AU PAPE ALEXANDRE VI

Sans date de lieu ni de jour (1492).

Pendant les dernières guerres entre le pape Innocent VIII et le roi de Naples, le prince de Bisignano avait fait mettre ses troupeaux en sûreté à Rome ; depuis ce temps, ni lui ni la princesse sa femme n'en ont pu obtenir restitution, sous prétexte que le roi de Naples prétend avoir droit sur ces troupeaux à titre de confiscation; prière de faire restituer lesdits troupeaux à la princesse de Bisignano. — (Minute. Arch. de Milan. — Comm. par M. le comte Delaborde.)

Très Saint Père, nostre chiere et amée cousine la princesse de Bisignain, par nosire cher et féal cousin, conseiller et chambellan, le conte de Clermont', son filz, nous a fait dire et remonstrer que, à l'occasion des guerres et differens qui ont esté cy devant entre feu de glorieuse mémoire pape Innocent, prédécesseur de Vostre Sainteté, et nostre très cher et très amé cousin le roi de Napples, nostre cher et féal cousin le prince de Bisignain, son mary, doublant que soubz coulleur desdictes guerres et differans, après que appoinctement auroyt esté fait entre eulx, luy fust donné quelque empeschement en sa personne et biens par nostredict cousin le roy de Napples, pour ce que tousjours il avoyt tenu le party et soustenu la querelle de vostredict prédécesseur pappe Innocent, et pour cuider

i. Comte de Chiaramonte.

SKSr LETTRES MISSIVES

saulver par luy aucune partie de sesdictes terres, qui lors estoient en l'obéissance de nostredict cousin le roy de Napples, fist certaine pacte et convenance par manière de vendicion avec Prospero de Saincte Croix, citoien de Romme, pour la grande confidance qu'il cuidoit avoir lors envers luy, par laquelle pacte il lui délaissa plusieurs grant nombre de bestes, en entencion qu'il les menast et fist mener et conduire en son nom à seureté audict lieu de Romme, et après les luy rendist et restituast, ainsi que promis luy avoit. Mais, quelques poursuites qu'il fist ne qui aient esté faictes depuis par nostredicte cousine, elle n'en a peu avoir aucunerestitutionnejustice,soubzcoulleurdecequenostredict cousin le roy de Napples pretendoy t à lui appartenir les biens d'icellui prince deBisignain par confiscacion, dont à ceste cause il estencores par lui détenu prisonnier*. Et pour ce, très Sainct Père, que avons les affaires de nostredicte cousine très à cueur et en grande et singulière recommandacion en faveur de nostredict cousin, conseiller et chambellan, duquel desirons nous servir à l'entour de nostre personne et que en icelle elle soit favorablement traictèe, portée et favorisée, prions et requérons Votre Sainteté, tant et si dévotement que faire povons, que, en faveur de nous, elle vueille faire restituer et délivrer lesdictes bestes à nostredicte cousine, ou la valleur d'icelles, nonobstant quelques empeschements et arrestz qui sur ce pourroient avoir esté faiz par nostredict cousin le roy de

1. En réalité, le prince de Bisignano, après avoir langui quatre ans dans les cachots du château de l'Œuf, y avait été massacré par ordre de Ferdinand d'Aragon le 25 décembre 1491. (A. de Boislisle, Etienne de Vesc, p. 47.)

DE CHARLES VOl. 317

Napples, et aviser à la cause que dessus, qui nous semble estre chose bien favorable, eu regard à la charge qu'elle a de deux de ses filles prestes à marier, et qu'elle ne peut avoir, à l'occasion des choses dessusdictes, aucun douaire sur les biens de sondict mary où elle devroit estre préférée, et mesmement que nostredict cousin ne peut prétendre aucun droit sur lesdicts biens pour ce qu'ilz avoient ja esté amenez audict lieu de Romme, en la terre de Vostre Sainteté, après l'appoinctement desdictes guerres, et, par ce moien, en saulvegarde. En ayant ces avant dictes affaires et dessusdicts enfans en bonne et singulière recommandation, Vostredicte Sainteté nous fera plaisir moult agréable, dont nous en tiendrons tousjours plus tenuz et obligez envers Elle, laquelle Dieu, par sa grâce, vueille préserver et longuement continuer au bon régime et gouvernement de saincte Eglise. Escript à'...

DCCIII.