Tarare, arr. de Villefranche-sur-Saône, Rhône

chers et grans amys, pour mectre fin du tout aux différends de Brelaigne et iceulx terminer, a esté puis n'a gueres advisé, en faisant le Iraicté de Francfort, que de par nous et nostre très chère cousine Anne de Brelaigne seroient députez aucuns notables personnages. Et en ensuivant icelluy advis, nostredicte cousine, en acceptant et rattiffiant icelluy traicté, nous a fait requérir que la journée qui estoit sur ce à prendre, fust tenue au \f jour du raoys d'avril prochain venant en la ville et cité d'Avignon, dont à sa requeste et en faveur de la paix avons esté contens. Et pour ce que de nostre part nous faisons partir noz députez pour y aller et que desirons singulièrement qu'ilz y soient favourablement traictiez, nous vous prions que, en faveur de nous, vous y veuilliés recueillir lesdicts députez et que les y faites bien et convenablement louger et traictier, tout ainsy que nous ferions pour les subjectz de nostre sainct père le Pape en pareil cas e.« pays de nostre obeyssance. Et en ce faisant vous nous ferez service et plaisir très aggreable, dont nous aurons souvenance quand d'aucune chose nous vouidrez requérir.

Donné à Gyen sur Loyre', le xxv" jour de mars.

Charles.

A noz très chers et grans amys les viguier, consulz, assesseur et gens du conseil de la cité d'Avignon.