DLIII

AU PARLEMENT DE PARIS

Montils-lez-Tours, 21 juillet 1490.

Ordre de surseoir à l'expédition de la cause engagée entre l'évêque d'Avranches et Louis de Gravant, son compétiteur à l'abbaye de Vendôme, jusqu'à ce que l'évêque ait obtenu la délivrance de ses bulles de provision pour l'abbaye ci-dessus. — (Orig. Arch. nat., X«» 9320, n° 121.)

De par le roy.

Noz amez et feaulx, puis n'a gueres vous avons escript* que à nostre prière et requeste Nostre S. P. le Pape, au moien de ce que sommes fondeur et patron de l'abbaye de Vendosme, eut pourveu nostre amé et féal cousin et conseiller l'evesque d'Avranches d'icelle, toutesfoiz pour ce que frère Loys de Gravant, partie adverse de nostredict cousin, prétend droit en ladicte abbaye et tellement [aj persuadé et gaigné gens qu'il a empesché en court de Romme, au moien d'un de ses serviteurs qu'il tient à ses propres coustz et despens audict lieu que aussi d'autres, la délivrance des bulles et provisions de nostredict cousin. Et, pour ce qu'il scet que icellui nostre cousin n'a sesdictes bulles et tiltres devers lui, le poursuict en nostre court de Parlement, et tellement que avons entendu que nostredict cousin n'a plus que quatre jours à produire sesdicts droiz et tiltres, qui lui seroit une chose impossible, veu l'empeschement que lui donne sadicte partie adverse en court de Romme,