, à quoy nostredict Saint Père a tousjours fait bonne responce. Mais, ce non obstant, il n'a peu encores avoir expedicion, jaçoit ce que ledict feu cardinal ait délaissé de grands biens ^ et que, à la poursuite de ceste matière, il ait despendu grant somme de deniers. Par quoy nous a nostredict escuier derechief présenté sa requeste, afin que, sur icelle, lui voulsissions pourveoir par relaxacion de marques et reprezaille sur les villes et subjectz du conté de Venice et cité d'Avignon, ce que nous avons différé faire sans encores en advertir nostredict Saint Père, auquel envoyons ladicte requeste pour la fere veoir et sur icelle y pourveoir. A ceste cause, et que desirons ledict de Malleret estre en tous ses faiz et afferes favorablement traicté pour les bons et agréables services que nous a faiz et fait chacun jour, en escripvons derechief à nostredict Saint Père et audict Saint Colliege pour en avoir bonne expedicion, car autrement, attendu que la matière est privillegiée, ne lui pourrions denyer les provisions qui lui en seroient nécessaires, dont vous avons bien voulu advertir. Si vous prions que, en ensuivant le contenu de ladicte