Gilbert de Bourbon, comte de Montpensier

3. Rigault d'Oreille, maître d'hôtel du roi, seigneur de Villeneuve, sénéchal d'Agen et Gascogne. [Chron. de Jean d'Auton, Index, v° Oreille.)

couvert trente lances fournies tl'archiers, et est neccessité y faire des maisons pour loger, car les gens de vostre maistre d'ostel Rigault sont tous logez au descouvert le long des murailles des foussés.

Sire, la place est assise entre deux des meilleures villes de Bretaigne et les plus fortes, c'est assavoir à cinq lieues de Renés et à troys lieues de Fougères*. Et pour ce me semble qu'il y fault bien pourveoir de bonne garnison et grosse, car s'est fort pays et y sert bien avoir gens de traict. Et, touchant les vivres, il y en a bien peu, car par l'appoinctement de la reddition fait ilz doivent empourter tous leurs biens. Pour ce, Sire, me semble que vous devez mectre peine de la bien faire pourveoir, car elle est bien pour vous faire ung grant service, veu le lieu où elle est assise.

Sire, monseigneur de Montpensier ordonna à vostre maistre d'ostel Rigault qu'il eust deux cens arbalestriers ycy, mais la chose fut si soudainement faicte qu'il convint qu'il amenast toute sa bande. Et se s'est vostre plaisir qu'il y demoure avec ses deux cens hommes, il fault qu'ilz soient paiez, car ilz n'ont pas ung seul denier, et que le demourant on renvoyé en Auvergne en leurs maisons ou là où bien vous semblera, nonobstant que le demourant pour ceste heure il n'y a gueres de combatans et n'est que bagage et gens malades. Et vous asseure. Sire, que sy ne faictes pourveoir le plus diligemment que possible sera au paiement desdicts deux cens hommes, se c'est vostre plaisir qu'ilz demeurent en la place, il est impossible qu'ilz y peussent vivre s'ilz ne sont paiez, et le paiement requiert diligence, car il y a de la pitié.

Sire, il n'y a ycy point de vin ne gueres blez ne de traict, et tant seullement que troys caques de poudre, et seroit

1. Saint-Aubin-du-Cormier (Ille-et-Vilaine) est à trente-deux kilomètres de Rennes et à vingt-deux kilomètres de Fougères.

besoing faire uhg chariage de vins, de cydres et aussi de sel, car nous n'en avons point, et qu'on pense recouvrer des blez. Et sur le tout vous ferez vostre bon plaisir.

Sire, je prie à Nostre Seigneur qui (qu'il) vous doint très bonne vie et longue. Escript au chasteau de Saint Aubin, le xi® jour d'octobre.

Vostre très humble et très obéissant subgect et serviteur,

Perin des Ages*.

Au roy, mon souverain seigneur.

U Esquerdes au roi.

Hesdin, 12 octobre 1488.

Il lui fait part des moyens qu'il emploie pour induire les Flamands à traiter. — (Copie du temps. Bibl. nat., f. fr. 15531, fol. 29.)

Sire, il vous a pieu m'escripre que je trouvasse moien d'entrer en praticque aveques le duc d'Austriche ou les Flamens.

Sire, ung marchant de Tournay est venu de Flandres qui aucuneffois me dit des nouvelles de leur quartier, à qui j'avoye parlé avant son allée afin de me savoir h dire de leur gouvernement. Il a esté prisonnier à Bruges par ung qui l'a accusé d'cstre espye et d'avoir parlé à moy. Sur quoy il a esté fort interrogué, mais il a esté trouvé nect et l'accuseur exécuté. Et en efifect a déposé ce que je luy avoye dit, qui estoit que je me donnoye merveilles

1. Perrin des Ages, lieutenant de la compagnie des hommes d'armes du comte de Montpensier. [Rôle de la montre passée à Saint-Aubin-du-Cormier le 7 juin ili88. Cf. Dom Morice, Preuves, l. III, col. 590.)

come les gens de Flandres laissoient ainsi destruyre leur pays en faulle de venir en vostre obéissance et à la fin de la paix, veu que tousjours leur aviez ouvert la voye de y entrer quant ilz eussent esté si saiges que de y entendre.

Oultre a esté interrogué si je desiroye la paix : leur a respondu et affermé qu'il avoil trouvé par les devises qu'il avoit eues avecques moy que j'en estoys très désirant quand je verrois qu'ilz s'i vouldroient bien emploier, ce qu'ilz lui firent par plusieurs fois redire en lui demandant, par le serement qu'il avoit fait, s'il l'entendoit ainsi, ce qu'il leur afferma que ouy, et par le contraire leur a dit que quant ilz ne si (s'y) vouldroient emploier, que je y mectroye peyne de leur estre le plus grant ennemy qu'ilz eussent.

Sire, après sa depposition faicte, a esté envoyé à ceulx de Gand, où estoient presens les menbres de Flandres, le grand doyen et le conseil de la ville : sur quoy a esté interrogué savoir si je me vouldroye bien mesler de la paix et si je y avoye désir. Leur a respondu comme il avoit fait à ceulx de Bruges, et lors lui requirent venir vers nioy pour sentir si je m'en vouldroye entremectre, en lui disant que, quant ainsi le vouldrove faire, que les choses s'en pourroient de mieulx conduire, et en façon que chacun pourroit vivre à son aise, et que pour ce tous pourrions estre à ung maistre. Et fut fort requis que de ce qu'il pouroit sentir de ma voulenté qu'il les en voulsist advertir.

Sire, à mon advis, ilz ne furent jamais si disposez de quérir les moiens de la paix qu'ilz sont à ceste heure. Je croy qu'ilz congnoissent mieulx les causes qu'ilz ne firent oncques.

Sire, j'av retenu le marchant combien qu'ilz l'eussent fort requis de retourner, mais je l'entretiens en lui faisant bonne chiere, actendant que sur tout il vous plaise mander vostre bon plaisir.

Sire, je prie à Dieu et Nostrc Dame qu'ilz vous doinnent

bonne vie et longue. Escript à Hesdin*, le xii* jour

d'octobre.

Vostre très humble et très obéissant subgect et serviteur,

Philippe DE Crevecuer.

Au dos : Coppie des lettres de mons' Desquerdes envoièes au maislre d'ostel J. Guerin.

Antoine de Fondras au roi.

Dol, 21 octobre 1488.

Il lui envoie l'opinion des capitaines de l'armée touchant la ville de Dol. Son avis personnel est qu'il faut y mettre bonne garnison, sinon la faire abattre. — (Orig. Bibl. nat., f. fr. 15541, fol. 31.)

Sire, très humblement à vostre bonne grâce me recommande. J'arrivay arseoir ycy et dis à monseigneur de Montpensier ce qu'i vous avoit pieu me commander lui dire, lequel incontinent assembla tous les capitaines pour avoir advis touchant la ville de Dol 2, et icellui advis je vous envoyé par mons. de la Salle.

Sire, vous m'aviez chargé vous faire le raport, mais je n'y puis aller, car il fault fere les montres de ceux qui vont dehors, ainsi que m'aviez chargé, lesquelles aujourdui j'ay commensé .H faire. Il y a quelque cryerie touchant le payement des frans archers qui doivent aler, pour ce que l'en ne leur baille ycy leur payement. Je y feray tousjours le mieulx que je pourray.

1. Hesdin, ch.-l. de cant. de l'arr. de Boulogne-sur-Mer, Pas-de-Calais.

2. Dol-de-Brelagne, arr. de Saint-Malo, ch.-I. de cant., lUe-et-Vilaine.

Sire, il me semble, à ce que j'ay veu, qu'il faulsist une bonne grosse garnison en ceste ville, tant de hommes d'armes que de gens de pié arbalestiers, pour tenir en subgection tout ce quartier de Vannes, et cecy (ceulx-ci) seront cause de les faire parler cest yver. Autrement n'y meclez point peu de gens, et y faut grant mise de toutes choses comme en ville prise d'assault. Et se vostre plaisir n'estoit de le faire, vauldroit mieulx l'abatre pour oster la frontière du duché de Normandie à ce quartier. Se appoinctement se trouvoit, elle demoureroit au moins abatue. Sire, je prie à Dieu qu'i vous doint très bonne vie et longue. Escripl à Dol, le xxi* jour d'octobre.

Vostre très humble et très obeyssant subget et serviteur,