AUX ANCIENNES LIGUES DE LA HAUTE-ALLEMAGNE

Sentis, 30 avril 1493.

La duchesse de Savoie, tutrice de son fils mineur, a informé le roi que, nonobstant les représentations faites à l'évêque de Sion, qui s'est emparé à tort du pays de Chablais, ledit évêque se vante de pousser plus loin les hostilités; prière d'appuyer la duchesse dans ses justes revendications et de faire savoir à l'évêque qu'il s'exposerait fort en attaquant un prince allié du roi. — (Orig. Arch. de Lucerne, Lettres des rois de France.)

Charles, par la grâce de Dieu roy de France. Très chers et grans amys, nous croyons que vous savez assez (le) différent qui est entre nostre chère et très amèe cousine la duchesse de Savoye et l'evesque de Sion touchant le pays de Chabloys, dont ledict evesque lui détient et occuppe grant partie, et que vous, qui estes anciens amys et alliez de la maison de Savoye, avez par cy devant esté moyens aussi bien que nous et exorté ledict evesque à contenter nostredicte cou-

sine. Toutesfoiz, ses ambassadeurs estans par deçà nous ont entre autres choses fait de si grans complaintes dudict evesque, disans que, oultre le tort qu'il fait à nostre cousin le duc de Savoye de lui retenir sondict pays, il se vente de courir et faire la guerre plus avant es pays de nostredict cousin, qui semble chose fort estrange, et à ceste cause en avons parlé et fait parler à voz ambassadeurs qui sont aussi par devers nous, et prié qu'ilz vous en facent remons- Irance, pour ce que savons assez que vouldriez aider, soustenir et favoriser nostredict cousin et ne lui laisser perdre ses biens à vostrc sceu, mesmement durant sa minorité. Et, à çeste cause, nous, qui sommes son prouchain parent, protecteur et garde de luy et de ses pays, vous avons voulu escripre touchant ceste matière, ainsi que avons autreffois fait, vous prians très acertes et de cueur que en entretenant vostredicte amytié et alliance à ladicte maison de Savoye, laquelle amytié se doit, à présent que nostredict cousin est mineur, monslrer, et ne lui laisser au besoing, vous ne vueillez soustenir ne favoriser ledict evesque à rencontre de nostredicte cousine, sa mère, ne ses pays, mais en leur usant de vraiz amys et pour le bien de justice, inciter et exhorter ledict evesque et aussi les Vallesiens, ausquelz en escripvons, à se mettre en devoir envers elle par manière que quelque bon appoinctement y soit fait par voie amiable et que toutes courses et hostilitez de guerre puissent cesser. Car vous savez assez les maulx et inimitiez qui s'en porroient ensuir. Et vous povez faire remonstrer audict evesque et autres qui vouidroient nuyre à nostredicte cousine, comme elle est si bien appuyée de nous

et d'entre vous et autres grans seigneuries de tous coustez, qu'il rie se Irouveroit pas bien conseillé de lui courir sus. Très chers et grans amys, Nostre Seigneur soit garde de vous. Escript à Senlys, le derrenier jour d'avril*.

Charles.

robertet.

A noz très chers et grans amys les advoyers, conseillers et autres gouverneurs des anciennes Ligues.

DGCXV.