Nuremberg, en Bavière
l'amour que nous portons à la seigneurie et communité de Fleurance, dont ilz et ledict de Vequiety sont natifz, que aussi en faveur des bons et agréables services que ledict Loys Antinori nous fait chacun jour au fait de nostre faulconnerye et autrement en maintes manières, nous vous prions si acertes que faire povons que pour (amour) de nous en vueiilez escripre audict empereur et ailleurs, tenir la main en ceste matière et tant faire que ledict chariot, marchandises, argent et autres choses soient deuement renduz et restituez. Et vous nous ferez ung très grant et singulier plaisir, que voulentiers en pareil cas ou plus grant recongnoistrons quant d'aucune chose nous requerrez. Très chers et bons amys, Nostre Seigneur vous ait en sa saincte garde. Donné à Molein, le xviii® jour de juillet.
Charles.
DUBOYS
A noz très chers et bons amys les seigneurs des ligues.
DGCXXVII.
A LUDOVIC SFORZA
Puisieux, 4 août 1493.
Prière de faire rendre au marquis de Saluées la terre de Valfrenière, qu'il dit avoir prêtée pour un an seulement à Antoine Méric sur la requête du duc de Milan. — (Orig. Arch. de Milan.)
Très cher et très amè cousin, nous avons plusieurs foys escript et fait entendre à nostre cher et féal cousin le marquis de Saluées les causes qui nous ont meu de nous mal contenter de la cession et bail qu'il a fait
DE CHARLES Vin. 353
du cliaslel et ville de Vaulfeniere*, membre deppendeiil du marquisat dudict Saluées, lequel, comme assez savez, il tient en fief et hommaige de nous. Et, pour ce que ledict marquis s'est tousjours excusé que, à vostre prière et requeste, il avoit preste ladicte place à Ânthoine Meric pour ung an seulement y fere sa demourance, et que, ledict an passé, nostre 1res cher et très amé cousin le duc de Millan et vous estiez obligez, tous delays et excusacions cessans, de la luy fere rendre, à ceste cause et que pour riens ne permectrions ladicte place estre mise hors des mains d'iceluy marquis nostre subgect, ne desmembrée et séparée dudict marquisat, nous vous pryons tant et si acertcs que fere povons que, en ensuivant ce que avez promis, sans aucun delay, faincte ne dissimulacion, vous vueillez fere rendre à nostredict cousin le niarquis ladicte place de Vaulfeniere, et tellement vous y employer que n'ayons occasion de plus vous en escripre, car nous ne sommes point délibérez de laisser dyrainuer nostre fief en quelque façon que ce soit, mais l'en garder de tout nostre povoir. Par quoy de rechef vous prions ainsi le fere, et vous nous ferez plaisir très agréable. Très cher et très amé cousin, Nostre Seigneur vous ayt en sa digne garde. Ëscript à Puyseaulx^, le iiii* jour d'aousl.
Charles.
robertet.
A nostre très cher et très amé cousin le seigneur Ludovic, duc de Bar.
