A LA VILLE DE CHALONS

Montils-lez-Tours, 4 octobre 1490.

Ordre de recevoir et de loger les pièces de l'artillerie du roi envoyées d'Angers sous la conduite de Michel Musnier. — (Orig. Arch. mun. de Châlons, EE 13.)

De par le roy.

Ghers et bien amez, pour aucunes causes qui à ce nous meuvent, nous avons ordonné faire mener en nostre ville de Chaailons en Charapaigne certaines pièces de nostre artillerie avecques leur suyte et fourniture, du nombre de celles que avions fait venir en nostre ville d'Angiers pour nous en servir et aider en noz affaires. Si voulons et vous mandons bien expressément que lesdictes pièces avecques leurdicte suyte et fourniture vous recevez et mectez ou faictes mectre en nostredicte ville en bon et convenable lieu qui soit seur et propice pour ce faire, mais donnez vous bien garde que ladicte artillerie soit à couvert et que les pouidres soient mises en voultes ou autres lieux que adviserez en bonne seurté et en manière qu'elles ne se puissent dépérir ne gaster et que inconvénient n'en puisse advenir. Et baillez récépissé à nostre cher et bien amé Michel Musnier, présent porteur, lequel envoyons expressément par delà pour la conduicte de ladicte artillerie, de ce que recevez de lui, et laquelle artillerie et matières nous voulons estre distribuée, si l'afTaire survient, par delà par l'ordonnance de nostre cher et féal cousin le sire

d'Orval, chevalier de nostre ordre et gouverneur de Champaigne. Si fàictes que en ce n'ait point de faulte. Donné aux Montilz prés Tours, le iiii® jour d'octobre ^

Charles.

Damont.

A noz chers et bien amez les bourgeois, manans et habitans de nostre ville de Ghaalons.

Ces présentes ont esté receues et leues ou conseil au Saint Esprit le Jeudi deuxiesme de décembre, Van mil IIIF- IIIl'"^ et dix.

DLXXVII.

A LAURENT DE MÉDICIS

Montils-lez-Tours, 5 octobre 1490.

Prière de veiller à ce que le prince Djem ne soit mis hors des mains du saint-siège. — (Orig. Arch. de Florence, CI. X, dist. H, filza 47, c. 37. Publ. par Buser dans Beziehungen der Mediceer zu Frankreich, p. 526.)

De par le roy.

Mon cousin, j'escrips présentement à nostre Sainct Père unes lettres dont je vous envoyé la coppie, touchant la garde de Zizimm soultan, frère du grant Turch, ad ce qu'il ne soit mis hors des mains du Sainct Siège apostoHque*. Et croy que nostredict Sainct Père, en ensuivant la promesse que j'en ay de luy, le fera ainsi, et qu'il ne souffrera qu'il tombe en povoir d'autre que de luy. Neantmoins, pour ce que

i. Cf. aux Pièces justif. l'inventaire des pièces d'artillerie confiées en garde à la ville de Châlons.