Jean Chenu, capitaine de gens d'armes

dictes frontières de Vermendois; pourquoy je me treuve de tant plus perplex pour conduire ledict radvitaillement ; toutesvoyes, je suis délibéré de, avec tant de gens que pourra V amasser, essayer de mener une bonne quantité de bleds et de vins à Yppre , et d'Yppre à Courtray, et dudict Courtray à Gand.

Sire, je vous envoyé deux lettres que mons. Philippes Ravestain a escript, unes à Anthoine de Fontaines, qui est allé devers lui, les autres à moy, et me semble que, pour fournir les deux cens lanches qu'ilz demandent, vous pouriez escripre unes bonnes lettres à mons. le bastart de Bourbon', en lui ordonnant qu'il baille cinquante homme d'armes de sa compaignie, soubz quelque bon chief qu'il ordonnera, audict bailly de Saint Pierre le Moustier, et autres lettres audict bailly par lesquelles lui ordonnerez que en personne, avec sa compaignie et lesdictes lanches de mons. le bastart de Bourbon, il se tire en Flandres en tel lieu que je lui ordonneray, et qu'il et ceulx qui yront avec lui se conduisent en tel ordre comme ceulx qui desja v sont. Et si me pourrez envoyer, si c'est vostre plaisir, autres lettres à ung ou deux capitaines sans superscription, pour fournir les autres cent lances et les envoyer, se besoing fait, où il sera plus requis.

Sire, quant des xx™ francs que avez ordonnez pour fournir aux affaires de deçà, les x™ sur le gênerai de Picardie, les autres x™ sur M* Nicole Charetier, ledict gênerai de Picardie en a foumy de vi à vu™, et pour parfaire le remenant est allé à Peronne et ailleurs et les parfoumira, mais ce n'a pas esté sans grant paine et dilTiculté ne sans grande dilligence que ledict gênerai en a fête. Et des dix mil dudict Charetier n'en est encoires rens venu, car, comme il dit, son assignacion n'eschiet que dedans aucuns jours. Ainsi, Sire, vous povez entendre quelles provisions